ខេត្តកណ្តាល ៖ កាលពីភ្ជុំបិណ្ឌថ្ងៃទី២២ ខែកញ្ញា ឆ្នាំ២០២៥ វេលាម៉ោង ៤និង ៣០នាទីល្ងាច ចំណុចផ្លូវបេតុងមុខផ្ទះជនសង្ស័យ នៅភូមិបាសិទ្ធ…
ខេត្តកណ្តាល ៖ កាលពីភ្ជុំបិណ្ឌថ្ងៃទី២២ ខែកញ្ញា ឆ្នាំ២០២៥ វេលាម៉ោង ៤និង ៣០នាទីល្ងាច ចំណុចផ្លូវបេតុងមុខផ្ទះជនសង្ស័យ នៅភូមិបាសិទ្ធ ឃុំម្កាក់ ស្រុកអង្គស្នួល ខេត្ដកណ្ដាល មានករណីចាក់សម្លាប់នឹងដាវយ៉ាងសាហាឃោឃៅ ដោតដាវជាប់ខ្លួនធ្លុះពីមុខដល់ក្រោយ នៅបាសិត ដែលបណ្តាលឲ្យមានមនុស្សម្នាក់បានស្លាប់ រួចជិះម៉ូតូដេញតាមដកដាវពីសពដែលស្លាប់ យកមកកាប់មិត្តភក្តិជនរងគ្រោះម្នាក់ទៀតតែកាប់មិនត្រូវ ផ្អើលអ្នកភូមិក៏រត់គេចខ្លួនបាត់អស់ ប៉ុន្តែតាមបទបញ្ជាលោកឧត្ដមសេនីយ៍ទោស្នងការ លោកស្នងការរងទទួលជំនាញ និងលោកអធិការនគរបាលស្រុកអង្គស្នួល បានបញ្ជាឲ្យកម្លាំងផ្នែកពិនិត្យវិភាគកន្លែងកើតហេតុចុះទៅដល់ចំណុចកើតហេតុខាងលើ បើកការស្រាវជ្រាវ ដោយជនសង្ស័យគេចខ្លួនបានតែ១ថ្ងៃប៉ុណ្ណោះ ក៏ត្រូវបានសមត្ថកិច្ចសហការគ្នា បង្ក្រាបបាន ០២នាក់ហើយ នៅសល់០៣នាក់ទៀតកំពុងរត់គេចខ្លួន ។
សមត្ថកិច្ចបានឲ្យដឹងថា ជនសង្ស័យមានទាំងអស់ ០៥នាក់ ៖
១-ឈ្មោះ ភា ប៉ាក់នូ ភេទប្រុស អាយុ២៤ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិអង្គរមាស ឃុំម្កាក់ ស្រុកអង្គស្នួល ខេត្តកណ្តាល(ឃាត់ខ្លួន មានសារធាតុញៀនក្នុងទឹកនោម)។
២-ឈ្មោះ ឈឿន បញ្ញា ហៅណយ ភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិល្វា ឃុំទំនប់ធំ ស្រុកពញាឮ ខេត្តកណ្តាល(ឃាត់ខ្លួន មានសារធាតុញៀនក្នុងទឹកនោម)។
៣-ឈ្មោះ ទូច ភារៈ ហៅទយ ភេទប្រុស អាយុ១៧ឆ្នាំ ជនជាតិខ្មែរ មុខរបរ លក់ដូរ ទីលំនៅបច្ចុប្បន្នភូមិបាសិទ្ធ ឃុំម្កាក់ ស្រុកអង្គស្នួល ខេត្តកណ្តាល (ដៃដល់ គេចខ្លួន)។
៤-ឈ្មោះ ហេង ស៊ូលី ហៅលី ភេទប្រុស អាយុ២២ឆ្នាំ ជនជាតិខ្មែរ មុខរបរ លក់ដូរ ទីលំនៅបច្ចុប្បន្នភូមិបាត់ដឹង សង្កាត់ក្សេមក្សាន្ត ខណ្ឌឧដុង្គម៉ែជ័យ ខេត្តកំពង់ស្ពឺ(ដៃដល់ គេចខ្លួន)។
៥-ឈ្មោះ វ៉ាត ព្រហ្ម ភេទប្រុស អាយុ១៦ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិត្រពាំងស្នោ ឃុំម្កាក់ ស្រុកអង្គស្នួល ខេត្តកណ្តាល (គេចខ្លួន)។
ចំណែកជនរងគ្រោះដែលស្លាប់មានឈ្មោះ អៀន ម៉េងហួរ ភេទប្រុស អាយុ១៧ឆ្នាំ មុខរបរ ធ្វើសំណង់ ទីលំនៅបច្ចុប្បន្នភូមិត្រពាំងទទឹង សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
សមត្ថកិច្ចបានឲ្យដឹងទៀតថា នៅថ្ងៃទីខែឆ្នាំកើតហេតុខាងលើ វេលាម៉ោងប្រហែល២រសៀល ជនរងគ្រោះនិងមិត្តភក្តិមានគ្នា៧នាក់ ជិះម៉ូតូ៣គ្រឿង បានបបួលគ្នាទៅហូបចុកនៅវត្តភ្នំប្រសិទ្ធខាងត្បូង ឃុំម្កាក់ ស្រុកអង្គស្នួល ដោយជនរងគ្រោះជិះម៉ូតូជាមួយមិត្តភក្តិឈ្មោះ សាត ដេវិត អាយុ១៨ឆ្នាំ ភេទប្រុស មុខរបរមិនពិតប្រាកដ រស់នៅភូមិសង្កាត់ជាមួយគ្នា។
ក្រោយពីបានហូបចុកជាមួយគ្នារួចមិត្តភក្តិជនរងគ្រោះទាំងនោះក៏បានជិះម៉ូតូចែកផ្លូវគ្នាចេញទៅផ្ទះរាងខ្លួន ។ចំណែកជនរងគ្រោះ និងមិត្តភក្តិឈ្មោះ សាត ដេវិត បានជិះម៉ូតូឌុបគ្នាចុះពីលើភ្នំ(ពីលិចទៅកើត) មកដល់ចំណុចកើតហេតុស្រាប់តែជនសង្ស័យខាងលើបានឈរនៅចំណុចកើតហេតុហើយធ្វើសកម្មភាពយកដាវចាក់ទៅលើជនរងគ្រោះត្រូវចំក្រោមឆ្អឹងដងកាំបិត បណ្តាលឲ្យធ្លាយពីមុខមកក្រោយ ហើយដាវបានជាប់នឹងខ្លួនជនរងគ្រោះ ។ ពេលនោះមិត្តភក្តិជនរងគ្រោះ ឈ្មោះ សាត ដេវិត មិនបានឈប់ម៉ូតូឡើយក៏នៅបន្តបើកចូលដល់ចំណុចភូមិព្រៃពង្រ សង្កាត់ពញាពន់ ខណ្ឌព្រែកព្នៅ ជនរងគ្រោះក៏បានធ្លាក់ពីលើម៉ូតូបណ្តាលឲ្យស្លាប់ភ្លាមៗ ហើយមិត្តភក្តិជនរងគ្រោះ ឈ្មោះ សាត ដេវិត ក៏បានផ្តួលម៉ូតូចោលតែម្តង ។ ភ្លាមនោះជនសង្ស័យ និងបក្ខពួកជិះម៉ូតូ៣គ្រឿង គ្នា៦នាក់មកតាមពីក្រោយហើយចុះដកដាវចេញពីសពជនរងគ្រោះហើយបានធ្វើសកម្មភាពដេញកាប់មិត្តភក្តិជនរងគ្រោះ ឈ្មោះ សាត ដេវិត ទៀត តែត្រូវបានរត់គេចរួ ចហើយស្រែកឆោឡោឲ្យគេជួយ ពេលនោះជនសង្ស័យ នឹងបក្ខពួកក៏បាននាំគ្នាជិះម៉ូតូរត់គេចខ្លួនអស់បាត់ទៅ។
បន្ទាប់មកកម្លាំងសមត្ថកិច្ចប៉ុស្ដិ៍នគរបាលរដ្ឋបាលម្កាក់ កម្លាំងសមត្ថកិច្ចផ្នែកជំនាញអធិការដ្ឋាននគរបាលស្រុកអង្គស្នួល បានសហការជាមួយកម្លាំងសមត្ថកិច្ចអធិការដ្ឋាននគរបាលខណ្ឌព្រែកព្នៅ នៃស្នងការដ្ឋាននគរបាលរាជធានីភ្នំពេញ បានចុះដល់កន្លែងកើតហេតុធ្វើការស្រាវជ្រាវតាមរកជនសង្ស័យ និងបក្ខពួកបន្តតាមនិតិវិធី ។
លុះមកដល់ថ្ងៃទី២៣ ខែកញ្ញា ឆ្នាំ២០២៥ វេលាម៉ោង០៨ និង២០នាទី កម្លាំងផ្នែកជំនាញ និងប៉ុស្តិ៍នគរបាលរដ្ឋបាលម្កាក់ បានធ្វើការស្រាវជ្រាវនិងកំណត់មុខសញ្ញាជនសង្ស័យបាន ហើយបានបន្តសហការជាមួយកម្លាំងប៉ុស្តិ៍នគរបាលរដ្ឋបាលក្សេមក្សាន្ត នៃអធិការដ្ឋាននគរបាលក្រុងឧដុង្គម៉ែជ័យ ខេត្តកំពង់ស្ពឺ និងកម្លាំងប៉ុស្តិ៍នគរបាលរដ្ឋបាលទំនប់ធំ នៃអធិការដ្ឋាននគរបាលស្រុកពញាឮ ខេត្តកណ្តាល ធ្វើការឃាត់ខ្លួនសង្ស័យខាងលើបានចំនួន០២នាក់ ។
នៅចំពោះមុខសមត្ថកិច្ចជនសង្ស័យទាំង០២នាក់បានឆ្លើយសារភាពថាខ្លួនជាបក្ខពួករបស់ឈ្មោះ ទូច ភារៈ ពិតប្រាកដមែន ក្រោយពីឃើញឈ្មោះ ទូច ភារៈ ធ្វើសកម្មភាពកាប់ទៅលើជនរងគ្រោះហើយ ខ្លួននិងបក្ខពួកបានធ្វើសកម្មភាពយកចបកាប់ដងឈើនិងដំបងឈើជិះម៉ូតូដេញវាយតាមពីក្រោយទៀត ពេលទៅដល់កន្លែងជនរងគ្រោះដួលម៉ូតូ ក៏ឃើញជនរងគ្រោះស្លាប់បាត់ ទើបបក្ខពួកខ្លួនឈ្មោះ ហេងលី បានដកដាវចេញពីជនរងគ្រោះ ហើយនាំគ្នាជិះគេចខ្លួនតែម្ដង ដោយបានយកចបកាប់ដងឈើនិងដំបងឈើ បោះចោលនៅមុខផ្ទះរបស់ឈ្មោះ ទូច ភារៈ ។
ក្នុងនោះ តាមការស្រាវជ្រាវនិងការពិនិត្យកន្លែងកើតហេតុ នៅចញ្ចើមផ្លូវបេតុងក្បែរជើងភ្នំបាសិទ្ធិ មានស្លាកស្នាមឈាមនៅក្បែរចញ្ចើមផ្លូវបេតុងខាងជើងក្បែរគុម្ពព្រៃ មានម៉ូតូមួយគ្រឿងម៉ាក់NEXពណ៌សលាយលឿងនិងមានសាកសពដេកស្លាប់ក្បែរម៉តូមានឈា មពេញផ្ទៃមុខ សពស្លៀកខោខូវប៊យជើងវែងពណ៌ខៀវ និងពាក់ខ្សែរក្រវ៉ាត់ពណ៌ក្រហម ពាក់អាវក្រៅដៃវែងពណ៌ខ្មៅ និងពាក់អាវយឺតដៃខ្លីពណ៌ខៀវប្រឡាក់ដោយឈាម សពមានសភាពរឹង មានហៀរឈាមតាមមាត់ ដាចរលាត់ផុងដល់ឆ្អឹងផ្នែកស្មាខាងស្ដាំទំហំបណ្ដោយ១៥ស.ម និងទទឹង ១១ស.ម ខ្នងខាងឆ្វេងក្រោមក្លៀកមានស្នាមមុតផុងចូលក្នុងទំហំ៥ស.ម ដែលសមត្ថកិច្ចជំនាញបញ្ជាក់ថា ពិតជាស្លាប់ដោយសារអំពើឃាតកម្ម និងប្រគល់ឲ្យសាច់ញាតិធ្វើបុណ្យតាមប្រពៃណី ។
ដោយឡែកជនសង្ស័យទាំង២នាក់ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់ ស្នងការដ្ឋានននគរបាលខេត្តកណ្តាល ដើម្បីកសាងសំណុំរឿងបន្តបញ្ជូនខ្លួនទៅកាន់តុលាការ ចាត់ការតាមច្បាប់ និងកំពុងតាមចាប់បក្សពួកដែលនៅសេសសល់ បន្តទៀត ៕
ចែករំលែកព័តមាននេះ