អភិបាលខេត្តសៀមរាប ជំរុញអាជ្ញាធរមូលដ្ឋានឱ្យម្ចាស់ការដោះស្រាយបញ្ហាទឹកជំនន់
- សៀមរាប
ខេត្តសៀមរាប ៖ ភ្លៀងខ្លាំង មានផ្គររន្ទះ លាយឡំ និងខ្យល់កន្ទ្រាក់ រយៈពេល៣ថ្ងៃជាប់គ្នា ចាប់ពីថ្ងៃទី២១-២៣-២៣ ខែកញ្ញា ឆ្នាំ…
ខេត្តសៀមរាប ៖ ភ្លៀងខ្លាំង មានផ្គររន្ទះ លាយឡំ និងខ្យល់កន្ទ្រាក់ រយៈពេល៣ថ្ងៃជាប់គ្នា ចាប់ពីថ្ងៃទី២១-២៣-២៣ ខែកញ្ញា ឆ្នាំ ២០២៥ បណ្តាលឱ្យលិចលង់ផ្លូវថ្នល់សាលារៀន មន្ទីរពេទ្យ ផ្ទះសំបែង និងខូចខាតដំណាំយ៉ាងធ្ងន់ធ្ងរ ព្រមទាំងប្រកាសអាសន្ននៅផ្សារពួកផងដែរ ។
លោក ស៊ុន ចាន់ថុល អភិបាលនៃគណៈអភិបាលស្រុកពួក បានមានប្រសាសន៍នាយប់ថ្ងៃទី២៣ ខែកញ្ញានេះថា លោកបានប្រកាសឱ្យអាជីវករនៅផ្សារពួក ក្នុងខេត្តសៀមរាបទាំងអស់ សូមលើកឥវ៉ាន់ឱ្យបានខ្ពស់បំផុត ព្រោះទឹកអាចប្រឈមនឹងឡើងលិចនៅផ្សារពួក ដោយសាទឹកធ្លាក់មកពីលើកាន់តែខ្លាំង ដូច្នេះសូមបងប្អូនមេត្តាប្រុងប្រយ័ត្នទាំងអស់គ្នា ចំពោះអ្នកដែលនៅជាយៗនោះផងដែរ ។
ក្នុងនោះដែរ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានចុះពិនិត្យស្ថានភាពទឹកជំនន់ នៅតាមបណ្តាស្រុក មួយចំនួន ក្នុងខេត្តសៀមរាប នៅថ្ងៃទី២៤ ខែកញ្ញា ឆ្នាំ២០២៥ នេះ ។
លោកបានជំរុញឱ្យអាជ្ញាធរមូលដ្ឋាន ត្រូវមានភាពម្ចាស់ការ ក្នុងពេលមានគ្រោះមហន្តរាយធម្មជាតិកើតមាន ក្នុងភូមិសាស្ត្រខ្លួនត្រូវធ្វើយ៉ាងណាកុំឱ្យមានផលប៉ះពាល់ដល់ប្រជាពលរដ្ឋ គឺត្រូវប្រើឱ្យអស់គ្រប់វិធានការ ក្នុងការដោះស្រាយជូនដល់ប្រជាពលរដ្ឋយើងរស់នៅឱ្យមានភាពសុខសាន្តផងដែរ ៕
ចែករំលែកព័តមាននេះ