ខេត្តកំពត ៖ យុវជនម្នាក់មកមើលគេលេងជល់មាន់ លុះឮសូរគេនិយាយថា នគរបាលចុះមកចាប់អ្នកជល់មាន់ ធ្វើឱ្យជនរងគ្រោះរត់ចេញពីកន្លែងសង្វៀនបញ្ជល់មាន់ចម្ងាយ100ម៉ែត្រ កាត់វាលស្រូវផង ក៏បណ្តាលឱ្យដួលស្លាប់ក្នុងស្រែក្បែរចម្ការអំពៅតែម្តង ។ ហេតុការណ៍ខាងលើនេះបានកើតឡើងកាលពីវេលាម៉ោង11ថ្ងៃត្រង់ថ្ងៃទី21…
ខេត្តកំពត ៖ យុវជនម្នាក់មកមើលគេលេងជល់មាន់ លុះឮសូរគេនិយាយថា នគរបាលចុះមកចាប់អ្នកជល់មាន់ ធ្វើឱ្យជនរងគ្រោះរត់ចេញពីកន្លែងសង្វៀនបញ្ជល់មាន់ចម្ងាយ100ម៉ែត្រ កាត់វាលស្រូវផង ក៏បណ្តាលឱ្យដួលស្លាប់ក្នុងស្រែក្បែរចម្ការអំពៅតែម្តង ។
ហេតុការណ៍ខាងលើនេះបានកើតឡើងកាលពីវេលាម៉ោង11ថ្ងៃត្រង់ថ្ងៃទី21 ខែកញ្ញា ឆ្នាំ2025 នៅភូមិព្រៃធំ ឃុំទូកមាសខាងលិច ស្រុកបន្ទាយមាស ខេត្តកំពត។
ជនរងគ្រោះដែលភ័យនឹងនគរបាល រត់ចេញពីកន្លែងសង្វៀនមាន់បណ្តាលឱ្យដួលស្លាប់នោះឈ្មោះស៊ិន រម្យន្នីកិត្យា ភេទប្រុស អាយុ16ឆ្នាំ រស់នៅឯរាជធានីភ្នំពេញ ។
តាមប្រភពព័ត៌មានបានឱ្យដឹងថា មុនពេលកើតហេតុ ជនរងគ្រោះមកលេងផ្ទះមិត្តភក្តិនៅភូមិព្រៃធំក្នុងរដូវបុណ្យភ្ជុំបិណ្ឌនេះហើយឮសូគេជល់មាន់ ក៍បានមកមើលគេលេង លុះឮសូរគេនិយាយថា នគរបាលចុះមកចាប់អ្នកជល់មាន់ ហើយជនរងគ្រោះបានរត់ចេញពីកន្លែងសង្វៀនមាន់ចម្ងាយ100ម៉ែត្រកាត់វាលស្រូវផង ក៏ទៅដួលស្លាប់ក្នុងវាលស្រែក្បែរចម្ការអំពៅតែម្តង ។
នគរបាលក៍បាននិយាយប្រាប់អ្នកកាសែតផងដែរថា បន្ទាប់ពីនគរបាលបានទទួលបទបញ្ជាពីថ្នាក់លើមកបង្ក្រាបល្បែងជល់មាន់នៅភូមិព្រៃធំ តែនគរបាលមកមិនទាន់ដល់ផង ក្រុមអ្នកលេងមាន់ម្នាក់ៗបានរត់ប្រសេកប្រសាចពេញភូមិ ។ ភ្លាមៗនោះមិនទាន់ដឹងថាមានមនុស្សស្លាប់ទេ ទាល់តែមិត្តភក្តិដើររកទើបដឹងថាយុវជនស៊ិន រម្យន្នីកិត្យា ដួលស្លាប់នៅក្នុងស្រែក្បែរចម្ការអំពៅនោះតែម្ដង ៕
ចែករំលែកព័តមាននេះ