ខេត្តស្វាយរៀង ៖ សមត្ថកិច្ចនគបាលចុះបង្ក្រាប និងចាប់ខ្លួនក្រុមឧក្រិដ្ឋជនជនជាតិវៀតណាម ០៤នាក់ និងវត្ថុតាងបញ្ជូនទៅកាន់សាលាដំបូងខេត្តស្វាយរៀង ដើម្បីចាត់ការតាមច្បាប់ ពាក់ព័ន្ធករណីជួញដូរ រក្សាទុក ដឹកជញ្ជូន…
ខេត្តស្វាយរៀង ៖ សមត្ថកិច្ចនគបាលចុះបង្ក្រាប និងចាប់ខ្លួនក្រុមឧក្រិដ្ឋជនជនជាតិវៀតណាម ០៤នាក់ និងវត្ថុតាងបញ្ជូនទៅកាន់សាលាដំបូងខេត្តស្វាយរៀង ដើម្បីចាត់ការតាមច្បាប់ ពាក់ព័ន្ធករណីជួញដូរ រក្សាទុក ដឹកជញ្ជូន និងប្រើប្រាស់ដោយខុសច្បាប់នូវសារធាតុញៀន ។
បើតាមនគបាលខេត្តស្វាយរៀង បានអោយដឹងនារសៀលថ្ងៃទី១៨ ខែកញ្ញា ឆ្នាំ២០២៥ ថា សមត្ថកិច្ចចាប់ខ្លួន
ជនសង្ស័យ ជនជាតិវៀតណាម០៤នាក់រួមមាន ៖
១.ឈ្មោះ ង្វៀង ហាយហ័រ ភេទប្រុស អាយុ២៤ឆ្នាំស្នាក់នៅបន្ទប់ជួលភូមិបាវិតកណ្តាល សង្កាត់បាវិតក្រុងបាវិត។
២.ឈ្មោះ ចូវ វ៉ាន់ទុង ភេទប្រុស អាយុ៣៥ឆ្នាំ ស្នាក់នៅបន្ទប់ជួលភូមិបាវិតកណ្តាល សង្កាត់បាវិតក្រុងបាវិត។
៣.ឈ្មោះ ហូ ស៊ុនទិន ភេទប្រុស អាយុ២០ឆ្នាំ ស្នាក់នៅបន្ទប់ជូលភូមិបាវិតកណ្តាល សង្កាត់ ក្រុងបាវិត។
៤.ឈ្មោះ ធី វឹកស៊ឹ ភេទប្រុស អាយុ២៩ឆ្នាំនស្នាក់នៅបន្ទប់ជួលភូមិបាវិតកណ្តាល សង្កាត់បាវិត ក្រុងបាវិត ។
ប្រភពបន្តថា ដោយអនុវត្តតាមបទបញ្ជាដ៍ម៉ឺងម៉ាត់របស់លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត និងដឹកនាំបញ្ជាផ្ទាល់ពីលោកឧត្តមសេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀន ដោយមានការសម្របសម្រួលនីតិវិធីពីលោក ឡាយ ជុងហេង ព្រះរាជអាជ្ញារង អមសាលាដំបូងខេត្តស្វាយរៀង កាលពីថ្ងៃទី១៥ ខែកញ្ញា ឆ្នាំ២០២៥ កម្លាំងជំនាញការិយាល័យប្រឆាំងគ្រឿងញៀនខេត្ត ដឹកនាំដោយលោកវរសេនីយ៍ឯក កាន កេន នាយការិយាល័យ សហការជាមួយកម្លាំងអធិការដ្ឋាននគរបាលក្រុងបាវិត បានបើកប្រតិបត្តិការបង្ក្រាបករណីជួញដូរ រក្សាទុក ដឹកជញ្ជូន និងប្រើប្រាស់ដោយខុសច្បាប់ នូវសារធាតុញៀន នៅចំណុចបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ដោយបានឃាត់ខ្លួនជនសង្ស័យ០៤នាក់ និងដកហូតចាប់យកសម្ភារៈ រួមមាន ៖
-សរុបសារធាតុញៀនគ្រប់ប្រភេទទម្ងន់ ៦៦៥.៨៦ក្រាម
-អាវុធវែង ០១ដើម គ្រាប់២៣ គ្រាប់ ស៊ីម៉ែល០១
-ទូរសព្ទដៃ ០៥ គ្រឿង
-ជញ្ជីងថ្លឹងថ្នាំ០១ គ្រឿង
*ម៉ាស៊ីនគាបថង់០១គ្រឿង
-លិខតឆ្លងដែន០២ក្បាល
-អត្តសញ្ញាណប័ណ្ណវៀតណាម ០១សន្លឹក
-ព្រមទាំងឧបករណ៍ សម្ភារមួយចំនួនទៀត ។
បច្ចប្បន្នជនសង្ស័យ រួមជាមួយវត្ថុតាង ត្រូវបានបញ្ជួនទៅកាន់សាលាដំបូងខេត្ត ដើម្បីចាត់ការបន្តតាមច្បាប់ ៕
ចែករំលែកព័តមាននេះ