ខេត្តបន្ទាយមានជ័យ ៖ រថភ្លើងបុករុញរថយន្តលុចស៊ីសRX.330នៅពេលបើកឆ្លងផ្លូវដែក បណ្តាលឱ្យខ្ទិចអស់មួយកំណាត់មុខ តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ ។ ហេតុការណ៍ខាងលើនេះ បានកើតឡើងកាលពីយប់ថ្ងៃទី១៤ ខែកញ្ញា ឆ្នាំ២០២៥…
ខេត្តបន្ទាយមានជ័យ ៖ រថភ្លើងបុករុញរថយន្តលុចស៊ីសRX.330នៅពេលបើកឆ្លងផ្លូវដែក បណ្តាលឱ្យខ្ទិចអស់មួយកំណាត់មុខ តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ ។
ហេតុការណ៍ខាងលើនេះ បានកើតឡើងកាលពីយប់ថ្ងៃទី១៤ ខែកញ្ញា ឆ្នាំ២០២៥ នៅចំណុចផ្លូវដែក ស្ថិតក្នុងភូមិក្បាលស្ពាន សង្កាត់ព្រៈពន្លា ក្រុងសិរីសោភ័ណ ខេត្តបន្ទាយមានជ័យ ។
មន្ត្រីនគរបាលចរាចរណ៍ផ្លូវគោកខេត្តបន្ទាយមានជ័យប្រាប់ថា នៅពេលកើតហេតុ មានរថយន្តមួយគ្រឿងម៉ាកឡិចស៊ីស RX 330 ពាក់ផ្លាក់លេខ ភ្នំពេញ 2BV-4204 បានបើកបរឆ្លងដែកទិសដៅពីត្បូងទៅជើងបម្រុងចូលផ្ទះក្នុងផ្សារចិនខ្មៅ ស្រាប់តែរថភ្លើងបើកបរទិសដៅពីកើតមកលិចបានបុករុញធ្លាក់ផ្លូវ បណ្តាលឱ្យខ្ទិចមួយកំណាត់មុខខាងស្តាំ តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ ។
មន្ត្រីនគរបាលបានបញ្ជាក់ថា៖ក្រោយថ្នាក់ចរាចរណ៍កើតឡើងរថភ្លើងបុករថយន្តបណ្តាលខូចខាតមន្ត្រីជំនាញបានពិនិត្យហើយយករថយន្តដែលរងការខូចខាតយកទៅរក្សាទុកនៅស្នងការដ្ឋាននគរបាលខេត្តបន្ទាយមានជ័យដើម្បីអនុវត្តន៍តាមច្បាប់ចរាចរណ៍ផ្លូវគោក។
មន្ត្រីនគរបាលចរាចរណ៍ផ្លូវគោកបានអំនាវដល់ប្រជាពលរដ្ឋដែលធ្វើដំណើរឆ្លងផ្លូវមិនថាយប់រឺថ្ងៃនោះទេត្រូវមានការប្រយ័ត្នខណៈពេលរថភ្លើងមានរថយន្តទាំងយប់និងថ្ងៃមុនឆ្លងកាត់ត្រូវមើលឆ្វេងស្តាំទើបចាំឆ្លង។
ប្រជាពលរដ្ឋបានលើកឡើងថា៖ថ្នាក់ចរាចរណ៍បង្កដោយរថភ្លើងបុករថយន្តនិងបុកអ្នកជិៈម៉ូតូដែលឆ្លងកាត់ផ្លូវបានកើតឡើងញឹកញ៉ាប់នៅក្រុងសិរីសោភ័ណ គួរតែខាងផ្លូវដែកត្រូវធ្វើបារ៉ាស់ការពារនៅពេលរថភ្លើងឆ្លងកាត់ជាក់ស្តែងរថយន្តលុចស៊ីត្រូវបានរថភ្លើងបុកបណ្តាលខូចខាតតែមិនមានអ្នករងគ្រោះ ៕
ចែករំលែកព័តមាននេះ