ខេត្តកំពត ៖ ផ្ទះវីឡាជាប់300ខ្នងនៅលើភ្នំចំនួន2ត្រូវបានទុកចោលនៅខេត្តកំពត ។ ផ្ទះវីឡាជាប់300ខ្នង ដែលក្រុមហ៊ុនមួយបានចំណាយប្រាក់អស់រាប់លានដុល្លារ សាងសង់នៅលើភ្នំចំនួន2 នៅភូមិទ្វារថ្មី ឃុំព្រៃថ្នង ស្រុកទឹកឈូ…
ខេត្តកំពត ៖ ផ្ទះវីឡាជាប់300ខ្នងនៅលើភ្នំចំនួន2ត្រូវបានទុកចោលនៅខេត្តកំពត ។ ផ្ទះវីឡាជាប់300ខ្នង ដែលក្រុមហ៊ុនមួយបានចំណាយប្រាក់អស់រាប់លានដុល្លារ សាងសង់នៅលើភ្នំចំនួន2 នៅភូមិទ្វារថ្មី ឃុំព្រៃថ្នង ស្រុកទឹកឈូ ខេត្តកំពត ក្លាយទៅជាវីឡាដែលគេទុកចោលនៅកណ្ដាលព្រៃភ្នំនេះទៅហើយ ផ្ទះខ្លះក៍ធ្វើរួចរាល់ និងផ្ទះខ្លះទៀតចាក់គ្រឹះសសរចោល ហើយក៏ត្រូវបានផ្អាកការសាងសង់ទៅវិញពុំបានដឹងពីមូលហេតុឡើយ សូម្បីអ្នកចាំ ឬអ្នកសម្អាតក៏គ្មានដែរ ដូចបោះចោលតែម៉្រង…។
បើយោងតាមការអោយដឹងពីប្រជាពលរដ្ឋដែលចូលទៅបោចវល្លិរនៅទីនោះបាននិយាយប្រាប់អោយដឹងកាលពីព្រឹកថ្ងៃទី14 ខែកញ្ញា ឆ្នាំ2025នេះថា ផ្ទះដែលគេធ្វើទុកចោលជាប់300ខ្នងនេះជារបស់ក្រុមហ៊ុនជនបរទេសហើយឈប់ដំណើរការយូរឆ្នាំហើយ ។ មូលហេតុនៃការផ្អាកធ្វើឮថាអត់លុយហើយគ្មានអ្នកចូលទៅទិញ។
ខ្លះនិយាយថា មានតែជនបរទេសទេដែលចូលចិត្តទៅរស់នៅកន្លែងស្ងាត់ៗបែបនេះ ។ អ្នកយកព័ត៏មានបានព្យាឈាមចង់ជួបតំណាងក្រុមហ៊ុនឬអ្នកមើលការខុសត្រូវនៅលើភ្នំផ្ទះគម្រោងសាងសង់3រយខ្នងផ្ទះដែរ តែមិនអាចទំនាក់ទំនងបានដោយសាគ្មានមនុស្សណាដឹងហេតុផលនោះទេព្រោះមនុស្សម្នាភាគច្រើនមិនបានចូលទៅដល់កន្លែងនោះដែរ គឺជាតំបន់ស្ងាត់ឈឹងគួរឱ្យខ្លាចណាស់ មិនដឹងពេលណាទើបតំបន់ព្រៃភ្នំនេះក្លាយជាបូរីទៅហ្ន?
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព៕
ចែករំលែកព័តមាននេះ