ប្រទេសប្រេស៊ីល ៖ ទោះមានការគាបសង្កត់ពីប្រធានាធិបតីអាមេរិកលោកដូណាល់ត្រាំ ដើម្បីជួយ ក៏អតីតប្រធាធិបតីប្រេស៊ីលជាអ្នកស្ដាំនិយម លោកហ្សាអៀបុលសូណារ៉ូ ត្រូវទទួលការកាត់ទោសកាលពីថ្ងៃទី១១ កញ្ញា ដាក់ពន្ធនាគារដល់២៧ឆ្នាំនិង៣ខែ ក្រោយសវនាការកាត់ទោសលោកពីបទប៉ុនប៉ងធ្វើរដ្ឋប្រហារ…
ប្រទេសប្រេស៊ីល ៖ ទោះមានការគាបសង្កត់ពីប្រធានាធិបតីអាមេរិកលោកដូណាល់ត្រាំ ដើម្បីជួយ ក៏អតីតប្រធាធិបតីប្រេស៊ីលជាអ្នកស្ដាំនិយម លោកហ្សាអៀបុលសូណារ៉ូ ត្រូវទទួលការកាត់ទោសកាលពីថ្ងៃទី១១ កញ្ញា ដាក់ពន្ធនាគារដល់២៧ឆ្នាំនិង៣ខែ ក្រោយសវនាការកាត់ទោសលោកពីបទប៉ុនប៉ងធ្វើរដ្ឋប្រហារ និងពីបទប៉ុនប៉ងរារាំងការវិលត្រឡប់មកកាន់អំណាចវិញ របស់ប្រធានាធិបតីបច្ចុប្បន្នជាអ្នកធ្វេងនិយម លោកល្វីសអ៊ីណាស្យូលូឡាដាស៊ីលវ៉ា។
ចៅក្រមលោកគ្រីទីយ៉ាណូហ្សានីនវាយតម្លៃថា អតីតប្រមុខរដ្ឋរូបនោះ ជាអ្នកធ្លាប់ចូលរួមក្នុងអង្គការឧក្រិដ្ឋប្រដាប់អាវុធមួយ។ ក្នុងតុលាការកំពូលប្រេស៊ីល ចៅក្រម៤រូបបានបោះឆ្នោតគាំទ្រការកាត់ទោសនោះនិងមានចៅក្រម១រូបគត់ដែលបោះឆ្នោតប្រឆាំង។ តាមេធាវីរបស់លោកថា លោកហ្សាអៀបុលសូណារ៉ូ ពុំមានវត្តមាននៅតុលាការ ស្ដាប់សាលដីកាកាត់ទោសលោកឡើយ ដោយលើកហេតុផលសុខភាព។
ប្រធានាធិបតីអាមេរិកលោកដូណាល់ត្រាំ ចាត់ទុកការកាត់ទោសនោះថាគួរឲ្យភ្ញាក់ផ្អើលខ្លាំងដោយលោកថា ការធ្វើបែបនេះដូចជាគេសាកល្បងធ្វើប្រឆាំងលោកដែរ។ រឿងលោកបុលសូណារ៉ូក៏ជាប្រភពនៃវិបត្តិពុំធ្លាប់មានពីមុនមកមួយរវាងប្រេស៊ីលជាមហាអំណាចនៅអាមេរិកឡាទីននិងសហរដ្ឋអាមេរិក។ ព្រោះតែរឿងកាត់ទោសអតីតប្រធានាធិបតីប្រេស៊ីលរួបនេះ ទើបលោកត្រាំសម្រេចដាក់ពន្ធដល់៥០% លើបណ្ដាទំនិញប្រេស៊ីលនាំចូលដែនដីអាមេរិក៕
ចែករំលែកព័តមាននេះ