សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំកាលពីថ្ងៃទី១១កញ្ញាបានអំពាវនាវដល់បណ្ដាអ្នកគាំទ្រលោក ឲ្យឆ្លើយតបវិញ ដោយអហិង្សាចំពោះការបាញ់សម្លាប់មនុស្សជំនិតលោកម្នាក់លោកCHARLIE KIRK កាលពីថ្ងៃទី១០កញ្ញា។ លោកCHARLIE KIRKជាអ្នកអភិរក្សនិយមមានឥទ្ធិពលម្នាក់ និងជាទីប្រឹក្សាមួយរូបក្នុងចំណោមទីប្រឹក្សារបស់លោកត្រាំ…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំកាលពីថ្ងៃទី១១កញ្ញាបានអំពាវនាវដល់បណ្ដាអ្នកគាំទ្រលោក ឲ្យឆ្លើយតបវិញ ដោយអហិង្សាចំពោះការបាញ់សម្លាប់មនុស្សជំនិតលោកម្នាក់លោកCHARLIE KIRK កាលពីថ្ងៃទី១០កញ្ញា។
លោកCHARLIE KIRKជាអ្នកអភិរក្សនិយមមានឥទ្ធិពលម្នាក់ និងជាទីប្រឹក្សាមួយរូបក្នុងចំណោមទីប្រឹក្សារបស់លោកត្រាំ ជាអ្នកជ្រោងទង់យុវជនស្និទ្ធលោកត្រាំ ត្រូវបាញ់សម្លាប់ចំកក្នុងអង្គមីទ្ទីងជាសាធារណៈមួយនៅសាកលវិទ្យាល័យរដ្ឋអ៊ូតាហ៍ភាគខាងលិចអាមេរិក។ អាជ្ញាធរកំពុងបន្តយ៉ាងសកម្មតាមរកឃាតករ ក្រោយបាញ់សម្លាប់មនុស្សជំនិតនោះរបស់ប្រធានាធិបតីរួចហើយ។ សម្រាប់ពេលនេះមូលហេតុនៃការធ្វើឃាតនោះនៅមិនទាន់ដឹងនៅឡើយ។ មុននេះប៉ូលិសបានចាប់ខ្លួនមនុស្សម្នាក់តែក្រោយមកបានដោះលែងវិញ។
ប៉ូលិសប្រកាសនាថ្ងៃទី១១កញ្ញាថា បានរកឃើញអាវុធរបស់ឃាតករនៅក្នុងកម្ពោតព្រៃមួយដែលនោះជាកាំភ្លើងមួយដើមព្រមទាំងស្នាមស្បែកជើងក្រយៅដៃមួយ។ ប៉ូលិសក៏មានបណ្ដារូបភាពវីដេអូនៃជនសង្ស័យ ដែលមានវ័យអាចរៀននៅសាកលវិទ្យាល័យ។ រូបថត២សន្លឹក ដែលប៉ូលិសFBIផ្សាយ បង្ហាញបុរសម្នាក់ស្លៀកពាក់ខ្មៅ ពាក់វ៉ែនតាការពារពន្លឺព្រះអាទិត្យនិងមួកកាស្កែតមួយ។
ប៉ូលិសស្នើសុំជំនួយពីសាធារណជន ដើម្បីកំណត់អត្តសញ្ញាណមនុស្សនោះ។ ប៉ូលិសក៏ប្រកាសដែរពីការផ្ដល់រង្វាន់ដល់១០០.០០០ដុល្លារ សម្រាប់រាល់ព័ត៌មានទាក់ទិននឹងឃាតករ ហើយមានព័ត៌មានជាង២០០ដែលបានផ្ដល់ដល់អ្នកសើុបអង្កេតរួចហើយ។
ប្រមុខប៉ូលិសសហព័ន្ធអាមេរិកFBI កាលពីពេលមុននេះលើកឡើងពីការចាប់ខ្លួនមនុស្សម្នាក់ដែលក្រោយមកត្រូវបានដោះលែងវិញ៕
ចែករំលែកព័តមាននេះ