សង្គ្រាមអ៊ុយក្រែន ៖ ប្រធានាធិបតីអាមេរិកលោកដូណាល់ត្រាំវាយតម្លៃកាលពីថ្ងៃទី១១កញ្ញាថា ការលុកលុយរបស់បណ្ដាដ្រូនរុស្ស៊ីចូលដែនដីប៉ូឡូញ អាចជាលទ្ធផលនៃការច្រឡំមួយពីសំណាក់រុស្ស៊ី តែលោកថាលោកមិនសប្បាយចិត្តឡើយចំពោះសភាពការណ៍បែបនេះ។
ឆ្លើយតបសំណួររបស់បណ្ដាអ្នកកាសែតពិការលុកលុករបស់បណ្ដាដ្រូនចូលដែនដីប៉ូឡូញ លោកត្រាំឆ្លើយថានោះអាចជាការច្រឡំមួយ។ តែទោះបីយ៉ាងណាខ្ញុំមិនសប្បាយចិត្តឡើយចំពោះសភាពការណ៍បែបនេះ។ ប្រទេសប៉ូឡូញគាំទ្រដោយសម្ព័ន្ធមិត្តកាលពីថ្ងៃ១០កញ្ញា បានព្រមានពីជម្លោះបើកចំហរមួយជាមួយរុស្ស៊ី បន្ទាប់ពីការលុកលុយក្នុងដែនអាកាសខ្លួនដោយដ្រូន២០គ្រឿង ដែលកងទ័ពរុស្ស៊ីបញ្ជូនមកក្នុងដែនដីប្រទេសជាសមាជិកសហភាពអឹរ៉ុបមួយដែលក៏ជាមាជិកអូតង់ផងដែរ។ ការលុកលុយបែបនេះនាំឲ្យមានអន្តរាគមន៍របស់កងយន្តហោះអូតង់នាពេលរាត្រី។
ពួកលោកខាងលិចនិងសម្ព័ន្ធមិត្តអូតង់មានប្រតិកម្មដ៏មឺុងម៉ាត់ ហើយអគ្គលេខាធិការអ.ស.ប លោកអានតូនីញ៉ូហ្គូទ័ររេស លើកឡើងពីគ្រោះថ្នាក់ជាក់ស្ដែងមួយនៃការពង្រីកជម្លោះអ៊ុយក្រែន។ ការលើកឡើងទាំងនេះត្រូវបានក្រុងមូស្គូបដិសេធ។ សេតវិមាននិយាយថា លោកត្រាំបានតាមដានសភាពការណ៍ ហើយជួបសន្ទនាជាមួយសមភាគីប៉ូឡូញលោកKAROL NAWROCKI ។
នាយករដ្ឋមន្ត្រីប៉ូឡូញលោកDONALD TUSK លើកឡើងថា ដ្រូនយ៉ាងតិច១៩គ្រឿង បានចូលក្នុងដែនអាកាសប្រទេសលោកនាពេលយប់ ដោយលោកស្នើដល់កងយន្តហោះប្រដេញប៉ូឡូញហោះចេញ និងស្នើអន្តរាន្តរាគមន៍របស់កងយន្តហោះអូតង់ផងដែរ។ នៅWYRYKI-WOLA ជាភូមិមួយនាភាគខាងកើតប៉ូឡូញកងយោធាបានទៅពិនិត្យផ្ទះមួយដែលដំបូលរងការបំផ្លាញនិងមានបំណែករាយប៉ាយ។
នៅមុខសភាប៉ូឡូញលោកDONALD TUSK លើកឡើងថា យ៉ាងតិចដ្រូន៣គ្រឿងត្រូវបានបាញ់ទម្លាក់ តែមិនបានធ្វើឲ្យមានជនរងគ្រោះឡើយ។ លោកបន្តថា តែសកម្មភាពនេះរបស់រុស្សុីនាំឲ្យយើងខិតទៅរកជម្លោះដោយបើកចំហមួយ ពុំធ្លាប់មានចាប់តាំងពិសង្គ្រាមលោកលើកទី២មក។ តាមអ្នកនាំពាក្យក្រសួងមហាផ្ទៃប៉ូឡូញ លោកស្រីការ៉ូលីនណាហ្គាឡិកាថ្លែងថា ដ្រូន១៤គ្រឿងត្រូវបានរកឃើញ។ ក្រសួងនោះមុននេះលើកឡើងពីការរកឃើញបំណែកវត្ថុហោះមួយដែលមិនស្គាល់អត្តសញ្ញាណ និងអះអាងថាផ្ទះមួយខ្នងនិងរថយន្តមួយគ្រឿង រងការចូចខាតនៅភាគខាងត្បូងប៉ូឡូញ។
កងទ័ពអាកាសប៉ូឡូញ ប្រកាសពីការដាក់ពង្រាយកងយន្តហោះចម្បាំងរបស់ខ្លូននិងរបស់សម្ព័ន្ធមិត្ត។ កងយន្តហោះនោះបានប្រើអាវុធប្រឆាំងបណ្ដារបស់ប្រទូស្តរ៉ាយ។ កងទ័ពប៉ូឡូញនិងសម្ព័ន្ធមិត្តកំណត់ឃើញតាមរ៉ាដា នូវរបស់ហោះជាច្រើនដែលរបស់ទាំងនោះអាចតំណាងឲ្យការគំរាមកំហែងមួយ ទើបកងទ័ពធ្វើសេចក្ដីសម្រេចចិត្តបាញ់ទម្លាក់។ គេកំពុងបន្តតាមរករបស់ដែលត្រូវបាញ់ទម្លាក់ទាំងនេះ។ ក្រសួងការបរទេសរុស្សុីទីបំផុតបានចោទប្រកាន់ប៉ូឡូញថា ចង់ធ្វើ្ឲ្យសភាពការណ៍កាន់តែធ្ងន់ធ្ងរ តាមរយៈការចោទប្រកាន់គ្មានមូលដ្ឋាននានា៕
ចែករំលែកព័តមាននេះ