ប្រទេសចិន ៖ តាមទីភ្នាក់ងារព័ត៌មានចិនសីុនហួថា ព្យុះឈ្មោះTAPAH ជាព្យុះទីហ្វុងទី១៦ប្រចាំឆ្នាំ បានបោកបក់មកដល់ដែនដីនៃខេត្តក្វាងទុងភាគខាងត្បូងចិនកាលពីព្រឹកថ្ងៃទី៨កញ្ញា នាំឲ្យមានការបិទទ្វារសាលារៀន និងការជម្លៀសប្រជាជនចេញច្រើនសិបពាន់នាក់។ ព្យុះទីហ្វុងនេះដែលបោកបង់ក្នុងល្បឿនដល់៣០គីឡូម៉ែត្រក្នុង១វិនាទី បានវាយប្រហារនាវេលាម៉ោង៨និង៥០នាទីម៉ោងក្នុងស្រុក…
ប្រទេសចិន ៖ តាមទីភ្នាក់ងារព័ត៌មានចិនសីុនហួថា ព្យុះឈ្មោះTAPAH ជាព្យុះទីហ្វុងទី១៦ប្រចាំឆ្នាំ បានបោកបក់មកដល់ដែនដីនៃខេត្តក្វាងទុងភាគខាងត្បូងចិនកាលពីព្រឹកថ្ងៃទី៨កញ្ញា នាំឲ្យមានការបិទទ្វារសាលារៀន និងការជម្លៀសប្រជាជនចេញច្រើនសិបពាន់នាក់។
ព្យុះទីហ្វុងនេះដែលបោកបង់ក្នុងល្បឿនដល់៣០គីឡូម៉ែត្រក្នុង១វិនាទី បានវាយប្រហារនាវេលាម៉ោង៨និង៥០នាទីម៉ោងក្នុងស្រុក លើតំបន់ឆ្នេរនៃទីក្រុងតៃសានខេត្តក្វាងទុង។ មនុស្សជាង៤១.០០០នាក់ ក្នុងក្រុងជាំងមេនត្រូវបានជម្លៀសចេញទៅកាន់កន្លែងមានសុវត្តិភាព។
ារិយាល័យសមុទ្រក្រុងជាំងមេនថ្លែងថា បានដាក់ពង្រាយជាមុនក្រុមជួយសង្គ្រោះក្នុងសមុទ្រ៤៣ក្រុមព្រមទាំងត្រៀមនាវា៣០គ្រឿង សម្រាប់ប្រឈមមុខនឹងគ្រោះអាសន្នជាយថាហេតុនានា។ ចំណែកអ្នកជួយសង្គ្រោះជាង៣៣០០នាក់ បានមកដល់ក្រុងតៃសានរួចហើយ។
រងការប៉ះពាល់ដោយព្យុះទីហ្វុងនេះផ្នែកមួយចំនួននៃខេត្តក្វាងទុងជួបប្រទេះនឹងភ្លៀងធ្លាក់ខ្លាំងព្រមទាំងខ្យល់បោកបក់ខ្លាំង នាថ្ងៃទី៨កញ្ញា។ តាមផ្នែកឧុនិយមចិនថាព្យុះTAPAHនឹងបន្តបោកបក់សំដៅភាគពាយ័ព្យដោយចុះថមថយកម្លាំងជាបន្តបន្ទាប់។ ព្យុះTAPAHមិនបានវាយប្រហារផ្ទាល់លើវៀតណាមឡើយ តែឥទ្ធិពលរបស់វានាំឲ្យមានភ្លៀងធ្លាក់ខ្លាំងនៅបណ្ដាខេត្តភាគខាងជើងប្រទេស៕
ចែករំលែកព័តមាននេះ