ប្រទេសថៃ ៖ ប្រទេសថៃជ្រើសរើសបានហើយនាយករដ្ឋមន្ត្រីថ្មី តែនៅមិនច្បាស់លាស់ដោយការព្រួយបារម្ភនានានៅតែមាន។ រដ្ឋាភិបាលនោះមានអាយុមិនវែងទេ ដោយការបោះឆ្នោតសភាថ្មីនឹងធ្វើក្នុងរយៈពេល៤ខែទៀត។ នាយករដ្ឋមន្ត្រីទី៣២របស់ថៃលោកANUTIN CHAMVIRAKUL ក្នុងការបោះឆ្នោតជ្រើសតាំងរបស់សភា បានទទួលសំឡេង៣៣១ក្នុងចំណោមសមាជិកសភាទាំង៤៩២ពោលទទួលបានសំឡេងភាគច្រើនដាច់ខាត។…
ប្រទេសថៃ ៖ ប្រទេសថៃជ្រើសរើសបានហើយនាយករដ្ឋមន្ត្រីថ្មី តែនៅមិនច្បាស់លាស់ដោយការព្រួយបារម្ភនានានៅតែមាន។ រដ្ឋាភិបាលនោះមានអាយុមិនវែងទេ ដោយការបោះឆ្នោតសភាថ្មីនឹងធ្វើក្នុងរយៈពេល៤ខែទៀត។ នាយករដ្ឋមន្ត្រីទី៣២របស់ថៃលោកANUTIN CHAMVIRAKUL ក្នុងការបោះឆ្នោតជ្រើសតាំងរបស់សភា បានទទួលសំឡេង៣៣១ក្នុងចំណោមសមាជិកសភាទាំង៤៩២ពោលទទួលបានសំឡេងភាគច្រើនដាច់ខាត។ ពេលនេះមានអាយុ៥៨ឆ្នាំ លោកបានកាន់តំំណែងនយោបាយអំឡុងពេល២៩ឆ្នាំមកហើយ។ បុរសខ្លាំងថ្មីថៃនេះជាមហាសេដ្ឋីខាងអចលនទ្រព្យជាអ្នកអភិរក្សនិយម។
លោកធ្លាប់ធ្វើជាទីប្រឹក្សា ជាអនុរដ្ឋមន្ត្រី ជារដ្ឋមន្ត្រីនិងឧបនាយករដ្ឋមន្ត្រី។ លោកជាមនុស្សដែលគេស្គាល់ហើយជាពិសេសគេស្គាល់លោកច្បាស់ដោយលោកជាអ្នកការពារមុះមុតម្នាក់ ចំពោះការការលក់ដូរនិងប្រើកញ្ឆា ដោយមិនមានទោសពៃរ៍។ ក្នុងឆ្នាំ២០២២ ពេលលោកជារដ្ឋមន្ត្រីសុខាភិ បាល ថៃបានដូរច្បាប់ប្រឆាំងកញ្ឆាអនុញ្ញាតឲ្យលក់គ្រឿងញៀននោះតាមហាង និងលុបចោលទោសប្រឆាំងការប្រើវា។ ប៉ុន្តែប៉ុន្មានសប្ដាហ៍មកនេះថៃដូចជាដើរថយក្រោយវិញនាំឲ្យប៉ះពាល់ដល់គ្រប់សាខាផលិតកម្មនិងចែកចាយកញ្ឆា។
ក្នុងចំណោមការប្រកាសដំបូងៗរបស់មេដឹកនាំថ្មីមានការតស៊ូប្រឆាំងគ្រឿងញៀន ការរំលាយសភាក្នុងរយៈ៤ខែទៀត និងការកែប្រែរដ្ឋធម្មនុញ្ញ។ ក្នុងសមាសភាពរដ្ឋាភិបាលថ្មីរបស់លោករដ្ឋមន្ត្រីក្រសួងគន្លឹះ៣គឺក្រសួងការទេស ហិរញ្ញវត្ថុនិងថាមពលត្រូវបានជ្រើសរើសរួចហើយ។ អគ្គនាយករតនាគារក្លាយជារដ្ឋមន្ត្រីហិរញ្ញវត្ថុ អ្នកការទូតអាជីពម្នាក់ក្លាយជារដ្ឋមន្ត្រីការបរទេស ហើយអតីតអគ្គនាយករបស់ក្រុមហ៊ុនPTT ដែលទើបចូលនិវត្តន៍ក្លាយជារដ្ឋមន្ត្រីថាមពល។
សម្រាប់រយៈពេល៤ខែខាងមុខនេះមុនការបោះឆ្នោតសភាថ្មី ប្រមុខរដ្ឋាភិបាលថ្មីថៃបានប្រកាន់យកអាទិភាពចំនួន៤។ ខាងសេដ្ឋកិច្ចកាត់បន្ថយការចំណាយខ្ពស់ក្នុងជីវភាពេស់នៅ បង្កើនប្រាក់ចំណូលសម្រាប់មេផ្ទៃនិងសហគ្រាស។ អាទិភាពទី២រឿងសន្តិសុខព្រំដែន ស្វែងរកដំណោះ ស្រាយ ដោយសន្តិវិធីជាមួយកម្ពុជា ដោយមិនឲ្យបាត់បង់ដែនដីមួយសង្ទីរម៉ែត្រការ៉េណាឡើយ។
ចេញសងការខូតខាត់ដល់បណ្ដាគ្រួសាររងការប៉ះពាល់ដោយជម្លោះនៅតាមបណ្ដាខេត្តនៅតាមព្រំដែន។ អាទិភាពទី៣គឺគ្រោះមហន្តរាយធម្មជាតិ ពង្រឹងប្រពូ័ន្ធប្រកាសអាសន្ននិងកម្មវិធីស្ដារឡើងវិញ និងសងសំណងខូចខាត។ ចំណែកអាទិភាពទី៤គឺបញ្ហាសង្គមដោយតស៊ូប្រឆាំងគ្រឿង ញៀន ការជួញដូរមនុស្ស ការឆរបោកនិងល្បែងសីុសងគ្រប់ប្រភេទរួមទាំងល្បែងអនឡាញ
ផង៕
ចែករំលែកព័តមាននេះ