នៅមុនពេលដែលលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិប្រកាសលទ្ធផល សម្ដេចព្រះឧត្តមវង្សា គូ សុភាព ជាគ្រូសូត្រស្តាំ វត្តនិគ្រោធវ័ន ហៅគល់ទទឹង បានមានថេរដិកាឲ្យយុវជន និងយុវតី រិះគិតអំពីការងារជំនាញបច្ចេកទេស…
នៅមុនពេលដែលលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិប្រកាសលទ្ធផល សម្ដេចព្រះឧត្តមវង្សា គូ សុភាព ជាគ្រូសូត្រស្តាំ វត្តនិគ្រោធវ័ន ហៅគល់ទទឹង បានមានថេរដិកាឲ្យយុវជន និងយុវតី រិះគិតអំពីការងារជំនាញបច្ចេកទេស ។
សម្ដេចព្រះឧត្តមវង្សា គូ សុភាព ត្រូវបានគេស្គាល់ថា ជាបញ្ញវន្តសង្ឃ មានចំណេះដឹងខ្ពង់ខ្ពស់ ដែលតែងចែករំលែកពីព្រះធម៌អប់រំផ្លូវចិត្តដល់ពុទ្ធបរិស័ទចាស់ក្មេងបានលើកទឹកចិត្ត ឲ្យយុវវ័យក្រឡេកមើល និងផ្តល់តម្លៃដល់ការងារជំនាញបច្ចេកទេសនេះ ។
សម្ដេចព្រះឧត្តមវង្សា គូ សុភាព បានមានថេរដិការសង្កត់ធ្ងន់នាពេលថ្មីៗនេះថា «កូនក្មួយមិនអាចបន្តការសិក្សាទៀតបាន កូនក្មួយគួររៀនជំនាញបច្ចេកទេស។ ប្រទេសយើងខ្វះកម្លាំងពលកម្មជំនាញច្រើន។ មានជំនាញពិតមានចំណូលខ្ពស់ » ។
នេះគឺជាការលើកទឹកចិត្តមួយ ដែលសម្ដេចព្រះឧត្តមវង្សា គូ សុភាព បានចែករំលែកនៅលើ បណ្តាញសង្គម ខណៈដែលប្អូនៗជាយុវជន និងយុវតីជាង១៤ម៉ឺននាក់ បានកំពុងតែទន្ទឹងរង់ចាំលទ្ធផលនៃការប្រឡងសញ្ញាបត្រទុតិយភូមិដែលគ្រោងនឹងចេញនៅថ្ងៃទី២០ ខែកញ្ញា ខាងមុខនេះ ។
ចែករំលែកព័តមាននេះ