ប្រទេសស៊ូដង់ ៖ ចលនាប្រដាប់អាវុធរំដោះស៊ូដង់ជាក្រុមឧទ្ទាមមួយ រាយការណ៍នាថ្ងៃទី១កញ្ញាថា មានការបាក់ដីដ៏ធំមួយកើតមានកាលពីថ្ងៃទី៣១សីហានៅភូមិតារ៉ាសីុន។ តាមបណ្ដាព័ត៌មានដំបូងៗថា ប្រជាជនទាំងអស់នៃភូមិនេះដែលមានប្រមាណជាង១០០០នាក់ ប្រហែលស្លាប់ទាំងអស់ លើកលែងតែមនុស្សម្នាក់។ ក្នុងសេចក្ដីប្រកាសមួយចលនាប្រដាប់អាវុធរំដោះស៊ូដង…
ប្រទេសស៊ូដង់ ៖ ចលនាប្រដាប់អាវុធរំដោះស៊ូដង់ជាក្រុមឧទ្ទាមមួយ រាយការណ៍នាថ្ងៃទី១កញ្ញាថា មានការបាក់ដីដ៏ធំមួយកើតមានកាលពីថ្ងៃទី៣១សីហានៅភូមិតារ៉ាសីុន។ តាមបណ្ដាព័ត៌មានដំបូងៗថា ប្រជាជនទាំងអស់នៃភូមិនេះដែលមានប្រមាណជាង១០០០នាក់ ប្រហែលស្លាប់ទាំងអស់ លើកលែងតែមនុស្សម្នាក់។
ក្នុងសេចក្ដីប្រកាសមួយចលនាប្រដាប់អាវុធរំដោះស៊ូដង ជាអ្នកត្រួតត្រាតំបន់នេះ់លើកឡើងថា ការបាក់ដីដ៏ធំនិងដ៏បំផ្លិចបំផ្លាញនោះក្នុងតំបន់ដាហ្វួរស៊ូដង់ បានសម្លាប់មនុស្សជាង១០០០នាក់។ គ្រោះមហន្តរាយកើតមានលើភូមិតារ៉ាសីុនកាលពីថ្ងៃទី៣១សីហា។ ការបាក់ដីបានកម្ទេចភូមិនេះស្ថិតនៅជើងភ្នំម៉ារ៉ាទាំងស្រុង។ ក្រុមប្រដាប់អាវុធនោះបានអំពាវនាវរកជំនួយ ពិសេសពីអ.ស.ប ដើម្បីរុករកបណ្ដាសាកសពមនុស្ស។
សង្គ្រាមសីុវិលដ៏បង្ហូរឈាមពេលនេះបានចូលដល់ឆ្នាំទី៣ហើយនៅស៊ូដង់ នាំឲ្យប្រទេសនោះធ្លាក់ក្នុងវិបត្តិមនុស្សធម៌ដ៏អាក្រក់បំផុត ដោយគ្រោះអត់ឃ្លានកើតមានក្នុងផ្នែកដ៏ធំនៃតំបន់ដាហ្វួរភាគខាងលិចប្រទេស៕
ចែករំលែកព័តមាននេះ