ប្រទេសចិន ៖ ពេលដែលប្រធានាធិបតីអាមេរិកលោកដូណាល់ត្រាំ ចង់បានសន្តិភាពនៅអ៊ុយក្រែន កិច្ចប្រជុំកំពូលរបស់អង្គការកិច្ចសហប្រតិបត្តិការសៀងហៃ បានបើកធ្វើកាលពីថ្ងៃទី៣១សីហានៅចិន។ អង្គការនោះបង្កើតឡើងហាក់ក្នុងគោលដៅ ឲ្យមានតុល្យភាពមួយជាមួយអូតង់។ ពេលនេះបណ្ដាអ្នកការទូតអន្តរជាតិកំពុងតែសម្លឹងទៅកាន់ប្រទេសចិន ដែលប្រធានាធិបតីរុស្ស៊ីលោកវ្លាំឌីមៀរពូទីន…
ប្រទេសចិន ៖ ពេលដែលប្រធានាធិបតីអាមេរិកលោកដូណាល់ត្រាំ ចង់បានសន្តិភាពនៅអ៊ុយ
ក្រែន កិច្ចប្រជុំកំពូលរបស់អង្គការកិច្ចសហប្រតិបត្តិការសៀងហៃ បានបើកធ្វើកាលពីថ្ងៃទី៣១សីហានៅចិន។ អង្គការនោះបង្កើតឡើងហាក់ក្នុងគោលដៅ ឲ្យមានតុល្យភាពមួយជាមួយអូតង់។
ពេលនេះបណ្ដាអ្នកការទូតអន្តរជាតិកំពុងតែសម្លឹងទៅកាន់ប្រទេសចិន ដែលប្រធានាធិបតីរុស្ស៊ីលោកវ្លាំឌីមៀរពូទីន ក៏មានវត្តមានក្នុងកិច្ចប្រជុំកំពូលនោះដែរ។ លោកពូទីនបានមកដល់ចិននាព្រឹកថ្ងៃទី៣១សីហា ដើម្បីចូលរួមក្នុងកិច្ចប្រជុំកំពូលនៃអង្គការនោះ ដែលមានប្រទេសកាន់តែច្រើនចូលរួម។ ក្នុងចំណោមមេដឹកនាំដែលមកចូលរួមក្នុងកិច្ចប្រជុំកំពូលនោះ មានជាពិសេសប្រធានាធិបតីរុស្ស៊ី សមភាគីអុីរ៉ង់និងសមភាគីតួកគីព្រមទាំងនាយករដ្ឋមន្ត្រីឥណ្ឌា លោកណារេនដ្រាម៉ូឌី។ ក្រៅពីនេះមានមេដឹកនាំប្រទេស២០ទៀត ព្រមទាំងបណ្ដាអ្នកទទួលខុសត្រូវនៃអង្គការអន្តរជាតិនិងតំបន់ច្រើនរូបទៀត។
កិច្ចប្រជុំកំពូលអង្គការកិច្ចសហប្រតិបត្តិការសៀងហៃOCS នេះ ប្រព្រឹត្តទៅ២ថ្ងៃរហូត ដល់ថ្ងៃទី១កញ្ញា រួមជាមួយប្រធានាធិបតីចិនលោកស៊ីជីនពីងនៅក្រុងកំពង់ផែទៀនជីន។ ក្នុងចំណោមមេដឹកនាំដែលមកចូលរួមទាំងនោះមានមួយចំនួនពន្យារពេលស្ថិតនៅចិន រហូតដល់ថ្ងៃទី៣កញ្ញា ទស្សនាក្បួនព្យុហៈយាត្រាយោធាដ៏ធំនៅក្រុងប៉េកាំង រំឭកខួបលើកទី៨០នៃការបញ្ចប់សង្គ្រាមលោកលើកទី២។ មេដឹកនាំកូរ៉េខាងជើងលោកគីមជុងអ៊ុនដែលកម្រចេញក្រៅស្រុកបំផុត ក៏អញ្ជើញមកចូលរួមដែរ។
មុនពេលមកកាន់ប្រទេសចិនលោកពូទីន បានថ្លែងសរសើរដល់ទំនាក់ទំនង រវាងក្រុងមូស្គូនិងក្រុងប៉េកាំងដោយថ្លែងថា ទំនាក់ទំនងនោះបានឡើងដល់កម្រិតកំពូលថ្មី ពុំធ្លាប់មានពីមុនមក ហើយលោកគូសបញ្ជាក់ពីទិដ្ឋភាពសេដ្ឋកិច្ចនៃភាពជាដៃគូ។ លោកពូទីននឹងស្នាក់នៅចិន រយៈពេល៤ថ្ងៃ ក្នុងក្របខណ្ឌនៃទស្សនកិច្ចរយៈពេលយូរមួយនៅចិនរបស់មេដឹកនាំរុស្ស៊ី។
យោងតាមបណ្ដាសារព័ត៌មានរដ្ឋចិនថា កិច្ចប្រជុំកំពូលOCS លើកនេះជាកិច្ចប្រជុំកំពូលធំមួយពុំធ្លាប់រៀបចំធ្វើ នឹងជាឱកាសសម្រាប់គូសវាសទិសដៅធំៗ សម្រាប់ទសវត្សខាងមុខនៃការពង្រីកអង្គការនោះ។ OCSមានប្រទេសជាសមាជិក ចិន រុស្ស៊ី បេឡារុស ឥណ្ឌា អ៊ីរ៉ង់ កាហ្សាក់ស្ថាន កៀហ្ស៊ីគីស្ថាន ប៉ាគីស្ថាន តាក់់ជីគីស្ថាននិងអ៊ូសបេគីស្ថាន ៕
ចែករំលែកព័តមាននេះ