ទឹកដូង គឺជាភេសជ្ជៈធម្មជាតិ ដែលសម្បូរទៅដោយសារធាតុចិញ្ចឹមជាច្រើន ហើយការជ្រើសរើសពេលវេលាត្រឹមត្រូវ ដើម្បីទទួលទានក៏អាចជួយឲ្យរាងកាយទទួលបានអត្ថប្រយោជន៍អតិបរមាផងដែរ ។ ១. ពេលព្រឹកព្រលឹម (ពេលពោះទទេ) ការផឹកទឹកដូងនៅពេលពោះទទេ…
ទឹកដូង គឺជាភេសជ្ជៈធម្មជាតិ ដែលសម្បូរទៅដោយសារធាតុចិញ្ចឹមជាច្រើន ហើយការជ្រើសរើសពេលវេលាត្រឹមត្រូវ ដើម្បីទទួលទានក៏អាចជួយឲ្យរាងកាយទទួលបានអត្ថប្រយោជន៍អតិបរមាផងដែរ ។
១. ពេលព្រឹកព្រលឹម (ពេលពោះទទេ)
ការផឹកទឹកដូងនៅពេលពោះទទេ នាពេលព្រឹកព្រលឹម គឺជារឿងល្អបំផុតមួយ ។ វាមិនត្រឹមតែជួយលាងសម្អាតជាតិពុលពីក្នុងខ្លួនប៉ុណ្ណោះទេ ប៉ុន្តែក៏ជួយបង្កើនប្រព័ន្ធរំលាយអាហារឲ្យដំណើរការល្អផងដែរ។ លើសពីនេះ ទឹកដូងក៏ជួយឲ្យអ្នកមានអារម្មណ៍ស្រស់ស្រាយ និងមានកម្លាំងពេញមួយថ្ងៃ។
២. មុន និងក្រោយ ពេលហាត់ប្រាណ
មុនពេលហាត់ប្រាណ: ការផឹកទឹកដូងអាចជួយឲ្យរាងកាយមានកម្លាំង និងថាមពលនៅពេលហាត់ប្រាណ។
ក្រោយពេលហាត់ប្រាណ: ទឹកដូងមានសារធាតុ electrolytes ដូចជាប៉ូតាស្យូម ដែលអាចជួយស្ដារជាតិទឹកដែលបាត់បង់តាមរយៈញើសបានយ៉ាងឆាប់រហ័ស ដូច្នេះវាល្អសម្រាប់ជំនួសភេសជ្ជៈប៉ូវកម្លាំងដែលផលិតដោយរោងចក្រ។
៣. ពេលដែលអ្នកមានអារម្មណ៍ថា មិនស្រួលខ្លួន
នៅពេលដែលអ្នកមានបញ្ហាក្រហាយទ្រូង ឬអាការៈមិនស្រួលក្នុងក្រពះ ការផឹកទឹកដូងអាចជួយបន្សាបជាតិអាស៊ីត និងធ្វើឲ្យអ្នកមានអារម្មណ៍ធូរស្រាល ។ លើសពីនេះ ទឹកដូងក៏អាចជួយដល់ការរំលាយអាហារបានផងដែរ។
៤. មុនពេលចូលគេង
ការផឹកទឹកដូងមុនពេលចូលគេងបន្តិច អាចជួយបន្ធូរអារម្មណ៍តានតឹង និងជួយឲ្យការគេងលក់បានស្រួល ។ វាក៏ជួយកាត់បន្ថយបញ្ហាផ្លូវនោម និងជួយសម្អាតជាតិពុលផងដែរ។
ចំណាំ: ទោះជាយ៉ាងណាក៏ដោយ អ្នកគួរតែជ្រើសរើសទឹកដូងធម្មជាតិដែលមិនមានបន្ថែមជាតិស្ក រ។ ការផឹកក្នុងបរិមាណច្រើនហួសហេតុក៏អាចបង្កផលប៉ះពាល់ដល់សុខភាពផងដែរ ជាពិសេសសម្រាប់អ្នកដែលមានបញ្ហាជំងឺទឹកនោមផ្អែម ព្រោះទឹកដូងនៅតែមានជាតិស្ករធម្មជាតិបន្តិចបន្តួច ៕
ចែករំលែកព័តមាននេះ