ADផ្ទាំងផ្សព្វផ្សាយពាណិជ្ជកម្ម

Picture

វីរកងទ័ព​ពលីជីវិត ដោយសារផ្សែងពុលទាហានសៀម នៅតំបន់ប្រាសាទព្រះវិហារ

12 ម៉ោង មុន

​ខេត្តបាត់ដំបង៖ លោកវរសេនីយ៍ទោ ឡាក់ រស្មី មេបញ្ជាការវរសេនាតូចកាំភ្លើងធំ ចំណុះកងពលធំអន្តរាគមន៍លេខ៣ ឈរជើងនៅប្រាសាទព្រះវិហារ បានទទួលមរណភាព ​ដោយសារផ្សែងពុលរបស់ទាហានសៀម។ យោងតាមការចុះផ្សាយរបស់រដ្ឋបាលខេត្តបាត់ដំបង…


ខេត្តបាត់ដំបង៖ លោកវរសេនីយ៍ទោ ឡាក់ រស្មី មេបញ្ជាការវរសេនាតូចកាំភ្លើងធំ ចំណុះកងពលធំអន្តរាគមន៍លេខ៣ ឈរជើងនៅប្រាសាទព្រះវិហារ បានទទួលមរណភាព ​ដោយសារផ្សែងពុលរបស់ទាហានសៀម។

យោងតាមការចុះផ្សាយរបស់រដ្ឋបាលខេត្តបាត់ដំបង បានឱ្យដឹងថានៅរសៀលថ្ងៃ​ទី២៨ ខែសីហា ឆ្នាំ២០២៥ នេះ ប្រតិភូរដ្ឋបាលខេត្តបាត់ដំបង និងប្រតិភូសាខាកាកបាទក្រហមកម្ពុជា ខេត្តបាត់ដំបង ដឹកនាំដោយ ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាខេត្ត និងសហការី បាននាំយកសារលិខិតរំលែកមរណទុក្ខដ៏ក្រៀមក្រំជូនក្រុមគ្រួសារសព ព្រោះការបាត់បង់លោកវរសេនីយ៍ទោ ឡាក់ រស្មី មេបញ្ជាការវរសេនាតូចកាំភ្លើងធំ ចំណុះកងពលធំអន្តរាគមន៍លេខ៣ ឈរជើងនៅប្រាសាទព្រះវិហារ បានទទួលមរណភាព កាលពី​ថ្ងៃទី២៦ ខែសីហា ឆ្នាំ២០២៥ ក្នុងជន្មាយុ ៥៣ ឆ្នាំ ដោយសារផ្សែងពុលរបស់ទាហានសៀម។

ការពលីជីវិតរបស់លោកវរសេនីយ៍ទោ ឡាក់ រស្មី គឺជាការបាត់បង់ នូវកូន ស្វាមី ឪពុក ដែលប្រកបដោយសង្គហធម៌ដ៏ឧត្ដុង្គឧត្តមចំពោះឪពុកម្តាយ ភរិយានិងជាការបាត់បង់ឪពុកប្រកបដោយព្រហ្មវិហារធម៌ចំពោះកូនៗ ហើយក៏ជាការបាត់បង់នាយទាហានស្នេហាជាតិដ៏បរិសុទ្ធ ដែលបានលះបង់អស់ពីកម្លាំងកាយ បញ្ញាស្មារតី និងបានធ្វើពលីកម្មគ្រប់បែបយ៉ាង ដើម្បីបុព្វហេតុជាតិ សាសនា ព្រះមហាក្សត្រ នៅគ្រប់កាលៈទេសៈ សំដៅរួមចំណែកយ៉ាងមោះមុតនៅក្នុងបុព្វហេតុការពារអធិបតេយ្យ និងបូរណភាពទឹកដី ដើម្បីសេចក្តីសុខក្សេមក្សាន្តរបស់ប្រជាជនកម្ពុជានៃយើង។

​ជាមួយគ្នានេះ សាខាកាកបាទក្រហមកម្ពុជាខេត្ត ក៏បាននាំយក គ្រឿងឧបភោគបរិភោគ និងថវិកាមួយចំនួនសម្រាប់ចូលបុណ្យសពផងដែរ៕

អត្ថបទសរសេរ ដោយ

កែសម្រួលដោយ