សង្គ្រាមអ៊ុយក្រែន ៖ ខណៈដែលទំនាក់ទំនងរវាងអាមេរិកនិងចិន ពុំមានភាពល្អប្រសើរច្បាស់លាស់នោះ ប្រធានាធិបតីអាមេរិកលោកដូណាល់ត្រាំលាតត្រដាង នាថ្ងៃទី២៦ សីហា បន្ទាប់ពីការពិភាក្សាថ្មីជាមួយសមភាគីរុស្ស៊ី លោកវ្ល៉ាឌីមៀរពូទីន ថា…
សង្គ្រាមអ៊ុយក្រែន ៖ ខណៈដែលទំនាក់ទំនងរវាងអាមេរិកនិងចិន ពុំមានភាពល្អប្រសើរច្បាស់លាស់នោះ ប្រធានាធិបតីអាមេរិកលោកដូណាល់ត្រាំលាតត្រដាង នាថ្ងៃទី២៦ សីហា បន្ទាប់ពីការពិភាក្សាថ្មីជាមួយសមភាគីរុស្ស៊ី លោកវ្ល៉ាឌីមៀរពូទីន ថា ចិននឹងអាចចូលរួមដែរក្នុងការចរចា រវាងអ៊ុយក្រែន និងរុស្ស៊ី។
មុនលាតត្រដាងភាពលម្អិតសម្រាប់អនាគតនៃការចរចា ដើម្បីសន្តិភាពនៅអ៊ុយក្រែន លោកត្រាំចាប់ផ្ដើមតាមរយៈការឆ្លើយសំនួររបស់ស្ត្រីអ្នកកាសែតម្នាក់ថា លោកពិតជាបានជួបពិភាក្សាគ្នា ជាមួយប្រមុខវិមានក្រឹមឡាំង ក្រោយមានការជួបគ្នាកំពូលនៅសេតវិមានកាលពីសប្ដាហ៍មុន ជាមួយប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គី និងមេដឹកនាំអឺរ៉ុបច្រើនរូបទៀត។
ស្ត្រីអ្នកកាសែតរូបនោះបានសួរថា ១សប្ដាហ៍ក្រោយការជួបគ្នាកំពូលនៅក្រុងវ៉ាសិុនតោន តើសន្តិភាពពិតជាខិតជិតហើយឬ?
លោកត្រាំបានឆ្លើយតបថាខ្ញុំជឿជាក់ដែលយើងនឹងបញ្ចប់សង្គ្រាម។ លោកឆ្លើយបែបនេះពេលដែលសញ្ញានានា ហាក់បង្ហាញពីសភាពការណ៍ទ័លច្រក រវាងក្រុងគៀវនិងក្រុងមូស្គូ។ លោកបន្តថាមែនហើយគ្មាននរណាជឿថាការជួបគ្នារវាងលោកពូទីននិងលោកហ្សេឡេនស្គី អាចទៅរួចឡើយ។ សូម្បីតែទីកន្លែងនៃការជួបគ្នារវាងប្រធានាធិបតីទាំង២ ដែលកំពុងច្បាំងគ្នាក៏ហាក់ដូចជាលំបាកសម្រេចដែរ។
ពេលសួរលោកពីការលំបាកក្នុងការរៀបចំការជួបគ្នានោះ លោកត្រាំគ្រាន់តែទទួលស្គាល់ថា អ្នកទាំងនោះមិនមែនស្រឡាញ់គ្នាទេ។ ក្នុងភាពមិនច្បាស់លាស់លើអនាគតនៃជម្លោះនោះដែលចាប់ផ្ដើមពីថ្ងៃទី២២កុម្ភៈឆ្នាំ២០២២មក លោកត្រាំលើកពីព័ត៌មានដែលថា ប្រទេសចិនរបស់លោកស៊ីជីនពីងអាចចូលក្នុងឆាកដែរ។
លោកត្រាំថ្លែងថាយើងនឹងបញ្ចូលចិនក្នុងការចរចាតែក្នុងដំណាក់កាលនេះមិនទាន់បញ្ជាក់ច្បាស់នៅឡើយលើសំណើនេះ។ លោកថាចិនបានរំឭកជាញឹកញាប់ ពីបំណងចង់ឲ្យសន្តិភាពវិលត្រឡប់មកវិញនៅអ៊ុយក្រែន។
មែនហើយចិនមិនបានថ្កោលទោសការលុកលុយរបស់រុស្ស៊ីចូលអ៊ុយក្រែនឡើយ។ ក្រុងប៉េកាំងផ្ដល់ការជួយទ្រទ្រងជាសម្ងាត់ តែសំខាន់សម្រាប់ក្រុងមូស្គូសម្រាប់ការខិតខំប្រឹងប្រែងធ្វើសង្គ្រាមរបស់ខ្លួន ៕
ចែករំលែកព័តមាននេះ