រាជធានីភ្នំពេញ ៖ ឯកឧត្តម ប៉ែន បូណា រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាលបានគូសបញ្ជាក់ថាសម័យតេជោធិបតី កម្ពុជាបានស្គាល់សុខសន្ដិភាពពេលលេញយូរអង្វែងជាងពេលណាៗទាំងអស់។ ក្នុងសន្និសីទសារព័ត៌មាន បង្ហាញបច្ចុប្បន្នភាពនៃការអនុវត្តបទឈប់បាញ់រវាងកម្ពុជាថៃនៅព្រឹកថ្ងៃទី២៥…
រាជធានីភ្នំពេញ ៖ ឯកឧត្តម ប៉ែន បូណា រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាលបានគូសបញ្ជាក់ថាសម័យតេជោធិបតី កម្ពុជាបានស្គាល់សុខសន្ដិភាពពេលលេញយូរអង្វែងជាងពេលណាៗទាំងអស់។
ក្នុងសន្និសីទសារព័ត៌មាន បង្ហាញបច្ចុប្បន្នភាពនៃការអនុវត្តបទឈប់បាញ់រវាងកម្ពុជាថៃ
នៅព្រឹកថ្ងៃទី២៥ ខែសីហា ឆ្នាំ២០២៥ឯកឧត្តមប៉ែន បូណាបានលើកឡើងថា ផ្អែកតាមកត្តាប្រវត្តិសាស្ដ្រ៥០០ឆ្នាំមកនេះ មានតែសករាជ្យតេជោធិបតីទេ ដែលកម្ពុជាបានទទួលស្គាល់នូវការអភិវឌ្ឍរីកចម្រើនជាងពេលណាៗទាំងអស់។
ឯកឧត្តម បានថ្លែងយ៉ាងដូច្នេះថា «ក្នុងប្រវត្តិសាស្ដ្រសម័យទំនើបជាង៥០០ឆ្នាំចុងក្រោយ យើងគិតចាប់ពីក្រោយសម័យអង្គរមក កម្ពុជាក្នុងសករាជតេជោធិបតី បានស្គាល់ការអភិវឌ្ឍលូតលាស់ខ្លាំងជាងពេលណាៗទាំងអស់»។
ជាមួយគ្នានោះដែរឯកឧត្តមបានលើកឡើងថាសម័យតេជោធិបតី កម្ពុជាបានស្គាល់សុខសន្ដិភាពពេលលេញយូរអង្វែងជាងពេលណាៗទាំងអស់។ កម្ពុជាមានហេដ្ឋារចនាសម្ព័ន្ធល្អ ដែលបង្កលក្ខណៈងាយស្រួលដល់ប្រជាពលរដ្ឋក្នុងការធ្វើដំណើរបានស្រួល និងបានឆាប់រហ័សជាងពេលណាៗទាំងអស់។
លើសពីនេះ កម្ពុជាមានមធ្យោបាយធ្វើដំណើរសម្បូរបែប ទំនើប។ កូនខ្មែរក៏មានឱកាសបានរៀនសូត្រ បានចេញទៅក្រៅប្រទេស និងបានស្គាល់ភាពសប្បាយរីករាយជាងពេលណាឯទាំងអស់។
អ្នកនាំពាក្យរាជរដ្ឋាភិបាលកម្ពុជារូបនេះ បានអះអាងទៀតថា ទាំងអស់នេះជាការពិតដែលអាចផ្ទៀតផ្ទាត់បាន ហើយក៏គ្មានអ្នកណាអាចបដិសេធបាននោះឡើយ នូវអ្វីដែលកម្ពុជាមាននៅពេលបច្ចុប្បន្ននេះ៕
ចែករំលែកព័តមាននេះ