ខេត្តកណ្ដាល ៖ ក្រុមក្មេងទំនើងដែលជួបជុំគ្នាជិះម៉ូតូបង្ហោះយ៉ាងអនាធិបតេយ្យពេលយប់ បានត្រូវនគរបាលស្រុកអង្គស្នួលបង្ក្រាប កាលពីវេលាម៉ោងប្រមាណ១១និង៣៥នាទីយប់ថ្ងៃទី២៣ ខែសីហា ឆ្នាំ២០២៥កន្លងទៅ នៅផ្លូវបេតុង ក្នុងភូមិមនោរម្យ ឃុំបែកចាន…
ខេត្តកណ្ដាល ៖ ក្រុមក្មេងទំនើងដែលជួបជុំគ្នាជិះម៉ូតូបង្ហោះយ៉ាងអនាធិបតេយ្យពេលយប់ បានត្រូវនគរបាលស្រុកអង្គស្នួលបង្ក្រាប កាលពីវេលាម៉ោងប្រមាណ១១និង៣៥នាទីយប់ថ្ងៃទី២៣ ខែសីហា ឆ្នាំ២០២៥កន្លងទៅ នៅផ្លូវបេតុង ក្នុងភូមិមនោរម្យ ឃុំបែកចាន ស្រុកអង្គស្នួល ។
នគរបាលស្រុកអង្គស្នួលបានឲ្យដឹងថា ក្មេងទំនើងទាំងនោះមានចំនួន៩នាក់ ក្នុងនោះស្រី២នាក់ ព្រមទាំងដកហូតម៉ូតូ៥គ្រឿង និងទូរស័ព្ទ២គ្រឿង ។សូមបញ្ជាក់ថា នៅពេលនគរបាលប៉ុស្ដិ៍
ពើក សហការជាមួយនគរបាលយុត្តិធម៌ និងកម្លាំងអន្តរាគមន៍នៃអធិការដ្ឋាននគរបាលស្រុកអង្គស្នួល ល្បាតក្នុងភូមិសាស្ដ្រ ក៏ទទួលបានព័ត៌មាន ថា មានក្មេងទំនើងកំពុងជួបជុំគ្នា និងធ្វើសកម្មភាពបង្ហោះម៉ូតូ ។
នៅពេលទទួលបានព័ត៌មាននេះ កម្លាំងសមត្ថកិច្ចក៏បានទៅកាន់ទីនោះ ប្រទះឃើញក្មេងទំនើងទាំង៩នាក់ ជិះម៉ូតូឌ្រីម៣គ្រឿង សុ៊យហ្សុ៊យគី ណិច១គ្រឿង និងស្គូពី១គ្រឿង ក៏បាននាំទាំងមនុស្សនិងម៉ូតូ ទៅអធិការដ្ឋាននគរបាលស្រុកដើម្បីសួរនាំ ។
នៅចំពោះមុខសមត្ថកិច្ច ក្មេងទំនើងទាំងនេះឆ្លើយថា ពួកខ្លួនពិតជាបានជិះម៉ូតូបង្ហោះប្រាកដមែន ហើយកន្លងមកធ្លាប់ធ្វើសកម្មភាពបង្ហោះម៉ូតូនៅតាមផ្លូវសាធារណៈជាច្រើនលើកមកហើយ ។
ចំពោះករណីខាងលើនេះ សមត្ថកិច្ចបានធ្វើការអប់រំរយៈពេល៣៦ម៉ោងទៅ៤៨ម៉ោង នៅអធិការដ្ឋាននគរបាលស្រុក ឲ្យធ្វើអនាម័យ និងហៅក្រុមគ្រួសារមកធ្វើកិច្ចសន្យាយកទៅអប់រំ បន្ត ៕
ចែករំលែកព័តមាននេះ