ខេត្តកណ្តាល ៖ អគ្គិភ័យឆាបឆេះផ្ទះឈើលើថ្មក្រោមយ៉ាងសន្ធោសន្ធៅ បណ្តាលអោយលោកយាយម្នាក់ស្លាប់យ៉ាងអាណោចអាធ័មក្នុងភ្នក់ភ្លើង ។ ហេតុការណ៍ដ៏គួរអោយរន្ធត់នេះ បានកើតទ្បើងកាលពីវេលាម៉ោង១១ និង៤០នាទីព្រឹកថ្ងៃទី២៣ ខែសីហា ឆ្នាំ២០២៥…
ខេត្តកណ្តាល ៖ អគ្គិភ័យឆាបឆេះផ្ទះឈើលើថ្មក្រោមយ៉ាងសន្ធោសន្ធៅ បណ្តាលអោយលោកយាយម្នាក់ស្លាប់យ៉ាងអាណោចអាធ័មក្នុងភ្នក់ភ្លើង ។ ហេតុការណ៍ដ៏គួរអោយរន្ធត់នេះ បានកើតទ្បើងកាលពីវេលាម៉ោង១១ និង៤០នាទីព្រឹកថ្ងៃទី២៣ ខែសីហា ឆ្នាំ២០២៥ ស្ថិតនៅចំណុចផ្លូវបេតុង ភូមិព្រែកតាពៅ សង្កាត់ដើមមាន ក្រុងតាខ្មៅ ខេត្តកណ្តាល ។
បើយោងតាមប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ ពួកគាត់ កំពុងតែពិសារបាយ ស្របពេលនោះក៏មានធុំក្លិនឈ្ងៀមរត់ចេញមកមើល ស្រាប់តែឃើញមានផ្សែងហុយខ្មៅខ្មួលខ្មាញ់ លាយឡំ អណ្តាតភ្លើង យ៉ាងសន្ធោសន្ធៅចេញពីផ្ទះកើតហេតុបាត់ទៅហើយ ។
ស្របពេលនោះ ប្រជាពលរដ្ឋបាននាំគ្នាយកទុយោទឹក ដើម្បីជួយបាញ់ពន្លត់ភ្លើង តែទប់ទល់មិនបានទើបប្រញាប់រាយការណ៍ជូនសមត្ថកិច្ចអោយជួយចុះមកអន្តរាគមន៍ ដើម្បីកុំឱ្យមានការឆេះរាលដាលកាន់តែខ្លាំងដល់ផ្ទះដទៃទៀត ។
បន្ទាប់ពីទទួលបានដំណឹងថា មានករណីអគ្គិភ័យឆាបឆេះផ្ទះ ប្រជាពលរដ្ឋភ្លាមៗ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាលបានឲ្យរថយន្តបង្ការអគ្គិភ័យពន្លត់ និងសង្គ្រោះចេញរថយន្តទៅជួយអន្តរាគមន៍ពន្លត់អគ្គិភ័យផងដែល ។
បច្ចុប្បន្ន កម្លាំងសមត្ថកិច្ចជំនាញ កំពុងធ្វើអន្តរាគមន៍បាញ់ពន្លត់ ក្នុងនោះ សមត្ថកិច្ចក៏បានបង្ហើបព័ត៌មានបឋមអោយដឹងថា មានលោកយាយចាស់ជរាម្នាក់បានឆេះស្លាប់ក្នុងអណ្តាតភ្លើងយ៉ាងគួរអោយរន្ធត់ ។
បច្ចុប្បន្ន សមត្ថកិច្ចជំនាញនគរបាលក្រុងតាខ្មៅ កំពុងធ្វើការស្រាវជ្រាវយ៉ាងយកចិត្តទុកដាក់បំផុត ដើម្បីរកពីមូលហេតុនៃការឆេះស្លាប់លោកយាយខាងលើ ៕
ចែករំលែកព័តមាននេះ