ខេត្តបាត់ដំបង ៖ យុវជនម្នាក់ត្រូវបានកម្លាំងកងរាជអាវុធហត្ថ និងមន្ត្រីជលផលឆ្មក់ព័ទ្ធចាប់ខ្លួន កាលពីវេលាម៉ោង១រំលងអធ្រាត្រ ឈានចូលថ្ងៃទី២៣ សីហា ខណ:កំពុងប្រើឧបករណ៍ខុសច្បាប់លួចឆក់ត្រី នៅចំណុចខាងលិចបឹងរលួស ស្ថិតក្នុងភូមិតាគម…
ខេត្តបាត់ដំបង ៖ យុវជនម្នាក់ត្រូវបានកម្លាំងកងរាជអាវុធហត្ថ និងមន្ត្រីជលផលឆ្មក់ព័ទ្ធចាប់ខ្លួន កាលពីវេលាម៉ោង១រំលងអធ្រាត្រ ឈានចូលថ្ងៃទី២៣ សីហា ខណ:កំពុងប្រើឧបករណ៍ខុសច្បាប់លួចឆក់ត្រី នៅចំណុចខាងលិចបឹងរលួស ស្ថិតក្នុងភូមិតាគម ឃុំពាមឯក ស្រុកឯកភ្នំ ។
របាយការណ៍បឋមរបស់មន្ត្រីកងរាជអាវុធហត្ថបានឲ្យដឹងថា ជនសង្ស័យម្នាក់ដែលត្រូវឃាត់ខ្លួន ឈ្មោះ វួន វៃ ភេទប្រុស អាយុ១៩ឆ្នាំ រស់នៅភូមិគោកដូង ឃុំពាមឯក ស្រុកឯកភ្នំ។ ជននេះ ត្រូវបានកម្លាំងកងរាជអាវុធហត្ថស្រុកឯកភ្នំ មន្ត្រីជលផល ដែលមានការចូលរួមពីកម្លាំងសហគមន៍នេសាទមួយចំនួនផង ចុះបង្ក្រាបនៅពេលជននេះ កំពុងប្រព្រឹត្តបទល្មើសនេសាទក្នុងរូបភាពខាងលើនេះ នៅក្នុងតំបន់បឹងដ៏ធំក្បែរតំបន់ប្រសាទឯកភ្នំ ។
បើតាមសមត្ថកិច្ចបាននិយាយថា ជនសង្ស័យម្នាក់នេះ តែងប្រើប្រាស់ឧបករណ៍ខុសច្បាប់លួចឆក់ត្រីក្នុងតំបន់ខាងលើ រហូតដល់ពេលនេះ ក៏ត្រូវឃាត់ខ្លួនបាន។ ជាមួយនឹងការឃាត់ខ្លួនសមត្ថកិច្ចរឹបអូសបានវត្ថុតាងរួមមាន៖
អាគុយ៤០អំពែរ ចំនួន០១គ្រាប់, អាំងវិចទ័រឆក់ត្រីចំនួន០១គ្រឿង, ដងឆក់ចំនួន០១គូ, ម៉ូតូចំនួន០១គ្រឿង, ត្រីចំរុះមួយចំនួនទៀត។ ពេលនេះ ជនសង្ស័យត្រូវបានឃាត់ខ្លួនបណ្តោះអាសន្ន នៅមូលដ្ឋានកងរាជអាវុធហត្ថស្រុកឯកភ្នំ ដើម្បីធ្វើការសួរនាំ និងចាត់ការតាមនីតិវិធី ៕
ចែករំលែកព័តមាននេះ