រាជធានីភ្នំពេញ ៖ អនុវត្តតាមបទបញ្ជាផ្ទាល់របស់ឯកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាវេលាម៉ោង៨យប់ថ្ងៃទី២០ ខែសីហា ឆ្នាំ២០២៥…
រាជធានីភ្នំពេញ ៖ អនុវត្តតាមបទបញ្ជាផ្ទាល់របស់ឯកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាវេលាម៉ោង៨យប់ថ្ងៃទី២០ ខែសីហា ឆ្នាំ២០២៥ កម្លាំងអធិការដ្ឋាននគរបាលខណ្ឌកំបូល សហការជាមួយគណៈបញ្ជាការឯកភាពខណ្ឌកំបូលបាន ត្រួតពិនិត្យអាវុធជាតិផ្ទះនៅចំណុចផ្លូវជាតិលេខ៤ ដោយធ្វើការត្រួតពិនិត្យរថយន្ត ១គ្រឿង ម៉ាកToyota Alphard បើកបរដោយជនជាតិខ្មែរ នៅក្នុងរថយន្តមានគ្នាចំនួន២នាក់ ខណៈនោះសមត្ថកិច្ចបានឆែកឃើញក្នុងរថយន្តមានកាបូបខ្មៅ១ មានសម្ភារៈមួយចំនួន អាចជាមធ្បោបាយសម្រាប់ចាប់ជំរិត ទើបសមត្ថកិច្ចបានសួរនាំជនជាតិខ្មែរទាំងនេះ ហើយបន្តស្រាវជ្រាវលុះដល់ថ្ងៃទី២១ ខែសីហា ឆ្នាំ២០២៥ វេលាម៉ោងប្រហែល ១៥ និង៣០នាទី សមត្ថកិច្ចបានឈានទៅឃាត់ខ្លួនជនសង្ស័យជនជាតិចិនចំនួន ០៣នាក់ នៅផ្ទះលេខC០៥ ផ្លូវលេខ០១ បុរីអេស អិន អូ ភូមិរំដួលជើង សង្កាត់ស្នោរ ខណ្ឌកំបូល រាជភ្នំពេញ ។
វត្ថុតាងចាប់យក ៖ អាវុធខ្លី ០១ដើមម៉ាក ZORAKI M906T លេខ A3YZR17YSO1-2400144, បង់ចំនួន ០១, គ្រាប់ចំនួន ០៤គ្រាប់ លេខ៣២, ស៊ីឡង់សឺ ចំនួន ០១, កុំព្យូទ័រលេបថប ចំនួន ០១គ្រឿង, ទូរសព្ទដៃ ចំនួន ០៤គ្រឿង, ជញ្ជីងសម្រាប់ថ្លឹងថ្នាំញៀនចំនួន ០២គ្រឿង (តូច ០១,ធំ ០១), លេបថប ចំនួន ០១គ្រឿង ម៉ាកLENOVO ពណ៌ខ្មៅ, ម្សៅក្រាមពណ៌សថ្លាមួយចំនួនតូច, ឧបករណ៍កែច្នៃសម្រាប់ប្រើប្រាស់គ្រឿងញៀនមួយចំនួន, ឧបករណ៍សម្រាប់ចូកគ្រឿងញៀន ចំនួន ០២, លិខិតឆ្លងដែន ចំនួន ០១, បណ្ណបើកបរចំនួន ០១សន្លឹក, កាតជនជាតិចិន ចំនួន ០២សន្លឹក, កាតជនជាតិវៀតណាមចំនួន ០១សន្លឹក, ថង់ប្លាស្ទិចមួយចំនួន បំពង់ទុយោ មួយចំនួន, ដំបងឆក់ចំនួន០២ ខ្នោះចំនួន០២ ស្ព្រាយបាញ់ភ្នែក ចំនួន០៦ កំប៉ុង. វិទ្យុទាក់ទងចំ នួន០២គ្រឿង ខ្សែរិតពីជ័រ ០១ថង់ និងដំបងដែករលាស់០១ផងដែរ ។
បច្ចុប្បន្ន ជនសង្ស័យជនជាតិចិន០៣នាក់ និងវត្ថុតាងត្រូវបានបញ្ជូន និងយកមកសាកសួរ បន្តនីតិវិធីទៅតុលាការចាត់ការតាមផ្លូវច្បាប់ ៕
ចែករំលែកព័តមាននេះ