ខេត្តកំពង់ចាម ៖ អភិបាលខេត្តកំពង់ចាម អញ្ជើញអមដំណើរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចូលរួមគោរពវិញ្ញាណក្ខន្ធវីរយុទ្ធជនពលីនៅសមរភូមិមុខ ក្នុងស្រុកស្ទឹងត្រង់…
ខេត្តកំពង់ចាម ៖ អភិបាលខេត្តកំពង់ចាម អញ្ជើញអមដំណើរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចូលរួមគោរពវិញ្ញាណក្ខន្ធវីរយុទ្ធជនពលីនៅសមរភូមិមុខ ក្នុងស្រុកស្ទឹងត្រង់ និងស្រុកចំការលើ ។ នេះបើយោងតាមរដ្ឋបាលខេត្តកំពង់ចាមបានផ្សាយនាព្រឹកនេះ ។
នៅព្រឹកថ្ងៃទី២០ ខែសីហា ឆ្នាំ២០២៥នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារចូលរួមអមដំណើរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមគោរពវិញ្ញាណក្ខន្ធវីរយុទ្ធជនពលីនៅសមរភូមិមុខ ដែលបានពលីក្នុងបុព្វហេតុការពារបូរណភាពទឹកដីនៃព្រះរាជាណាចក្រកម្ពុជា រួមមាន ៖
១-សពលោក អនុស្សាវរីយ៍ត្រី ភាព សោភ័ណ្ឌ ដែលបានពលីកាលពីថ្ងៃទី ២៥ ខែកក្កដា កន្លងទៅ ស្ថិតនៅគេហដ្ឋាន ក្នុងឃុំអារក្សត្នោត ស្រុកស្ទឹងត្រង់ ។
២-សពលោក វរសេនីយ៍ឯក សៀង សាត ដែលបានពលីកាលពីថ្ងៃទី ២៧ ខែកក្កដា កន្លងទៅ ស្ថិតនៅគេហដ្ឋាន ក្នុងឃុំតាប្រុក ស្រុកចំំការលើ ។
ក្នុងឱកាសនោះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចូលចូលរំលែកមរណទុក្ខយ៉ាងក្រៀមក្រំបំផុតនេះ និងបានពាំនាំសាររំលែកទុក្ខពីសំណាក់ សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ព្រមទាំងសម្តេចមហាបវរធិបតី នាយករដ្ឋមន្ត្រីជូនចំពោះក្រុមគ្រួសារយុទ្ធជន ដែលបានពលីក្នុងបុព្វហេតុការពារជាតិ ។
ជាមួយគ្នានេះ លោកជំទាវបណ្ឌិត ក៏បាននាំយកនូវគ្រឿងឧបភោគបរិភោគ សម្ភារ និងថវិកាចូលបុណ្យសពជូនដល់ក្រុមគ្រួសារសព ព្រមទាំងគិតគូរផ្តល់ការទ្រទ្រង់ជីវភាពបន្ថែមទៀតសម្រាប់ថ្ងៃអនាគតផងដែរ ៕
ចែករំលែកព័តមាននេះ