ខេត្តបន្ទាយមានជ័យ ៖ ស្ថានភាពប្រជាពលរដ្ឋរស់នៅឃុំអូរបីជាន់លក់ដូរធម្មតា ទោះបីទាហានថៃព័ទ្ធលួសបន្លានៅច្រកណងចាន់ និងតំបន់៥ រហូតថ្ងៃទី១៣ សីហា ឆ្នាំ២០២៥ ស្ថិតឃុំអូរបីជាន់ ស្រុកអូរជ្រៅ…
ខេត្តបន្ទាយមានជ័យ ៖ ស្ថានភាពប្រជាពលរដ្ឋរស់នៅឃុំអូរបីជាន់លក់ដូរធម្មតា ទោះបីទាហានថៃព័ទ្ធលួសបន្លានៅច្រកណងចាន់ និងតំបន់៥ រហូតថ្ងៃទី១៣ សីហា ឆ្នាំ២០២៥ ស្ថិតឃុំអូរបីជាន់ ស្រុកអូរជ្រៅ ។
លោក តុល សារិន មេឃុំអូរបីជាន់បានប្រាប់ថា ស្ថានភាពនៅឃុំបីជាន់ ដូចនៅផ្សារអូរបីជាន់មានអាជីវករលក់ដូរ និងរស់នៅជាធម្មតា តែមានភាគតិចណាស់ ដែលត្រូវបានភៀសខ្លួនចេញពីលំនៅឋាន មានភូមិជោគជ័យ និងភូមិព្រៃចាន់ ក្រោយទាហានថៃរំលោភអធិបតេយ្យភាពដោយព័ទ្ធលួសបន្លា និងដាក់កង់ឡានបិទផ្លូវ និងព័ទ្ធផ្ទះប្រជាពលរដ្ឋ ។
លោកបានបញ្ជាក់ថា ប្រជាពលរដ្ឋដែលរស់នៅតាមបន្ទាត់ព្រំដែន ក្នុងភូមិសាស្គ្រឃុំអូរបីជាន់ នៅតែបន្តការរស់នៅប្រកបមុខធ្វើស្រែចម្ការ និងនៅផ្សារអូរបីជាន់ អាជីវករលក់ដូរជាធម្មតា ហើយពលរដ្ឋមកទិញលក់ជាធម្មតា ។
លោក តុល សារិន បានបញ្ជាក់ថា ទាហានថៃឯកសណ្ឋានប៉ារ៉ា ពិតជាបានឈ្លានពានអធិបតេយ្យភាពមកលើកម្ពុជា ដោយដាក់លួសបន្លា និងកង់ឡានហ៊ុមព័ទ្ធផ្ទៈប្រជាពលរដ្ឋចំនួន៦ខ្នងផ្ទះ មាន៣ផ្ទះ នៅភូមិជោគជ័យ និង៣ផ្ទះទៀតនៅភូមិព្រៃចាន់ ស្ថិតឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ៕
ចែករំលែកព័តមាននេះ