រាជធានីភ្នំពេញ ៖ រថយន្តម៉ាក់ដូចស៊ីស៤៧០ ពណ៌ខ្មៅមួយគ្រឿង ត្រូវបានជនសង្ស័យម្នាក់ ចូលទៅលួចយកទៅបាត់ខណៈពេលដែលឈប់ចតនៅមុខក្រុមហ៊ុនចិនមួយកន្លែនៅតាមបណ្ដោយផ្លូវណតប្រីដក្នុង សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ហេតុការណ៍បាត់រថយន្តនេះបង្កឲ្យមានការភ្ញាក់ផ្អើលកាលពីព្រឹកថ្ងៃទី…
រាជធានីភ្នំពេញ ៖ រថយន្តម៉ាក់ដូចស៊ីស៤៧០ ពណ៌ខ្មៅមួយគ្រឿង ត្រូវបានជនសង្ស័យម្នាក់ ចូលទៅលួចយកទៅបាត់ខណៈពេលដែលឈប់ចតនៅមុខក្រុមហ៊ុនចិនមួយកន្លែនៅតាមបណ្ដោយផ្លូវណតប្រីដក្នុង សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ហេតុការណ៍បាត់រថយន្តនេះបង្កឲ្យមានការភ្ញាក់ផ្អើលកាលពីព្រឹកថ្ងៃទី ១៣ខែសីហាឆ្នាំ២០២៥ហើយជនជាតិចិនក៏បាននាំគ្នាទៅដាក់ពាក្យបណ្ដឹងនៅប៉ុស្តិ៍រដ្ឋបាលសង្កាត់ទឹកថ្លា ដើម្បីឲ្យសមត្ថកិច្ចស្រាវជ្រាវផងដែរ។
រថយន្តម៉ាក lexus ៤៧០ ដែលត្រូវចោរលួចយកទៅនោះស៊េរី២០០០ពណ៌ខ្មៅពាក់ស្លាកលេខភ្នំពេញ ២P.៥៩៩១ ជារថយន្តដែលជនជាតិចិនបានជួលជិះ។
តាមឈ្មោះ LIU JIANGPING ភេទប្រុស អាយុ៥៧ឆ្នាំ ជាជនជាតិចិន បានឲ្យដឹងតាមរយៈអ្នកបកប្រែថា កាលពីវេលារសៀលថ្ងៃទី១២ខែសីហាឆ្នាំ ២០២៥ ខណៈពេលដែលខ្លួនកំពុងស្នាក់នៅក្រុមហ៊ុនដែលស្ថិតនៅផ្ទះលេខ៤៤.៤៦ ផ្លូវ ណតប្រ៊ីត ភូមិចុងថ្នល់ ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញស្រាប់តែឈ្មោះVANG ZHONGSHANជាជនជាតិចិនស្នាក់នៅខេត្តកោះកុងបានជិះរថយន្តម៉ាកឡិចស៊ីសមួយគ្រឿងខាងលើ យកមកឱ្យឈ្មោះYU DENG JIANGដែលស្នាក់នៅជាមួយរូបគាត់នៅក្នុងក្រុមហ៊ុនខាងលើដើម្បីឲ្យជូនទៅព្រលានយន្តហោះអន្តរជាតិពោធិ៍ចិនតុង។
តាមឈ្មោះ LIU JIANGPING បានហើយដឹងទៀតថា បន្ទាប់ពីត្រឡប់មកពីព្រលានយន្តហោះអន្តរជាតិពោធិចិនតុងវិញឈ្មោះYU DENG JIANGក៏បានទុកសោនៅលើតុរួចឡើងទៅជាន់ទី ២សម្រាក។លុះប្រមាណ១ម៉ោងក្រោយមកក៏បានចុះមក ស្រាប់តែបាត់កូនសោររថយន្តនិងសួរនាំរកកូនសោ ស្រាប់តែនៅព្រឹកថ្ងៃទី ១៣ខែសីហាឆ្នាំ ២០២៥ ក៏មានការភ្ញាក់ផ្អើលបាត់រថយន្តតែម្ដង។
តាមព័ត៌មានឲ្យដឹងទៀតថានៅវេលាម៉ោង១២ ថ្ងៃត្រង់ទី ១៣ ខែសីហាឆ្នាំ ២០២៥ជនជាតិចិនក៏បាននាំគ្នាទៅដាក់ពាក្យបណ្ដឹងនៅប៉ុស្តិ៍នគរបាលនិងបានមើលតាមកាមេរ៉ាសុវត្ថិភាពឃើញជនសង្ស័យម្នាក់ចូលលួចយករថយន្តខាងលើជិះតាំងពីវេលាម៉ោង៧និង១៩នាទីព្រឹកថ្ងៃទី១៣ ខែសីហាឆ្នាំ ២០២៥។
ទាក់ទិននឹងករណីចោរលួចរថយន្តនេះ សមត្ថកិច្ចមានការសង្ស័យថាជនសង្ស័យអាចជាជនជាតិចិនដូចគ្នានិងជាអ្នកស្គាល់គ្នាលួចសោររថយន្តហើយមកបើកទ្វាររថយន្ត ជិះទៅបាត់តែម្ដង ៕
ចែករំលែកព័តមាននេះ