រាជធានីភ្នំពេញ ៖ កម្ពុជាដែលជាអ្នករងគ្រោះពីការឈ្លានពានទឹកដីពីភាគីថៃបានប្រកាសចង់ស្នើឲ្យប្រទេសម៉ាឡេស៊ីប្រធានអាស៊ានបច្ចុប្បន្ន និងបណ្តាប្រទេសជាសម្របសម្រួលឆាប់ បង្កើតយន្តការត្រួតពិនិត្យដ៏រឹងមាំនិងឯករាជ្យមួយ ដើម្បីទប់ស្កាត់ការកើនឡើងនូវភាពតានតឹង និងដើម្បីកាពារអាយុជីវិត ប្រជាជនស៊ីវិល ព្រមទាំងកងទ័ព ចំពោះជម្លោះព្រំដែនកម្ពុជា-ថៃ ។ នេះបើតាមការបញ្ជាក់របស់អ្នកនាំពាក្យក្រសួងការបទេសកម្ពុជា។
ការលើកឡើងនេះបន្ទាប់ពីភាគីថៃមិនគោរពបទឈប់បាញ់ និងការព្រមព្រៀងគ្នា ក្នុងកិច្ចប្រជុំគណៈកម្មការទូទៅព្រំដែននៅប្រទេសម៉ាឡេស៊ី ហើយបានគំរាមម្តង ហើយម្តងទៀត មកលើខ្លួន។
ថ្លែងក្នុងសន្នីសីទសារព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» សម្រាប់ថ្ងៃ»នាព្រឹកថ្ងៃទី១៤ ខែសីហា ឆ្នាំ២០២៥ឯកឧត្តម ជុំ សុន្ទរី អ្នកនាំពាក្យក្រសួង ការបទេសបានលើកឡើងថាក្រសួងការបរទេសកម្ពុជាសូមប្រកាសបដិសេធចំពោះការលើកឡើងរបស់ភាគីថាដោយបានចោទប្រកាន់ជាបន្តបន្ទាប់កាលពីថ្ងៃទី១០ និងថ្ងៃទី១២ ខែសីហា ឆ្នាំ២០២៥ថាកម្ពុជាបានដាក់មីនថ្មី។
ឯកឧត្តមបានបញ្ជាក់ថា៖«កម្ពុជាពុំដែលបានដាក់មីនទាល់តែសោះក្នុងឋានៈជាប្រទេសភាគីនៃអនុសញ្ញាអូតាវ៉ាកាលពីឆ្នាំ១៩៩៩មក ហើយកម្ពុជាត្រូវបានទទួលស្គាល់ជាអន្តរជាតិ សម្រាប់សមិទ្ធិផលរបស់ខ្លួនក្នុងប្រទេស និងនៅក្រៅប្រទេស។ ការចោទប្រកាន់ថាកម្ពុជាដាក់មីនថ្មីគឺគ្មានភស្តុងតាងដែលទុកចិត្តបានទាល់តែសោះ»។
ឯកឧត្តមបានបន្តថាចំពោះគ្រោះថ្នាក់ដោយសារមីនដែលបានកើតមានឡើងនៅតំបន់ដែលកើតមាននៅតំបន់កំពុងមានជម្លោះ ឬស្ថិតនៅខាងក្នុងទឹកដីកម្ពុជាដែលត្រូវបានទទួលស្គាល់ជា អន្តរជាតិដូចដែលបានកំណត់នៅក្នុងអនុសញ្ញាឆ្នាំ១៩០៤ និងសន្ធិសញ្ញាដែលបាន កំណត់នៅឆ្នាំ១៩០៧ ហើយបានបញ្ជាក់ដោយសាលក្រមដោយតុលាការយុត្តិធម៌អន្តរជាតិ ឆ្នាំ១៩៦២ និង ឆ្នាំ២០១៣។អនុស្សារណៈនៃការយោគយល់គ្នាឆ្នាំ២០០០ក៏បានហាមឃាត់ សកម្មភាពយោធាជាឯកតោភាគី នៅក្នុងតំបន់ដែលមិនទាន់កំណត់ព្រំដែន ក៏ប៉ុន្តែភាគីថៃបា នបំពាន់ជាបន្តបន្ទាប់មកលើកម្ពុជា។
ជាមួយគ្នានោះដែរឯកឧត្តមអ្នកនាំពាក្យក្រសួងការបទេសកម្ពុជាក៏បានគូសបញ្ជាក់ពីមូលហេតុ ដែលទាហានថៃគ្រោះថ្នាក់ដោយសារគ្រាប់មីនយ៉ាងដូច្នេះថា៖«គ្រោះថ្នាក់ដោយគ្រាប់មីនរបស់ទាហានថៃ ដោយសារកងទ័ពថៃបានចូលទៅក្នុងតំបន់ដែលមានគ្រាប់មីន ដែលត្រូវបា នដឹងយ៉ាងច្បាស់ ដែលជាការរំលោភបំពាន់លើកំណត់ហេតុក្នុងកិច្ចប្រជុំគណៈកម្មការព្រំដែនទូ ទៅកាលពីថ្ងៃទី៧សីហាឆ្នាំ២០២៥។ មីនទាំងនោះមាននៅក្នុងសម័យកាលជម្លោះផ្ទៃក្នុង កម្ពុជាក្នុងឆ្នាំ១៩៧០ និងឆ្នាំ១៩៨០»។
ជាមួយគ្នានោះដែរអ្នកនាំពាក្យក្រសួងការបរទេសក៏បានចាត់ទុកសេចក្តីថ្លែងការណ៍របស់ភាគីជាសេចក្តីថ្លែងការណ៍បង្ករឿងហើយកម្ពុជាសូមធ្វើការថ្កោលទោសចំពោះការប្រកាសរបស់ មេបញ្ជាការភូមិភាគ២ថៃដែលបានប្រកាសថានឹងដណ្តើមយកប្រាសាទការក្របី និងបិទ ប្រាសាទតាមាន់ ។ ការគំរាមកំហែងបែបនេះគឺជាការរំលោភលើធម្មនុញ្ញអង្កការសហប្រ ជាជាតិ ធម្មនុញ្ញអាស៊ាន និងកិច្ចព្រមព្រៀងឈប់បាញ់ថ្ងៃទី២៨ ខែកក្កដាឆ្នាំ២០២៥។
ឯកឧត្តមក៏បានលើកឡើងថាកម្ពុជានៅតែតាំងក្នុងការដោះស្រាយជំម្លោះព្រំដែនកម្ពុជា ថៃ ដោយសន្តិវិធីស្របតាមច្បាប់អន្តរជាតិ និងស្របតាមតុលាការយុត្តិធម៌អន្តរជាតិ ព្រំដែនមិនអាចត្រូវបានផ្លាស់ប្តូរដោយប្រើកំលាំង ឬការគំរាមកំហែងដោយកំលាំងនោះឡើយ។ លើសពីនេះកម្ពុជាក៏ទទូចឲ្យម៉ាឡេស៊ីដែលជាប្រធានអាស៊ាននៅពេលបច្ចុប្បន្ន និងបណ្តាប្រទេសជាអ្នកសម្របសម្រួលបទឈប់បាញ់សូមបង្កើតឡើងឲ្យបានឆាប់រហ័សនូវយន្តការត្រួតពិនិត្យដ៏រឹងមាំនិងឯករាជ្យមួយ ដើម្បីទប់ស្កាត់ការកើនឡើងនូវភាពតានតឹង និងដើម្បី កាពារអាយុជីវិត ប្រជាជនស៊ីវិល និងកងទ័ព។
ឯកឧត្តមបានគូសបញ្ជាក់បន្ថែមថា៖«កម្ពុជាចាត់ទុកតុលាការយុត្តិធម៌អន្តរជាតិ(ICJ) ជាវេទិការដែល អាចជឿជាក់ បំផុតសម្រាប់ដំណោះស្រាយជាស្ថាពរ ហើយសម្រាប់ កម្ពុជាអំ ពាវនា វឲ្យភាគីថៃទទួលយកនូវយុត្ថាធិការដោយសុចរឹត»៕
ចែករំលែកព័តមាននេះ