ដុំគីសលើពងស្វាស (Epididymal Cysts) គឺជាស្ថានភាពមួយដែលកើតមានជាញឹកញាប់ទាំងចំពោះកុមារ និងមនុស្សពេញវ័យ។ ការយល់ដឹងអំពីជំងឺនេះអាចជួយឱ្យអ្នកដឹងពីពេលណាដែលត្រូវស្វែងរកការពិនិត្យពីគ្រូពេទ្យ។ តើអ្វីទៅជាជំងឺដុំគីសលើពងស្វាស?យោងតាមមន្ទីរពេទ្យកាល់ម៉ែត បានឱ្យដឹងថាជំងឺដុំគីសលើពងស្វាស គឺជាការកកើតនូវដុំគីសដែលមានផ្ទុកទឹក នៅក្នុងថង់ស្រោមពងស្វាស…
ដុំគីសលើពងស្វាស (Epididymal Cysts) គឺជាស្ថានភាពមួយដែលកើតមានជាញឹកញាប់ទាំងចំពោះកុមារ និងមនុស្សពេញវ័យ។ ការយល់ដឹងអំពីជំងឺនេះអាចជួយឱ្យអ្នកដឹងពីពេលណាដែលត្រូវស្វែងរកការពិនិត្យពីគ្រូពេទ្យ។
តើអ្វីទៅជាជំងឺដុំគីសលើពងស្វាស?
យោងតាមមន្ទីរពេទ្យកាល់ម៉ែត បានឱ្យដឹងថា
ជំងឺដុំគីសលើពងស្វាស គឺជាការកកើតនូវដុំគីសដែលមានផ្ទុកទឹក នៅក្នុងថង់ស្រោមពងស្វាស ដែលជាប់នឹងពងស្វាស និងបំពង់មេជីវិតផ្នែកខាងលើ។ ដុំគីសទាំងនេះអាចស្ទាបដឹងបាននៅពេលដែលវាមានទំហំធំល្មម។
តើអ្វីជាមូលហេតុ?
មូលហេតុចម្បងដែលគេរកឃើញគឺ ការស្ទះបំពង់តូចៗនៃទឹកកាមបុរស ដែលបណ្ដាលឱ្យមានការកកើតដុំគីសនេះឡើង។ ក្រៅពីនេះ ក៏មានកត្តារួមផ្សំផ្សេងទៀតផងដែរ ដូចជា ការរលាក ជាដើម។
តើជំងឺនេះបង្កជារោគសញ្ញាអ្វីខ្លះ?
គួរឱ្យកត់សម្គាល់ថា ប្រហែល ៣៦% នៃករណីដុំគីសលើពងស្វាស គឺមិនមានរោគសញ្ញាអ្វីគួរឱ្យកត់សម្គាល់នោះទេ។ រោគសញ្ញាដែលអាចកើតមានញឹកញាប់រួមមាន៖
ការឈឺចុកចាប់ នៅផ្នែកខាងលើនៃពងស្វាសដែលមានដុំគីស។
ការស្ទាបប៉ះដុំគីសរាងមូល ទន់ នៅផ្នែកខាងលើពងស្វាស។
ចំណុចសំខាន់ដែលអ្នកគួរដឹងអំពីដុំគីសលើពងស្វាសគឺ៖
វាមិនមានការប៉ះពាល់ទៅលើ ការបន្តពូជរបស់បុរស នោះទេ។
វាមិនត្រូវបានចាត់ទុកថាជាជំងឺមហារីក ហើយក៏ មិនវិវត្តទៅជាជំងឺមហារីក ដែរ។
ប្រសិនបើអ្នកមានអារម្មណ៍ថាមានដុំអ្វីមួយនៅតំបន់ពងស្វាស ឬមានការឈឺចាប់ សូមកុំស្ទាក់ស្ទើរក្នុងការទៅពិគ្រោះជាមួយគ្រូពេទ្យដើម្បីទទួលបានការពិនិត្យ និងការវាយតម្លៃត្រឹមត្រូវ៕
ចែករំលែកព័តមាននេះ