រាជធានីភ្នំពេញ ៖ ជនសង្ស័យចោរ៣នាក់ បានជិះម៉ូតូ២គ្រឿងធ្វើសកម្មភាពឆក់កាបូបពីនារីម្នាក់ជិះលើម៉ូតូកង់បីបានហើយ ស្រាប់តែដកកាំភ្លើងបាញ់គំរាមជនរងគ្រោះថែមទៀត តែចៃដន្យ ត្រូវបានអ្នកដំណើរឃើញបានជិះម៉ូតូបំបុកម៉ូតូចោរបណ្ដាលឲ្យដួល ឃាត់ខ្លួនបាន២នាក់ និងដកហូតកាំភ្លើងខ្លីបានមួយដើម នៅវេលាម៉ោង២រំលងអធ្រាត្រឈានចូលថ្ងៃទី១១…
រាជធានីភ្នំពេញ ៖ ជនសង្ស័យចោរ៣នាក់ បានជិះម៉ូតូ២គ្រឿងធ្វើសកម្មភាពឆក់កាបូបពីនារីម្នាក់ជិះលើម៉ូតូកង់បីបានហើយ ស្រាប់តែដកកាំភ្លើងបាញ់គំរាមជនរងគ្រោះថែមទៀត តែចៃដន្យ ត្រូវបានអ្នកដំណើរឃើញបានជិះម៉ូតូបំបុកម៉ូតូចោរបណ្ដាលឲ្យដួល ឃាត់ខ្លួនបាន២នាក់ និងដកហូតកាំភ្លើងខ្លីបានមួយដើម នៅវេលាម៉ោង២រំលងអធ្រាត្រឈានចូលថ្ងៃទី១១ ខែសីហា ឆ្នាំ២០២៥ ទល់មុខវត្តរស្មីសោភណារាម ហៅវត្តសន្លូង ផ្លូវជាតិលេខ២ ភូមិជើងកើប ស្រុកកណ្ដាលស្ទឹង ខេត្តកណ្ដាល ជាប់ព្រំប្រទល់ខណ្ឌដង្កោ រាជធានីភ្នំពេញ ។
ជនរងគ្រោះមិនបានឱ្យស្គាល់អត្តសញ្ញាណនោះទេ គ្រាន់តែដឹងថា សម្ភារៈបាត់បង់ក្នុងការបូប មានទូរស័ព្ទម៉ាកiphone 15 promix មួយគ្រឿង និងលុយ២០ម៉ឺនរៀល ។ជនសង្ស័យ២នាក់ដែលត្រូវសមត្ថកិច្ចក្របួចបាន សមត្ថកិច្ចក៍មិទាន់ឱ្យស្គាល់អត្តសញ្ញាណដូចគ្នា គ្រាន់តែដឹងថា ដកហូតវត្ថុតាងមានដូចជាកាបូប១ ទូរស័ព្ទ១គ្រឿង ម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ ស្វាយរៀង ១T២៥២៣ គ្រាប់កាំភ្លើង៣គ្រាប់ និងកាំភ្លើងខ្លីមួយដើម មិនស្គាល់ម៉ាក ។
ប្រភពព័ត៌មានបានឱ្យដឹងថា មុនពេលកើតហេតុ នារី២នាក់ទាំងជនរងគ្រោះ បានហៅម៉ូតូកង់បីឥណ្ឌាជិះចេញពីម្តុំទន្លេបាទី ខេត្តតាកែវ គោលបំណងទៅក្រុងតាខ្មៅ ខេត្តកណ្ដាល ។ លុះជិះតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជើង ។ ពេលមកដល់ចំណុចកើតហេតុ ស្រាប់តែមានចោរឆក់៣នាក់ជិះម៉ូតូ២គ្រឿង ក្នុងនោះមានម៉ូតូម៉ាកហុងដាឌ្រីម១គ្រឿង និងហុងដាឃ្លីក១គ្រឿង បានជិះមកធ្វើសកម្មភាពឆក់កាបូបពីនារីម្នាក់ ក្នុងចំណោម២នាក់ ដែលកំពុងអង្គុយលើម៉ូតូកង់បីឥណ្ឌាបានសម្រេច តែបានធ្វើឲ្យកាបូបធ្លាក់លើផ្លូវ ។ ពេលនោះក្រុមចោរឆក់បានជិះបកមករើសយកកាបូបវិញ និងបានដកកាំភ្លើងខ្លីបាញ់គំរាមចំនួន២គ្រាប់តែម្ដង ធ្វើឲ្យជនរងគ្រោះភ័យស្លន់ស្លោ ក្រាបលើម៉ូតូកង់បីទាំងតក់ស្លុត ។
ប្រភពដដែលបានបន្តទៀតថា ពេលនោះចោរម្នាក់បានជិះម៉ូតូរត់គេច ដោយយកកាបូបរបស់ជនរងគ្រោះទៅជាមួយ ចំណែកចោរឆក់២នាក់ដែលជិះម៉ូតូហុងដាឌ្រីម ត្រូវបានបងប្អូនប្រជាពលរដ្ឋអ្នកធ្វើដំណើរឃើញហេតុការណ៍ផ្ទាល់ភ្នែក ក៏ជិះម៉ូតូបំបុកបណ្តាលឲ្យដួលរងរបួស ហើយឃាត់ខ្លួនបានទាំង២នាក់ ប្រគល់ឲ្យសមត្ថកិច្ចចាត់ការតែម្ដង ។ ភ្លាមៗនោះ ចោរឆក់ទាំ២នាក់មិនបានសារភាពថាខ្លួនជាអ្នកប្រព្រឹត្តិនោះទេ ។
ក្រោយកើតហេតុ ទោះបីជាខំប្រកែកយ៉ាងណា ចោរឆក់រួមទាំងវត្ថុតាំង ក៏ដូចជាជនរងគ្រោះ ត្រូវបានសមត្ថកិច្ចស្រុកកណ្ដាលស្ទឹង យកទៅសួរនាំដើម្បីបន្តនីតិវិធីអត់ឱ្យរួចខ្លួនទេ ៕
ចែករំលែកព័តមាននេះ