រាជធានីភ្នំពេញ ៖ សម្ដេចតេជោហ៊ុនសែនប្រធានព្រឹទ្ធសភា បានគូបញ្ជាក់យ៉ាងដូច្នេះថា បើសិនមិនមានការទប់ស្កាត់សង្គ្រាម ប្រើប្រាស់ជំពាមកៅស៊ូបាញ់ដោយគ្រាប់ឃ្លី និងកូនដុំដែកនោះកិច្ចព្រមព្រៀងឈប់បាញ់ដែលថ្នាក់ដឹកនាំកម្ពុជា-ថៃនឹងបំផ្លាញចោល ។ សម្តេចតេជោបានសរសេរ លើបណ្តាញសង្គមនៅថ្ងៃទី០៨…
រាជធានីភ្នំពេញ ៖ សម្ដេចតេជោហ៊ុនសែនប្រធានព្រឹទ្ធសភា បានគូបញ្ជាក់យ៉ាងដូច្នេះថា បើសិនមិនមានការទប់ស្កាត់សង្គ្រាម ប្រើប្រាស់ជំពាមកៅស៊ូបាញ់ដោយគ្រាប់ឃ្លី និងកូនដុំដែកនោះកិច្ចព្រមព្រៀងឈប់បាញ់ដែលថ្នាក់ដឹកនាំកម្ពុជា-ថៃនឹងបំផ្លាញចោល ។
សម្តេចតេជោបានសរសេរ លើបណ្តាញសង្គមនៅថ្ងៃទី០៨ ខែសីហា ឆ្នាំ២០២៥ ដែលមានខ្លឹមសារយ៉ាងដូច្នេះថា ៖ “
តាមពិត ខ្ញុំមិនចង់និយាយរឿងនេះទេ តែបើមិននិយាយខ្លាចមេដឹកនាំថៃ មិនបានដឹង និងសហគមន៍អន្តរជាតិមិនបានយល់។ សង្គ្រាមព្រំដែនកម្ពុជា-ថៃ បានផ្ទេរពីសង្គ្រាមប្រើប្រាស់អាវុធមកជាសង្គ្រាម ប្រើប្រាស់ជំពាមកៅស៊ូ បាញ់ដោយគ្រាប់ឃ្លី និងកូនដុំដែក” ។
សម្តេចបានលើកឡើងថា រឿងនេះ បើមើលមួយភ្លេតដូចជារឿងកំប្លែង ឬរឿងតូចតាច តែបើពិនិត្យឲ្យស៊ីជម្រៅវាជារឿងធំ ប្រសិនបើយើងមិនទប់ស្កាត់វានោះទេ ។ វានឹងប្រែក្លាយពីការប្រើជំពាមកៅស៊ូ ទៅជាការប្រើអាវុធគ្រប់ប្រភេទ ដែលនឹងបំផ្លាញចោលនូវកិច្ចព្រមព្រៀងឈប់បាញ់ ដែលថ្នាក់ដឹកនាំកម្ពុជា-ថៃ ដោយមានការជួយយ៉ាងសកម្មពីនាយករដ្ឋមន្ត្រីម៉ាឡេស៊ី និងការចូលរួមពីចិន អាមេរិក ស្វែងរកបានយ៉ាងលំបាក ។
សម្តេចបានបន្តថា ៖ “សម្រាប់កម្ពុជា ប្រសិនមានប្រើ ខ្ញុំសូមឲ្យរាជរដ្ឋាភិបាលចេញបទបញ្ជាទៅកងទ័ពឲ្យបញ្ឈប់ការប្រើប្រាស់ជាបន្ទាន់ ។ សង្ឃឹមថា មេដឹកនាំថៃ នឹងចេញបញ្ជាទៅកងទ័ពឲ្យបញ្ឈប់ការប្រើអាវុធ ដូចដែលមានក្នុងរូបភាព ដែលខ្ញុំសូមភ្ជាប់ទៅជាមួយនេះ” ៕
ចែករំលែកព័តមាននេះ