ទិដ្ឋភាពនាព្រឹកថ្ងៃទី០៦ ខែសីហា ឆ្នាំ២០២៥នេះ មានបងប្អូនប្រជាពលករខ្មែរយ៉ាងច្រើនកុះករ បានវិលត្រលប់ចូលមកព្រះរាជាណាចក្រកម្ពុជាវិញ ។ នេះបើតាមប៉ុស្តិ៍នគរបាលច្រកទ្វារព្រំដែនអន្តរជាតិដូង បានផ្សាយនាមុននេះ ។ ប៉ុស្តិ៍នគរបាលច្រកទ្វារព្រំដែនអន្តរជាតិដូង…
ទិដ្ឋភាពនាព្រឹកថ្ងៃទី០៦ ខែសីហា ឆ្នាំ២០២៥នេះ មានបងប្អូនប្រជាពលករខ្មែរយ៉ាងច្រើនកុះករ បានវិលត្រលប់ចូលមកព្រះរាជាណាចក្រកម្ពុជាវិញ ។ នេះបើតាមប៉ុស្តិ៍នគរបាលច្រកទ្វារព្រំដែនអន្តរជាតិដូង បានផ្សាយនាមុននេះ ។
ប៉ុស្តិ៍នគរបាលច្រកទ្វារព្រំដែនអន្តរជាតិដូង បានបន្តថា នៅថ្ងៃពុធ ទី៦ ខែសីហា ឆ្នាំ២០២៥ កម្លាំងនគរបាលអន្តោប្រវេសន៍ ដែលកំពុងប្រចាំការនៅប៉ុស្តិ៍នគរបាលច្រកទ្វារព្រំដែនអន្តរជាតិដូង ដែលជាប់នឹងព្រំដែនថៃ (ឡែម) បានបន្តរៀបចំទទួលពលករកម្ពុជាជាច្រើននាក់ ដែលត្រូវចាកចេញពីប្រទេសថៃត្រៀមចូលមកកម្ពុជាវិញ ។
អគ្គនាយកអន្តោប្រវេសន៍ ក៏ដូចជា ស្ថាប័នដែលពាក់ព័ន្ធក៏បានរួមសហការគ្នា នឹងត្រៀមរួចជាស្រេច ក្នុងទទួលពលករកម្ពុជា ។ ព្រមទាំងសម្របសម្រួល សណ្តាប់ធ្នាប់របៀបរៀបរយ ដល់ដំណើរចូលប្រទេសរបស់បងប្អូនប្រជាពលករខ្មែរដែលត្រឡប់មកពីប្រទេសថៃ ប្រកបដោយសុវត្ថិភាព និងភាពជឿជាក់ ជួយដឹកជញ្ជូនសម្ភារផ្ទាល់ខ្លួនរបស់ពួកគាត់ពីច្រកទ្វារដល់ទីតាំងរង់ចាំទទួលពលករ។
ជាមួយគ្នានោះដែរ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង កំពុងសស្រាក់សស្រាំក្នុងការសម្របសម្រួលដំណើរវិលត្រឡប់របស់ពលករខ្មែរមកពីប្រទេសថៃតាមច្រកទ្វារព្រំដែនអន្តរជាតិដូង ស្រុកកំរៀង ខណៈគិតត្រឹមម៉ោង១០ព្រឹកថ្ងៃទី៦ ខែសីហា ឆ្នាំ២០២៥នេះពលករខ្មែរកើនដល់ជាង១០ម៉ឺននាក់បាន និងកំពុងចាកចេញពីប្រទេសថៃវិលត្រឡប់មកស្រុកកំណើតវិញ ៕
ចែករំលែកព័តមាននេះ