ចិន-រុស្សុី ៖ ចិននិងរុស្សុីចាប់ផ្ដើមកាលពីថ្ងៃទី៣សីហា ធ្វើសមយុទ្ធជើងទឹករួមរយៈពេល៣ថ្ងៃនៅសមុទ្រជប៉ុន។ មហាអំណាចទាំង២ស្វែងការពង្រឹងភាពជាដៃគូ ប្រឈមមុខនឹងអ្វីដែលពួកគេចាត់ទុកថា ការក្ដោបក្ដាប់របស់សហរដ្ឋអាមេរិក។ សមយុទ្ធជើងទឹកនោះមានឈ្មោះថា JOINT SEA…
ចិន-រុស្សុី ៖ ចិននិងរុស្សុីចាប់ផ្ដើមកាលពីថ្ងៃទី៣សីហា ធ្វើសមយុទ្ធជើងទឹករួមរយៈពេល៣ថ្ងៃនៅសមុទ្រជប៉ុន។ មហាអំណាចទាំង២ស្វែងការពង្រឹងភាពជាដៃគូ ប្រឈមមុខនឹងអ្វីដែលពួកគេចាត់ទុកថា ការក្ដោបក្ដាប់របស់សហរដ្ឋអាមេរិក។
សមយុទ្ធជើងទឹកនោះមានឈ្មោះថា JOINT SEA -2025 តាមក្រសួងការពារជាតិចិនថា ប្រព្រឹត្តទៅក្នុងដែនទឹកក្បែរកំពង់ផែរុស្សុីវ្ល៉ាឌីវ៉ូស្តុក។ កងទ័ពជើងទឹកនៃប្រទេសទាំង២ក្នុងសមយុទ្ធនឹងមានប្រតិបត្តិការជួយសង្គ្រោះក្រោមទឹក តស៊ូរួមប្រឆាំងនាវាមុជទឹក ការពារអាកាសនិងប្រឆាំងមីសីុលព្រមទាំងការប្រយុទ្ធក្នុងសមុទ្រ។ ក្នុងសេចក្ដីប្រកាសមួយក្រសួងការពារជាតិចិនបញ្ជាក់ថា នាវាចិន៤គ្រឿងក្នុងនោះមាននាវាពិឃាតបាញ់មីសីុល២គ្រឿងចូលរួមក្នុងសមយុទ្ធជាមួយកងនាវាចម្បាំងរុស្សុី។ បន្ទាប់ពីសមយុទ្ធនេះដែលមានរយៈពេល៣ថ្ងៃ ប្រទេសទាំង២នឹងធ្វើការល្បាតជើងទឹកក្នុងដែនទឹកនៃមហាសមុទ្រប៉ាសីុហ្វិក។
មហាអំណាចទាំង២ពេលនេះកំពុងតែពង្រឹងភាពជាដៃគូយុទ្ធសាស្ត្រ។ ចាប់តាំងពីច្រើនឆ្នាំមកហើយ ប្រទេសទាំង២តែងធ្វើជាទៀតទាត់ សមយុទ្ធជើងទឹករួមJOINT SEA ដែលចាប់ផ្ដើមពីឆ្នាំ២០១២មក។ ក្នុងឆ្នាំ២០២៤សមយុទ្ធJOINT SEAប្រព្រឹត្តទៅនៅឆ្នេរសមុទ្រខាងត្បូងរបស់ចិន។ កាលពីថ្ងៃទី១សីហាក្រសួងការពារជាតិចិនថ្លែងថា សមយុទ្ធនាឆ្នាំនេះសំដៅធ្វើឲ្យសីុជម្រៅកាន់តែខ្លាំងថែមទៀតដល់ ភាពជាដៃគុូយុទ្ធសាស្ត្រជាសកលរវាងប្រទេសទាំង២។
សមយុទ្ធលើកនេះប្រព្រឹត្តទៅ មុនទស្សនកិច្ចរបស់ប្រធានាធិបតីរុស្សុី លោកវ្ល៉ាឌីមៀរពូទីននោក្រុងប៉េកាំងនាដំណាច់ខែសីហានេះ។ ប្រធានាធិបតីរុស្សុីត្រូវមកចូលរួមក្នុងកិច្ចប្រជុំកំពូល របស់អង្គការកិច្ចសហប្រតិបត្តិការសៀងហៃ ជា អង្គការអន្តររដ្ឋាភិបាលដែលចិន រុុស្សុីនិុងប្រទេសអាសីុកណ្ដាល៤ទៀតបង្កើតឡើងកាលពីឆ្នាំ២០០១ និងចូលរួមក្នុងពិធីព្យុហយាត្រាយោធាកំណត់ខួបលើកទី៨០នៃការបញ្ចប់សង្គ្រាមលោកលើកទី២។ អំឡុងពេលនោះលោកនឺងជួបពិភាក្សាជាមួួយសមភាគីចិនលោកសីុជីនពីងផងដែរ៕
ចែករំលែកព័តមាននេះ