លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចុះជួបសួរសុខទុក្ខជនភៀសសឹកខ្មែរនៅវត្តពោធិ៥០០០
ខេត្តព្រះវិហារ ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចុះជួបសួរសុខទុក្ខ បងប្អូនប្រជាពលរដ្ឋ ដែលកំពុងភៀសសឹក នៅវត្តពោធិ៥០០០…
ខេត្តព្រះវិហារ ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចុះជួបសួរសុខទុក្ខ បងប្អូនប្រជាពលរដ្ឋ ដែលកំពុងភៀសសឹក នៅវត្តពោធិ៥០០០ ខេត្តព្រះវិហារ ។
បន្ទាប់បានអញ្ជើញទៅគោរពវិញាណក្ខន្ធវីរយុទ្ធជន ដែលបានពលីក្នុងសមរភូមិកាលពីសង្គ្រាមកន្លងទៅនៅទឹកដីខេត្តព្រះវិហារ និងឧត្តរមានជ័យ និងសាកសួរសុខទុក្ខវីរកងទ័ព ដែលរងរបូសមកសម្រាកព្យាបាលនៅមន្ទីរពេទ្យគូលែន លោកជំទាវបណ្ឌិត បន្តឆ្លៀតចុះសាកសួរសុខទុក្ខ និងសំណេះសំណាលជាមួយបងប្អូន អ៊ំពូមីង តាយាយ ដែលកំពុងស្នាក់នៅជំរុំភៀសសឹក ក្នុងបរិវេណវត្តពោធិ៥០០០ ។
ជាមួយគ្នានេះ លោកជំទាវបណ្ឌិត ក៏បានពាំនាំការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និង សម្តេចបវរធិបតី នាយករដ្ឋមន្ត្រី ដោយកន្លងមក សម្តេចតេជោ សម្តេចកិត្តិព្រឹទ្ធបណ្ឌិត និងសម្តេចបវរធិបតី ក៏ធ្លាប់បានមកសួរសុខទុក្ខបងប្អូននៅមណ្ឌលសុវត្ថិភាពនេះផងដែរ ជាមួយនឹងការជូនពរដល់បងប្អូនប្រជាពលរដ្ឋទាំងអស់ ចៀសផុតពីជំងឺដង្កាត់នានា និងឆាប់បានទៅកាន់ភូមិឋានដ៏កក់ក្តៅរបស់ខ្លួនវិញ ក្រោយសភាពការណ៍ស្ងៀមស្ងាត់ ៕
ចែករំលែកព័តមាននេះ