សម្តេចតេជោ វាយតម្លៃខ្ពស់ និងអរគុណកងទ័ពកម្ពុជា-ថៃ ដែលបានគោរព អនុវត្តនូវកិច្ចព្រៀងបទឈប់បា.ញ់
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា នៃកម្ពុជា បានការវាយតម្លៃខ្ពស់ និងអរគុណកងទ័ព នៃប្រទេសទាំងពីរកម្ពុជា-ថៃ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា នៃកម្ពុជា បានការវាយតម្លៃខ្ពស់ និងអរគុណកងទ័ព នៃប្រទេសទាំងពីរកម្ពុជា-ថៃ ដែលបានគោរព និងអនុវត្ត នូវកិច្ចព្រៀងបទឈប់បាញ់ និងបង្កើតឲ្យមានការប្រជុំថ្នាក់ភូមិភាគ ប្រកបដោយជោគជ័យ ។
យោងតាមសំណេររបស់សម្តេចតេជោ ហ៊ុន សែនប្រធានព្រឹទ្ធសភាកម្ពុជា នៅរសៀលថ្ងៃទី២៩ ខែកក្កដា ឆ្នាំ២០២៥ បានបង្ហោះសារទាំងស្រុងដូច្នេះថា «ទោះមានការឈប់បាញ់ តែខ្ញុំមិនបានសម្រាកច្រើនទេ។ យប់មិញ ខ្ញុំសម្រាកបានជាង២ម៉ោង និងបន្តការងារហូតពេលនេះ ដែលនឹងអាចបន្តរហូតម៉ោង៧ល្ងាច ឬលើសពីនេះ ទៅតាមការវិវត្ត នៃសភាពការ។ កិច្ចការរបស់ខ្ញុំ ចាប់ពីម៉ោង១២យប់ថ្ងៃ ២៨ ឆ្លងចូលថ្ងៃ២៩ កក្កដា ២០២៥នេះ គឺជួយជ្រោមជ្រែងអនុវត្ត នូវកិច្ចព្រមព្រៀងឈប់បាញ់ ឲ្យទទួលបានជោគជ័យ ដើម្បីធានាថា សង្គ្រាមនឹងត្រូវបិទបញ្ចប់ ជំនួសដោយសន្តិភាព ។
សម្តេចបញ្ជាក់ថា ៖ “ខ្ញុំសូមវាយតម្លៃខ្ពស់ និងសូមអរគុណកងទ័ព នៃប្រទេសទាំងពីរកម្ពុជា-ថៃ ដែលបានគោរព និងអនុវត្ត នូវកិច្ចព្រៀងនេះ និងបង្កើតឲ្យមានការប្រជុំថ្នាក់ភូមិភាគ ប្រកបដោយជោគជ័យ។ សូមរួមគ្នាការពារសន្តិភាព ដើម្បីជៀសវាងបាត់សន្តិភាព ទើបស្វែងរកសន្តិភាពដែលជារឿងដ៏លំបាក»៕
ចែករំលែកព័តមាននេះ