រាជធានីភ្នំពេញ ៖ ផ្ទះល្វែងមួយកន្លែងនៅក្នុងភូមិទ្រុងមាន់សង្កាត់អូរបែកក្អម ខណ្ឌសែនសុខ រាជធានីភ្នំពេញត្រូវបានអគ្គីភ័យឆាតឆេះបង្កឲ្យមានការភ្ញាក់ផ្អើលដល់រថយន្តពន្លត់អគ្គីភ័យជាច្រើនគ្រឿងទៅអន្តរាគមន៍បាញ់ពន្លត់។
ទាក់ទិនការកើតមានអតីភ័យនេះត្រូវបានម្ដាយអះអាងបានដោយសារកូនជាអ្នកដុតបន្ទាប់ពីខឹងសុំលុយមួយម៉ឺនរៀលមិនអោយ។ ហេតុការណ៍អគ្គីភ័យនេះបង្កឲ្យមានការភ្ញាក់ផ្អើលការពារវេលាម៉ោង ១១និង២៥នាទីព្រឹក ថ្ងៃទី២៦ ខែកក្កដា ឆ្នាំ២០២៥ ។
តាមសាក្សីបានអោយដឹងថា នៅមុនពេលកើតហេតុគេឃើញភ្លើងបានឆាប់ឆេះចេញពីជាន់ទី១ នៃអគារផ្ទះល្វែងផ្អែង ហុយទ្រលោមបង្កឲ្យមានការភ្ញាក់ផ្អើលយ៉ាងយ៉ាងខ្លាំងហើយប្រជាពលរដ្ឋនៅក្បែរខាងនាំគ្នាជួយពន្លត់និងទាក់ទងទៅរថយន្តពន្លត់អគ្គីភ័យដើម្បីអន្តរាគមន៍។តាមស្ត្រីជាម្ចាស់ផ្ទះបានឲ្យដឹងថា មូលហេតុដែលបណ្ដាឲ្យកើតមានអគ្គីភ័យនេះ កូនប្រុសញៀនថ្នាំរបស់គាត់ជាអ្នកដុតដោយសារតែខឹងសុំលុយចំនួន ១ ម៉ឺនរៀលមិនឱ្យ។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នេះរថយន្តពន្លត់អគ្គីភ័យចំនួន ៤គ្រឿងបានទៅអន្តរាគមន៍បាញ់ពន្លត់ហើយភ្លើងបានរលត់ទៅវិញពុំបណ្ដាលឱ្យឆេះរាលដាដល់លំនៅឋាននៅក្បែរនោះឡើយ។
តាមនគរបាលបានឲ្យដឹងទៀតថាអគ្គិភ័យនេះបណ្ដាលឲ្យសម្ភារៈមួយចំនួននៅជាន់ទី១ បានរងការខូចខាតពុំបណ្ដាឲ្យមនុស្សព្រមរបួសឡើយ។នៅក្នុងហេតុការណ៍នេះដែរកូនប្រុសដែលបុកផ្ទះត្រូវបានសមត្ថកិច្ចឃាត់ខ្លួនផងដែរ ។
ចែករំលែកព័តមាននេះ