រាជធានីភ្នំពេញ ៖ អ្នកនាំពាក្យរាជរដ្ឋាភិបាលកម្ពុជា បានគូសបញ្ជាក់ថា ថៃបានសាងកំហុសមកលើកម្ពុជា គ្រប់រូបភាព រហូតធ្វើការបាញ់ប្រហារមកលើទាហានកម្ពុជាមុន នៅព្រឹកថ្ងៃទី២៤ ខែកក្កដា ឆ្នាំ២០២៥…
រាជធានីភ្នំពេញ ៖ អ្នកនាំពាក្យរាជរដ្ឋាភិបាលកម្ពុជា បានគូសបញ្ជាក់ថា ថៃបានសាងកំហុសមកលើកម្ពុជា គ្រប់រូបភាព រហូតធ្វើការបាញ់ប្រហារមកលើទាហានកម្ពុជាមុន នៅព្រឹកថ្ងៃទី២៤ ខែកក្កដា ឆ្នាំ២០២៥ តែម្តង តែនៅសមរភូមិកងទ័ពកម្ពុជា យកព្រៀបលើកងទ័ពថៃ ដែលសត្រូវឈ្លានពានទឹកដីកម្ពុជា ។
ថ្លែងក្នុងសន្នីសីទសារព័ត៌មាន នារសៀលថ្ងៃទី២៤ ខែកក្កដា ឆ្នាំ២០២៥ នៅទីស្តីការគណៈរដ្ឋមន្ត្រី ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានគូសបញ្ជាក់យ៉ាងដូច្នេះថា ៖ ការចាប់ផ្តើម នូវភាពតានតឹងរវាងកម្ពុជា និងថៃ ជុំបញ្ហាព្រំដែនកម្ពុជា-ថៃ គឺកើតឡើងដោយសារកងទ័ពទាហានថៃបានលួចបាញ់ប្រហារមកលើកទាហ៊ានកម្ពុជាម្នាក់ស្លាប់បាត់ បង់ជីវិត ដែលកំពុងឈរជើងនៅលាណដ្ឋាននៅតំបន់មុំបី កាលពីថ្ងៃទី២៨ ខែឧសភា ឆ្នាំ២០២៥ ។
ឯកឧត្តម បន្តថា ចាប់ពីពេលនោះមកថៃ បានពន្លាតបញ្ហារហូតមានបញ្ហាព្រំដែន ដោយបិទព្រំដែនដោយឯកតោភាគី គំរាមផ្តាច់អគ្គិសនី ផ្តាច់អ៊ីនធើណែត ប្រេងឥន្ធនៈ ឧស្ម័ន ជាដើម ។ ហើយចុងក្រោយនេះ ថៃបានយកបញ្ហាទាហានជាន់មីន មកធ្វើជាមូលហេតុ ឬលេសឲ្យមានបញ្ហាធំឡើងៗ ។
ឯកឧត្តមបានបញ្ជាក់ថា ៖ «ថៃបានចោទកម្ពុជាថា បានដាក់មីនថ្មី ហើយក្រសួងការពារជាតិ ក្រសួងការបរទេស បានធ្វើការឆ្លើតតបវិញហើយ បានបញ្ជាក់ហើយថា កម្ពុជាមិនបានដាក់មីនថ្មីនោះទេ។ ប៉ុន្តែកងទ័ពថៃ បានដើរតាមតម្រាយផ្លូវធម្មតានោះទេ គឺបានធ្វើការបង្កើតតម្រាយផ្លូវថ្មី ចូលដីកម្ពុជា ហើយដីនោះមានសល់គ្រាប់មីនដែលសម័យសង្គ្រាម» ។
ឯកឧត្តមបានលើកឡើងថា មុនការកើតឡើងផ្ទុះមីននេះ កងទ័ពកម្ពុជា ក៏បានប្រាប់កងទ័ពថៃ ថា កុំដើរខុសផ្លូវ បានធ្វើតម្រាយមុន ដែលយើងបានព្រមព្រៀងគ្នា ពីព្រោះដែនកម្ពុជាមានគ្រប់មីន ដែលបានសេសសល់ពីសម័យសង្គ្រាមកន្លងមក។
ឯកឧត្តម ប៉ែន បូណា បានគូសបញ្ជាក់ថា ៖ «ក្រោយពីជាន់មីន ថៃបានធ្វើឲ្យសភាពការណ៍ កាន់តែតានតឹងខ្លាំងឡើង ជាក់ស្តែងកាលពីម្សិលមិញ (ថ្ងៃទី២៣ កក្កដា) ថៃបានប្រកាសបិទ មិនឲ្យទេសចរណ៍ចូល ប្រកាសបិទប្រាសាទតាមន់ធំ រហូតថា នេះជាការចាប់ផ្តើម នៃសង្គ្រាម។ ជាងនេះ យប់មិញ ក៏បានដាក់របងលួសនៅប្រាសាទតាមាន់ ហើយព្រឹកឡើងគាត់ចាប់ផ្តើមធ្វើសកម្មភាពបាញ់មកលើទាហានកម្ពុជាកំពុងឈរជើង» ។
ឯកឧត្តម បានគូសបញ្ជាក់បន្ថែមថា ៖ «ខ្ញុំ សរុបមកវិញថា គ្រប់បញ្ហាទាំងអស់ ដែលបានកើតឡើង វាងកម្ពុជា និងថៃ គឺថៃជាអ្នកបង្កហេតុ «…» បរទេស ក៏គេបានដឹងថា ថៃជាអ្នកបង្ករហេតុមុន ឈ្លានពានកម្ពុជា ចង់បានទឹកដីកម្ពុជា ហើយរករឿងបង្កហេតុ និងទម្លាក់កំហុសមកកម្ពុជា» ។
ឯកឧត្តម អ្នកនាំពាក្យ បានលើកឡើងទៀតថា ពេលនេះថៃ បានបើកធ្វើការវាយប្រហារមកលើកងទ័ពកម្ពុជាមុន។ ហើយចំណុចនេះ ទាំងសម្តេចតេជោ ហ៊ុន សែន សម្តេចបវរធិបតី បានអះអាងថា កម្ពុជាចង់បានសន្តិភាព ចង់រស់នៅជាមួយប្រទេសជិនខាងល្អ ព្រំដែនសន្តិភាព មិត្តភាពសហប្រតិបត្តិ និងអភិវឌ្ឍន៍ ប៉ុន្តែថ្នាក់ដឹកនាំបានបញ្ជាក់ហើយបញ្ជាក់ទៀតថាជម្រើសយោធា គឺជាជម្រើសចុងក្រោយ ។
ឯកឧត្តមបានបន្ថែមថា កងកម្លាំងប្រដាប់អាវុធរបស់កម្ពុជា មានភាពក្លាយហាន និងរឹងមាំ កក់កៅ្ត ហើយពេញមួយថ្ងៃនេះ នៅសមរភូមិកងទ័ពកម្ពុជាយកព្រៀបលើកងទ័ពថៃ ដែលសត្រូវឈ្លានពានទឹកដីកម្ពុជា ៕
ចែករំលែកព័តមាននេះ