រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រីជើង ចាស់របស់កម្ពុជា បានឆ្លើយតបទៅភាគីថា សម្តេចមិនរត់ទៅណានោះទេ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រីជើង ចាស់របស់កម្ពុជា បានឆ្លើយតបទៅភាគីថា សម្តេចមិនរត់ទៅណានោះទេ សូមបងប្អូន ជនរួមជាតិ កុំព្រួយបារម្ភ ហើយសម្តេចរងចាំមើលយុទ្ធសាស្ត្រមេបញ្ជាការយោធាភូមិភាគ២ របស់ថៃ ដែលថា វៃត្រឹម៣ថ្ងៃ ។
សម្តេចតេជោ ហ៊ុន សែនបានបញ្ជាក់លើបណ្តាញសង្គមនៅរសៀលថ្ងៃទី២៤ ខឬែកក្កដា ឆ្នាំ២០២៥យ៉ាងដូច្នេះថា៖«នៅមុននេះបន្តិច កាសែតថៃ បានចេញផ្សាយថា ខ្ញុំបានចាកចេញពីកម្ពុជាទៅកាន់ប្រទេសចិន។ ខ្ញុំសូមបញ្ជាក់ថា ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀត ជាមួយនាយករដ្ឋមន្ត្រី រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អា វុធគ្រប់លំដាប់ថ្នាក់ ដើម្បីវាយចោរថៃឈ្លានពាន។ ខ្ញុំមិនរត់ទៅណាទេ សូមបងប្អូន ជនរួមជាតិ កុំព្រួយបារម្ភ !។
សម្តេចតេជោបានគូសបញ្ជាក់បន្ថែមថា៖«ខ្ញុំអង្គុយនៅទីនេះ ចាប់តាំងពីពេល ដែលមេបញ្ជាការភូមិភាគទី២របស់ថៃ ថានឹងបិទច្រកចូលប្រា សាទតាមាន់ធំ។ មេបញ្ជាការយោធភូមិភាគ២របស់ថៃ នេះហើយជាអ្នកបង្កសង្គ្រាមនេះឡើង តាមរយៈការ បញ្ជាឲ្យបិទប្រាសាទតាមាន់ធំកាលពីម្សិលមិញ និងបើកការបាញ់ប្រហារមកលើកងទ័ពកម្ពុជានាព្រឹកមិញនេះ។
សម្តេចតេជោក៏បានលើកឡើងថា ៖លោកម្នាក់នេះហើយ ដែលធ្លាប់ បានព្រមានថា នឹងវាយកម្ពុជា ដោយប្រើពេលត្រឹម៣ថ្ងៃ។ ខ្ញុំក៏ចង់ស្គាល់យុទ្ធសាស្ត្រត្រឹម៣ថ្ងៃរបស់គាត់ដែរ ។
ការចុះផ្សាយដែលចរិតកុហកនៃ អ្នកនយោបាយថៃនិងសារព័ត៌មានថៃ វាបានក្លាយ ទៅជាវប្បធម៌ធម្មតារបស់ ពួកគេទៅហើយ សូមបន្តបោកប្រាស់ តទៅទៀតចុះ ៕
ចែករំលែកព័តមាននេះ