ខេត្តកំពត ៖ នារសៀលថ្ងៃទី ២១ ខែ កក្កដា ឆ្នាំ ២០២៥នេះ ខេត្តកំពតតំបន់មួយចំនួនបានទទួលរង ដោយគ្រោះធម្មជាតិភ្លៀងធ្លាក់ខ្លាំងជោគជាំនឹងលាយឡំខ្យល់កន្ទ្រាក់បោកបក់ខ្លាំង…
ខេត្តកំពត ៖ នារសៀលថ្ងៃទី ២១ ខែ កក្កដា ឆ្នាំ ២០២៥នេះ ខេត្តកំពតតំបន់មួយចំនួនបានទទួលរង ដោយគ្រោះធម្មជាតិភ្លៀងធ្លាក់ខ្លាំងជោគជាំនឹងលាយឡំខ្យល់កន្ទ្រាក់បោកបក់ខ្លាំង បណ្ដាលឲ្យលំនៅឋានបងប្អូនប្រជាពលរដ្ឋមួយចំនួនរងការខូចខាតជាដើម ។
ជុំវិញរឿងនេះ រដ្ឋបាលខេត្តកំពតបានអំពាវនាវ អោយបងប្អូនប្រជាពលរដ្ឋទាំងអស់មានការប្រុងប្រយ័ត្នខ្ពស់ ក្រោយពី មានភ្លៀងធ្លាក់ច្រើន នឹងខ្យល់បោកបក់ខ្លាំងនារសៀលថ្ងៃទី២១នេះផងដែរ ។
សូមបញ្ជាក់ផងដែរថា កាលពីកាលពីថ្ងៃទី២០ កក្កដា ឆ្នាំ២០២៥ ក្រសួងធនធានទឹក នឹងឧតុនិយម បានជូនដំណឹងស្តី ពីស្ថានភាព កូនរដូវប្រាំង ឆ្នាំ ២០២៥ ។ ក្នុងនោះដែរក៏មាន ខេត្តចំនួន៤ ដែលជាប់នឹងមាត់សមុទ្រកម្ពុជា មានដូចជា ខេត្តកែប ខេត្តកំពត ខេត្តព្រះសីហនុ នឹងខេត្តកោះកុង នឹងមានភ្លៀងធ្លាក់ ស្គររន្ទះ ខ្យល់កន្ត្រាក់ គ្រប់ដណ្ដប់លើផ្ទៃដីប្រមាណ ១៥ភាគរយ ដោយមានភ្លៀងធ្លាក់ចាប់ពីថ្ងៃទី២០រហូតដល់ថ្ងៃទី២២ខែកក្កដានេះ ។ ក៍ប៉ុន្តែ ក្រោយពីថ្ងៃទី ២២ ខែ កក្កដា ឆ្នាំ ២០២៥ ដល់ថ្ងៃទី ១០ ខែ សីហា ឆ្នាំ ២០២៥ គឺពុំមានភ្លៀងធ្លាក់នោះទេ ជាហេតុធ្វើអោយមាន កូនរដូវប្រាំងសំរាប់ឆ្នាំ ២០២៥នេះ ។
ជាមួយគ្នានេះដែរ ទើបក្រសួងធនធានទឹក នឹងឧតុនិយម សូមអោយបងប្អូនប្រជាពលរដ្ឋ មេត្តាយកចិត្តទុកដាក់ អំពីស្ថានភាពអាកាសធាតុ នឹងប្រើប្រាស់ទឹក សន្សំសំចៃ ដើម្បីជៀសវាងពីការកង្វះទឹកសំរាប់ដំណាំស្រូវនិងដំណាំផ្សេងៗដោយគ្រោះរាំងស្ងួតនាកូនរដូវប្រាំងដែលកើតមានឡើងជាយថាហេតុ នៅពេលខាងមុខនេះ ។
បន្ថែមពីនេះ ផេកស្នងការខេត្តកំពត វិញក៍បាន បង្ហោះសារដែរថា: សូមបងប្អូនមេត្តាប្រុងប្រយ័ត្នខ្ពស់ កុំចតឡានរឺ ម៉ូតូ ចតក្រោមដើមឈើ នឹងជ្រកក្រោមដើមឈើ ព្រោះមានខ្យល់ខ្លាំងណាស់ ខ្លាចបណ្ដាលអោយមានគ្រោះថ្នាក់ដោយដើមឈើបាក់ឬរលំសង្កត់លើ ៕
ចែករំលែកព័តមាននេះ