ខេត្តកំពង់ស្ពឺ ៖ ដោយសារតែឥទ្ធិពលនៃគ្រឿងញៀនប្រើលើសកំរិត ធ្វើឱ្យបុរសម្នាក់ម្នាក់ដេញវាយស្ត្រីពីរនាក់រងរបួស និងបានទាញកំបិតផ្គាក់ដេញកាប់គេឯងរត់ពេញភូមិ ត្រូវបានកម្លាំងនគរបាលធ្វើការឃាត់ខ្លួន ។ ការឃាត់ខ្លួនបុរសញៀនថ្នាំដេញកាប់គេឯងពេញភូមិបានកើតឡើង កាលពីវេលាម៉ោង៩ព្រឹក ថ្ងៃទី២១…
ខេត្តកំពង់ស្ពឺ ៖ ដោយសារតែឥទ្ធិពលនៃគ្រឿងញៀនប្រើលើសកំរិត ធ្វើឱ្យបុរសម្នាក់ម្នាក់ដេញវាយស្ត្រីពីរនាក់រងរបួស និងបានទាញកំបិតផ្គាក់ដេញកាប់គេឯងរត់ពេញភូមិ ត្រូវបានកម្លាំងនគរបាលធ្វើការឃាត់ខ្លួន ។ ការឃាត់ខ្លួនបុរសញៀនថ្នាំដេញកាប់គេឯងពេញភូមិបានកើតឡើង កាលពីវេលាម៉ោង៩ព្រឹក ថ្ងៃទី២១ ខែកក្កដា ឆ្នាំ២០២៥ ស្ថិតនៅក្នុង ភូមិអណ្តូងប្រាំង ឃុំស្រង់ ស្រុកគងពិសី ខេត្តកំពង់ស្ពឺ ។
នគរបាលស្រុកគងពិសីបាននិយាយឱ្យដឹងថា មានករណីហិង្សាដោយចេតនាមួយបានកើតឡើងនៅក្នុង ភូមិអណ្តូងប្រាំង ឃុំស្រង់ ស្រុកគងពិសី ដោយមានឈ្មោះ គ្រិប សុធឿង ភេទប្រុស អាយុ៣១ឆ្នាំមុខរបរមិនពិតប្រាកដ រស់នៅភូមិ~ឃុំកើតហេតុខាងលើ បានកាន់កាំបិតផ្គាក់ លីលើស្មា ដើរសំដៅទៅកាប់ឈ្មោះ អ៊ុង ថន ភេទស្រី អាយុ៥៧ ឆ្នាំរស់នៅភូមិ~ឃុំជាមួយគ្នា ប៉ុន្តែត្រូវប្អូនប្រុស ដែលរស់នៅជាមួយ ឈ្មោះ អ៊ុង ថន ចាប់ទាញចេញមកក្រៅរបងផ្ទះ ពេលនោះមានឈ្មោះ ឃួន ណាវី អាយុ៧៣ ឆ្នាំ រស់នៅភូមិ~ឃុំជាមួយគ្នា បានមកជួយចាប់ឃាត់ ក៏ត្រូវបានឈ្មោះ គ្រិប សុធឿង បានកាន់កាំបិតផ្គាក់បំរ៉ុងកាប់តែត្រូវអ្នកនៅទីនោះចាប់កាំបិតទាន់ ហើយជនបង្កក៏បានវាយមួយដៃចំដៃខាងឆ្វេង បណ្តាលឱ្យជនរងគ្រោះជួលរងរបួសស្រាល។ បង្កឱ្យមានការភ្ញាក់ផ្អើលពេញភូមិ ប្តឹងទៅនគរបាលឃាត់ខ្លួនបានភ្លាមៗ។
នគរបាលស្រុកសំរោងទងបានបន្តឱ្យដឹងទៀតថា ក្រោយធ្វើការឃាត់ខ្លួនដកហូតវត្ថុតាង កាំបិតផ្គាក់ដងឫស្សី០១ដើម។ នគរបាលបានបញ្ជាក់ឱ្យដឹងថា ជនសង្ស័យខាងលើ ជាមុខសញ្ញាប្រើប្រាស់គ្រឿងញៀនជាប្រចាំហើយនៅថ្ងៃកើតហេតុបានប្រើប្រាស់លើសកំរិត(បែកថ្នាំញៀន) ក៏បង្ករហេតុដេញកាប់គេឯងពេញភូមិតែម្តង។
បច្ចុប្បន្ន ជនសង្ស័យខាងលើឃាត់ខ្លួននៅអធិការដ្ឋាននគរបាលស្រុក ដើម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ