ខេត្តរមានជ័យ ៖ ក្រោយពីកើតមានជម្លោះព្រំដែនកម្ពុជា-ថៃ នៅក្នុងរយៈពេល៣ថ្ងៃ គិតត្រឹមថ្ងៃទី២០ កក្កដា រហូតមកទល់និងថ្ងៃទី២២ កក្កដា ឆ្នាំ២០២៥ នេះ…
ខេត្តរមានជ័យ ៖ ក្រោយពីកើតមានជម្លោះព្រំដែនកម្ពុជា-ថៃ នៅក្នុងរយៈពេល៣ថ្ងៃ គិតត្រឹមថ្ងៃទី២០ កក្កដា រហូតមកទល់និងថ្ងៃទី២២ កក្កដា ឆ្នាំ២០២៥ នេះ សង្កេតឃើញប្រជាពលរដ្ឋខ្មែរ នាំគ្នាទៅទស្សនានៅប្រាសាទតាមាន់ធំ និងប្រាសាទក្របីតាក្របីយ៉ាងច្រើនកុះករ ។
សូមបញ្ជាក់ថា ប្រាសាទទាំង២នេះ ស្ថិតនៅលើខ្នងភ្នំដងរែក ក្នុងភូមិគោកមន ឃុំគោកមន ស្រុកបន្ទាយអម្ពឹល ខេត្តឧត្តរមានជ័យ ។ យោងតាមការឲ្យដឹងពីលោកវរសេនីយ៍ឯក ប៊ូ ប៊ន មេបញ្ជាការងប្រតិបត្តិការសឹកខេត្តឌត្តរមានជ័យបានឲ្យដឹងថា នៅពេលកើតមានជម្លោះព្រំដែនកម្ពុជា-ថៃ នេះ មានប្រជាពលរដ្ឋខ្មែរយើងបានអញ្ជើញតាមបណ្តាខេត្តក្រុងក្នុងព្រះរាជាអាណាចក្រកម្ពុជា ដោយរាប់ពាន់នាក់ឡើងមកទស្សនានៅប្រាសាទតាក្របី គិតត្រឹមថ្ងៃទី២០ រហូតមកទល់និងថ្ងៃទី២២ ខែកក្កដាឆ្នាំ២០២៥ នេះ ។
លោកបានបញ្ជាក់ថា នៅពេលប្រជាពលរដ្ឋខ្មែរអញ្ជើញមកទស្សនានៅប្រាសាទតាក្របី មានការជួយឧបត្ថម្ភនូវ(ថវិកា)មួយចំនួននិងគ្រឿងឌបភោគ បរិភោគ ផងដែរ ជាពិសេស បានលើកនៅកម្លាំងចិត្តដល់កងទ័ពដែលកំពង់ឈរជើងជួរមុខការពារជាតិមាតុភូមិ ។
ដោយឡែក នៅឯប្រាសាទតាមាន់ធំ ដែលឈរជើងការពារនៅក្នុងតំបន់នោះរបស់កងពលតូច
ថ្មើរជើងលេខ៤២ ក៏មិនខុសប្លែកពីប្រាសាទតាក្របីដែរ គេបានសង្កេតឃើញមានប្រជាពលរដ្ឋអញ្ជើញទៅទស្សនាយ៉ាងច្រើនកុះករ នេះជាការលើកទឹកចិត្តដល់កងទព័ឲ្យកាន់តែមានស្មារតីតស៊ូបម្រើជាតិមាតុភូមិ ៕
ចែករំលែកព័តមាននេះ