សង្គ្រាមអ៊ុយក្រែន ៖ ក្រោយវាយប្រហារលើទីក្រុង៤របស់អ៊ុយក្រែន កាលពីយប់ថ្ងៃទី១៥មក១៦កក្កដា រុស្សុីកាល ពីថ្ងៃទី១៧កក្កដាបានវាយប្រហារមជ្ឈម ណ្ឌលពាណិជ្ជកម្មមួយក្នុងទីក្រុង ដូប្រូពីលីយ៉ា ភាគខាងកើតអ៊ុយក្រែន ជាមួយគ្រាប់បែកហោះទម្លាក់តាមអាកាសទម្ងន់ដល់៥០០គីឡូក្រាម…
សង្គ្រាមអ៊ុយក្រែន ៖ ក្រោយវាយប្រហារលើទីក្រុង៤របស់អ៊ុយក្រែន កាលពីយប់ថ្ងៃទី១៥មក១៦កក្កដា រុស្សុីកាល ពីថ្ងៃទី១៧កក្កដាបានវាយប្រហារមជ្ឈម ណ្ឌលពាណិជ្ជកម្មមួយក្នុងទីក្រុង ដូប្រូពីលីយ៉ា ភាគខាងកើតអ៊ុយក្រែន ជាមួយគ្រាប់បែកហោះទម្លាក់តាមអាកាសទម្ងន់ដល់៥០០គីឡូក្រាម បណ្ដាលឲ្យមនុស្សយ៉ាងតិច៤នាក់ស្លាប់ហើយ២៧នាក់ទៀតរងរបួស។ នេះបើតាមសេចក្ដីរាយការណ៍របស់បណ្ដាអ្នកទទួលខុសត្រូវមូលដ្ឋាន។
ប្រមុខរដ្ឋបាលយោធាតំបន់ដូណេតស្ក៍ថ្លែងថា ហាងចំនួន៥៤ ផ្ទះល្វែង៣០៤និងរថយន្ត៨គ្រឿងរងការបំផ្លាញ ហើយមានភ្លើងឆាបឆេះក្រោយការទម្លាក់គ្រាប់បែកនោះ។ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គីបានហៅការវាយប្រហារនោះថា សែនទារុណនិងថាទីតាំងនោះពុំមានស្តុកភស្ដុភារយោធាឡើយ។
ដូប្រូពីលលីយ៉ាជាទីក្រុងមួយស្ថិតនៅភាគខាងលិចតំបន់ដូណេតស្ក៍ ចម្ងាយប្រមាណជា១៥គីឡូម៉ែត្រពីខ្សែរណសិរ្ស។ កងទ័ពរុស្សុីមានបំណងវាយរុលទៅមុខឆ្ពោះទៅកាន់ទីក្រុងនេះពីភាគអាគ្នេយ៍។ គ្រាប់បែកដែលហោះក្រោយទម្លាក់ចេញពីយន្តហោះទម្ងន់៥០០គីឡូក្រាមនោះ ជាគ្រាប់បែកកែច្នៃដោយមានស្លាបហើយជាទូទៅមានបំពាក់ឧបករណ៍បញ្ជាពីចម្ងាយឲ្យហោះទៅរកគោលដៅតាមប្រព័ន្ធផ្កាយរណប។
វាអាចទម្លាក់ពីចម្ងាយចេញពីយន្តហោះ មិនចាំបាច់ហោះមកទម្លាក់ពីលើគោលដៅតែម្ដងឡើយ។ គ្រាប់បែកនោះត្រូវបានប្រើតាំងពីសម័យសូវៀត ហើយពេលមានសង្គ្រាមអ៊ុយក្រែនត្រូវរុស្សុីបញ្ចេញប្រើច្រើនកម្ទេចគោលដៅធំៗ។ គ្រាប់បែកទម្លាក់នោះពិតជាការគំរាមកំហែងធ្ងន់ធ្ងរមួយដល់អ៊ុយក្រែន។ គ្រាប់បែកទាំងនោះប្រើវាយប្រហារបណ្ដាទីតាំងយោធាអ៊ុយក្រែន ទីតាំងភស្ដុភារ ស្ពាន ព្រមទាំងបណ្ដាទីតាំងឧស្សាហកម្មប្រកបដោយប្រសិទ្ធភាពខ្ពស់។
កងទ័ពរុស្សុីប្រើគ្រាប់បែកហោះទម្រង់ផ្សេងៗ ដូចជាធុនទម្ងន់២៥០ ៥០០ ឬ១០០០គីឡូក្រាម។ ចំណែកគ្រាប់បែកធំជាងគេបំផុតរបស់រុស្សុី គឺគ្រាប់បែកFAB- 3000 ្រោទម្ងន់ដល់៣តោន ដែលក្រសូងការពារប្រទេសរុស្សុីកំពុងតែផលិតឲ្យបានកាន់តែច្រើន។ គ្រាប់បែកហោះរុស្សុីមានកម្លាំងបំផ្លិចបំផ្លាញខ្ពស់ ហើយពិបាកក្នុងការស្ទាក់កម្ទេចផ្ទុយពីគ្រាប់មីសីុល ព្រោះវាកម្ដៅតិចតួចនិងពុំមានប្រព័ន្ធម៉ាសីុនសម្រាប់ហោះឡើយ ទើបប្រព័ន្ធមីសីុលការពារអាកាសប្រើមិនមានប្រសិទ្ធភាព ។
ចែករំលែកព័តមាននេះ