ក្រុមប្រឹក្សាអភិវឌ្ឍន៍កម្ពុជាកាលពីពេលថ្មីៗកន្លងទៅនេះ បានឲ្យដឹងថា នៅក្នុងចំណោមគម្រោងសរុប៣៧៣គម្រោង ដែលមានទុនសរុបប្រមាណជា៥,៨ ពាន់លានដុល្លារ និងបង្កើតការងារធ្វើសរុបប្រមាណជា២៥៥ពាន់កន្លែង ខេត្តនៅភូមិភាគឦសាន្ត៤ នៅកម្ពុជា គឺសុទ្ធតែបានទាក់ទាញគម្រោងវិនិយោគ ដែលមានតម្លៃលើសពី៥៧០លានដុល្លារ…
ក្រុមប្រឹក្សាអភិវឌ្ឍន៍កម្ពុជាកាលពីពេលថ្មីៗកន្លងទៅនេះ បានឲ្យដឹងថា នៅក្នុងចំណោមគម្រោងសរុប៣៧៣គម្រោង ដែលមានទុនសរុបប្រមាណជា៥,៨ ពាន់លានដុល្លារ និងបង្កើតការងារធ្វើសរុបប្រមាណជា២៥៥ពាន់កន្លែង ខេត្តនៅភូមិភាគឦសាន្ត៤ នៅកម្ពុជា គឺសុទ្ធតែបានទាក់ទាញគម្រោងវិនិយោគ ដែលមានតម្លៃលើសពី៥៧០លានដុល្លារ ឯណោះ ។
ប្រភពដដែលបានឲ្យដឹងថា សម្រាប់ខេត្តស្ទឹងត្រែង គឺអាចទាក់ទាញបាន១គម្រោង ខេត្តក្រចេះបាន១គម្រោង ហើយខេត្តមណ្ឌលគីរីបាន ២គម្រោង និង រតនៈគីរីបាន១គម្រោង ។
គម្រោងដែលធំបំផុត សម្រាប់តំបន់ភូមិភាគឦសាន្តនោះ គឺគម្រោងវិនិយោគអភិវឌ្ឍន៍ស្ថានីយផលិតអគ្គិសនី ដើរដោយថាមពលខ្យល់២គម្រោង ដែលអាចទាញថាមពលបាន៣០០មេហ្គាវ៉ាត់ នៅខេត្តមណ្ឌលគីរី ។ គម្រោងនេះ គឺជាគម្រោងថ្មីបំផុតប្រចាំកម្ពុជា ដោយសារតែកម្ពុជាមិនមែនមានគម្រោងបែបនេះពីមុនមកឡើយ ។ គម្រោងនេះ មានទុនសរុបប្រមាណជា៤៣០លានដុល្លារ ដែលអាចបង្កើតការងារធ្វើបានសរុបដល់ទៅ១៧០កន្លែង ។
គម្រោងធំទី២ នៅខេត្តភាគឦសាន្តនោះ គឺគម្រោងពង្រីក ផលិតកម្មកសិដ្ឋានចិញ្ចឹមគោពូជ និងគោសាច់ខ្នាតធំដែលមានទីតាំងនៅស្នូល ខេត្តក្រចេះ មានទុនវិនិយោគសរុបប្រមាណជា១២០លានដុល្លារ អាចបង្កើតការងារធ្វើសរុប បាន៩១៥កន្លែង ។
ចំណែកខេត្តស្ទឹងត្រែងទទួលបាន គម្រោងបង្កើតរមណីដ្ឋានទេសចរណ៍សេវាកម្មចម្រុះ ដែលមានទីតាំងនៅខេត្តស្ទឹងត្រែងមានទុន២០លានដុល្លារ ដែលអាចបង្កើតការងារធ្វើបាន១៤២កន្លែងដែរ ។
ចំណែកខេត្តរតនគីរីក៏ទទួលបានមួយគម្រោងវិនិយោគផងដែរ ប៉ុន្តែរបាយការណ៍របស់ក្រុមប្រឹក្សាអភិវឌ្ឍន៍កម្ពុជា មិនបញ្ជាក់ច្បាស់អំពីគម្រោងនេះទេ ។
ចែករំលែកព័តមាននេះ