មន្ទីរពេទ្យកាល់ម៉ែត បានប្រកាសកាលពីថ្ងៃទី១២ ខែកក្កដានេះថា ការលំបាកមានកូនក្លាយជាវិបត្តិមួយដែលពិភពលោកកំពុងតែព្រួយបារម្ភ ដែលមានអត្រា ១០ទៅ១៥% នៃគូស្វាមីភរិយាទាំងឡាយ។ ក) តើអ្វីទៅជាវិបត្តិនៃការមានបុត្រ (Infertility)?…
មន្ទីរពេទ្យកាល់ម៉ែត បានប្រកាសកាលពីថ្ងៃទី១២ ខែកក្កដានេះថា ការលំបាកមានកូនក្លាយជាវិបត្តិមួយដែលពិភពលោកកំពុងតែព្រួយបារម្ភ ដែលមានអត្រា ១០ទៅ១៥% នៃគូស្វាមីភរិយាទាំងឡាយ។
ក) តើអ្វីទៅជាវិបត្តិនៃការមានបុត្រ (Infertility)?
វិបត្តិនៃការមានបុត្រ (Infertility) គឺជាបរាជ័យក្នុងការមានបុត្រក្នុងរយៈពេលមួយឆ្នាំ ទោះបីជាមានការរួមភេទទៀងទាត់ដោយពុំមានប្រើមធ្យោបាយពន្យាកំណើត។
ខ) តើមានមូលហេតុអ្វីខ្លះ?
មូលហេតុអាចប្រភពមកពីភាគីស្ត្រី ឬភាគីបុរស ឬអាចទាំងពីរនាក់។
១. ភាគីស្ត្រី 34% ៖ បញ្ហាផលិតមេជីវិតញី ស្ទះដៃស្បូន ដុះសាច់ក្នុងស្បូន គីសដៃស្បូន ពិសារស្រាឬជក់បារី និងជំងឺក្រពេញអរម៉ូន
២. ភាគីបុរស 20% ៖ បញ្ហាផលិតមេជីវិតឈ្មោល បញ្ហាស្ទះផ្លូវបញ្ចេញមេជីវិតឈ្មោល ជំងឺក្រពេញអរម៉ូន ពិសារស្រាឬជក់បារី
៣. ភាគីបុរសនិងស្ត្រី 38%
៤. មូលហេតុផ្សេងៗដែលពុំអាចពន្យល់បាន 8%
គ) តើមានការរោគវិនិច្ឆ័យដូចម្តេច?
ការធ្វើរោគវិនិច្ឆ័យមានដូចជា ការធ្វើតេស្តឈាមមើលអរម៉ូនបុរសស្ត្រី ការថតអេកូសាស្ត្រ ការថតដៃស្បូន និងការវិភាគមេជីវិតបុរស
ឃ) តើមានការព្យាបាលដែរឬទេ?
ការព្យាបាលអាស្រ័យទៅតាមមូលហេតុមួយៗដែលរកឃើញ ដែលក្នុងនោះរួមមាន
១. ការប្រើថ្នាំភ្ញោចមេជីវិតញី (ovulation induction)
២. ការចាក់បញ្ចូលមេជីវិតឈ្មោលទៅក្នុងស្បូនស្ត្រី (Intra-uterine insemination)
៣. ការបង្កកំណើតដោយជំនួយវេជ្ជសាស្ត្រ (In-vitro Fertilization)
ដូច្នេះប្រសិនបើបងប្អូនប្រជាពលរដ្ឋមាន បញ្ហាលំបាកមានកូន ដូចបានជម្រាបជូនខាងលើ សូមអញ្ជើញមកពិគ្រោះជាមួយគ្រូពេទ្យជំនាញ នៅមន្ទីរពេទ្យកាល់ម៉ែត ដើម្បីស្វែងរករោគវិនិច្ឆ័យ និងធ្វើការព្យាបាល ឲ្យទាន់ពេលវេលាដោយបច្ចេកទេសទំនើបប្រកបដោយប្រសិទ្ធភាពខ្ពស់ ៕
ចែករំលែកព័តមាននេះ