អ្នកមានរោគសញ្ញាទាំងនេះបញ្ជាក់ថា អ្នកកើតជំងឺរើមហើយ
មន្ទីរពេទ្យបង្អែក ស្អាង បានប្រកាសនាថ្ងៃទី៩ ខែកក្កដានេះថា អំពីជំងឺរើម ZOSTER ។ ១.សង្ខេបន័យៈ ជំងឺរើម គឺជាការរលាកស្បែកស្រួចស្រាវបង្កដោយវីរុស…
មន្ទីរពេទ្យបង្អែក ស្អាង បានប្រកាសនាថ្ងៃទី៩ ខែកក្កដានេះថា អំពីជំងឺរើម ZOSTER ។
១.សង្ខេបន័យៈ
ជំងឺរើម គឺជាការរលាកស្បែកស្រួចស្រាវបង្កដោយវីរុស ដែលធ្វើឱ្យកន្ទួល ពងបែក និងឈឺចាប់ នៅកន្លែងដំបៅ ។ ជំងឺរើម បណ្តាលមកពីការប្រតិកម្មឡើងវិញនៃវីរុស Herpesvirus។ ជំងឺនេះច្រើនកើតលើមនុស្សវ័យចំណាស់។ ជំងឺរើមលើអ្នកវ័យក្មេង និងវ័យកណ្តាល ជាសញ្ញាប្រព័ន្ធការពារថយចុះ។
២. រោគសញ្ញាគ្លីនិក
-សញ្ញាដំបូងមិនជាក់លាក់ដូចជា គ្រុនក្តៅ ល្ហិតល្ហៃ
-ឈឺផ្សា ក្រហាយ និងរមាស់ ត្រង់កន្លែងស្បែករលាក ។
-បន្ទះកន្ទួលក្រហម មានកញ្ចុំពងទឹកបែក បង្កជាក្រម៉រ
-ជំងឺរើមនៅភ្នែក កើតមកដោយមានការរលាកកែវភ្នែក។
៣.កន្លែងចូលចិត្តកើត
ជាទូទៅវាយលុកលើផ្ទៃស្បែក វាច្រើនកើតលើដងខ្លួន។ បើមែកទី១នៃ Trigeminus(V) រងការ ប៉ះពាល់ភ្នែកនឹងចូលរួមក្នុងជំងឺនេះOphthalmic Zoster។ ចំពោះអ្នកថយចុះប្រព័ន្ធការពារខ្លួន គេឃើញ មានការប៉ះពាល់លើស្បែក ច្រើនរួមទាំងការវាយលុកទូទៅដែរ។
៤.រោគវិនិច្ឆ័យ
ផ្អែកលើរោគសញ្ញាគ្លីនិក
៥.ការវិវត្តៈ
-មនុស្សចាស់អាចមានការឈឺចាប់នៅកន្លែងជំងឺយូរ ក្រោយជា(Post herpetic neuralgia)។
-Ophthalmic Zosterអាចធ្វើឱ្យខូចខាតជាដំណំដល់ការមើល ដូចនេះត្រូវពិភាក្សាជាមួយ គ្រូពេទ្យ ជំនាញ ខាងភ្នែកជាប្រញាប់។
-ការវិវត្តលើអ្នកថយចុះប្រព័ន្ធការពារខ្ឡួន អាចធ្ងន់ស្មុគស្មាញ
-ជារឿយៗមានសន្លាកត្រង់កន្លែងដំបៅ
៦.ការព្យាបាលៈ
-លេបថ្នាំបំបាត់ឈឺចាប់កម្រិតខ្លាំង Pentazole ៤ដង/ថ្ងៃ រយៈពេល៧ទៅ១០ថ្ងៃ។
-លេបថ្នាំប្រឆាំងវីរុស Acyclovir ៨០០ម.ក្រ ៥ដង/ថ្ងៃ រយៈពេល៧ទៅ១០ថ្ងៃ។
ចែករំលែកព័តមាននេះ