រាជធានីភ្នំពេញ ៖ នគរបាលខណ្ឌចំការមន សហការជាមួយនគរបាលការិយាល័យចរាចរណ៍ផ្លូវគោក ស្ទាក់ចាប់យានយន្តបើកបរបញ្ច្រាសទិសចរាចរណ៍ ដោយឃាត់ម៉ូតូបានចំនួន ១៦គ្រឿង និងរថយន្ត១គ្រឿង ដើម្បីអប់រំណែនាំអ្នកបើកបរ ។…
រាជធានីភ្នំពេញ ៖ នគរបាលខណ្ឌចំការមន សហការជាមួយនគរបាលការិយាល័យចរាចរណ៍ផ្លូវគោក ស្ទាក់ចាប់យានយន្តបើកបរបញ្ច្រាសទិសចរាចរណ៍ ដោយឃាត់ម៉ូតូបានចំនួន ១៦គ្រឿង និងរថយន្ត១គ្រឿង ដើម្បីអប់រំណែនាំអ្នកបើកបរ ។
ការឃាត់រថយន្តនិងម៉ូតូដែលបើកបរបញ្ច្រាសទិសចរាចរណ៍នេះ បានធ្វើឡើងកាលព្រឹកថ្ងៃទី១៦ ខែមិថុនា ឆ្នាំ២០២៥កន្លងទៅ នៅចំណុចអតីតសណ្ឋាគារតាយម៉េង មហាវិថីព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមន។
លោកវរសេនីយ៍ទោ ហួរ ម៉េងហួន អធិការនគរបាលខណ្ឌចំការមន ថ្លែងថា នេះជាការអនុវត្តតានបទបញ្ជារបស់លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ ក្នុងការអនុវត្តច្បាប់ចរាចរណ៍ផ្លូវគោកចំពោះអ្នកបើកបរបញ្ច្រាសទិសចរាចរណ៍ ដែលមួយរយៈនេះសម្បូរអ្នកជិះបញ្ច្រាសណាស់ ។ នៅថ្ងៃទី១៦ ខែមិថុនា ឆ្នាំ២០២៥ លោកបានចាត់ឲ្យលោក សួ សំ អធិការរងទទួលផែនចរាចរណ៍ខណ្ឌ រចូលរួមជាមួយការិយាល័យនគរបាលចរាចរណ៍ផ្លូវគោក ស្ទាក់ឃាត់អ្នកបើកបរបញ្ច្រាសទិស ដើម្បីអប់រំណែនាំ ។
នៅក្នុងរយៈពេល១ថ្ងៃទី១៦ ខែមិថុនានោះ បានឃាត់យានយន្តបើកបរបញ្ច្រាសទិស ចំនួន១៧គ្រឿង ក្នុងនោះម៉ូតូ១៦គ្រឿង និង រថយន្ត១គ្រឿង ហើយអប់រំណែនាំអ្នកបើកបរ កុំឲ្យជិះបញ្ច្រាសទិសទៀត ហើយការត្រួតពិនិត្យនេះនឹងធ្វើឲ្យដូចភ្លៀងរលឹម ។បន្ទាប់ពីឃាត់អប់រំរួចហើយ ក៏ឲ្យត្រឡប់ទៅវិញ ប៉ុន្តែបើមិនរាងចាលសមត្ថកិច្ចនឹង អនុវត្តតាមច្បាប់ ។
ជាការកត់សម្គាល់ ផ្លូវព្រះមុនីរ៉េត ឬផ្លូវលេខ២១៧ ចាប់ពីច្រមុះជ្រូកស្ទឹងមានជ័យដល់គល់ស្ពានស្ទឹងមានជ័យ កន្លងមកមានការជិះម៉ូតូបញ្ច្រាសទិសចរាចរណ៍នៅពេលព្រឹក ខណៈផ្លូវម្ខាងស្រឡះនិងម្ខាងទៀតណែននិងស្ទះ ។ ប៉ុន្តែ ក្រោយពីមានវិធានការទប់ស្កាត់ការជិះបញ្ច្រាសទិសមួយរយៈមក ពេលនេះការជិះម៉ូតូបញ្ច្រាសទិសចរាចរណ៍ហាក់មិនមានទៀតទេ តែបើមានក៏មិនច្រើនដែរ ៕
ចែករំលែកព័តមាននេះ