រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានគូសបញ្ជាក់ថា កម្ពុជាមិនខ្វះអាវុធ និងកំលាំងក្នុងការវ៉ៃគ្នាជាមួយថៃនោះទេ ប៉ុន្តែកម្ពុជាមិនចង់វ៉ៃគ្នានោះទេ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានគូសបញ្ជាក់ថា កម្ពុជាមិនខ្វះអាវុធ និងកំលាំងក្នុងការវ៉ៃគ្នាជាមួយថៃនោះទេ ប៉ុន្តែកម្ពុជាមិនចង់វ៉ៃគ្នានោះទេ ។
ការបញ្ជាក់របស់សម្តេចតេជោ បន្ទាប់ពីមេយោធាថៃម្នាក់បានអះអាងថា បើកម្ពុជាចង់បានដីដែលបានកំពុងមានជម្លោះនោះទាល់តៃមានការវ៉ៃគ្នា ។ យ៉ាងណាក្តី ថ្លែងសារពិសេសនាព្រឹកថ្ងៃទី១៦ ខែមិថុនាឆ្នាំ២០២៥ ចេញពីវិមានព្រឹទ្ធសភា សម្តេចតេជោបានគូសបញ្ជាក់យ៉ាងដូច្នេះថា៖«យើងដាក់ប្តឹងទៅតុលាការយុត្តិធម៌អន្តរជាតិ (ICJ)យើងមិនចង់បង្កើតសង្គ្រាមនោះទេ… វាច្បាស់លាស់ហើយ សូម្បីតែប៉ុន្មានថ្ងៃ កន្លងមកនេះ វាគ្រាប់គ្រាន់បញ្ជាក់ថា គេចង់វ៉ៃគ្នា ជាជាងទៅរកសន្តិភាពតាមរយៈតុលាការICJ នោះទេ ដោយគេថាបើចង់បានដីហ្នឹងកន្លែងហ្នឹង គឺត្រូវវ៉ៃគ្នា ។
កម្ពុជាមិនមែនខ្វះអាវុធ ឬខ្វះកំលាំង ដើម្បីវ៉ៃគ្នានោះទេ តែកម្ពុជាមិនចង់វ៉ៃគ្នានោះទេ ។ កម្ពុជាបញ្ជាក់ឆន្ទៈរបស់ខ្លួនថាមានកំលាំង សម្រាប់ទប់ទល់ជាមួយយថាហេតុទាំងអស់ ប៉ុន្តែខ្លួនមិនចង់វ៉ៃជាមួយអ្នកណាទាំងអស់សុំត្រឹមតែការពារទឹកដីរបស់ខ្លួនទេ»។
សម្តចតេជោបានបន្តថា នៅតំបន់ទាំង៤មានព្រំដែនជាង៨គីឡូម៉ែត្រ ប៉ុន្តែតំបន់ទាំង៤ នេះគឺតំបន់មុំបី តំបន់ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ក៏មិន អាចរការស្រួលស្រួលគ្នាបានទេ១០០ឆ្នាំទៀត ឬ២០០ឆ្នាំទៀតក៏មិនចប់ដែរ ហើយជាមេមូលហេតុដែលបណ្តាលឲ្យផ្ទុះសង្គ្រាមរវាងប្រទេសទាំងពីរ ។ ដូច្នេះហើយ បានយើងជ្រើសរើសដំណោះស្រាយដោយសន្តិភាពតាមរយៈការចរចា និងការអនុវត្តច្បាប់ ។
សម្តេចតេជោបានសង្ឃឹមថា ប្រទេសលើពិភពលោកដែលកំពុងអនុវត្តលើនយោបាយគោរពច្បាប់អន្តរជាតិដោយចៀសវាងប្រើប្រាស់កំលាំង ឬគម្លាតប្រើប្រាស់កំលាំង និងគាំទ្រកម្ពុជាក្នុងការស្វែងរកដំណោះស្រាយដោយសន្តិវិធី និងសន្តិភាព តាមរយៈការចរចា ទ្វេរភាគី និងតាមរយៈយន្តតុលាការយុត្តិធម៌អន្តរជាតិ។
សម្តេចតេជោបានលើកឡើងទៀតថា អ្នកណាក៏ដោយឲ្យតែគេចវែសពីតុលាការ មានន័យថាខ្លួនមានពិរុទ្ធភាព ដែលនិយាយតាមត្រង់ទេ មានតែចោរទេ ដែលខ្លាចតុលាការ ។ តែកម្ពុជាមានបរិសុទ្ធមិនត្រូវខ្លាចតុលាការនោះទេ ។
ជាមួយគ្នានោះដែរ សម្តេចតេជោបានលើកឡើងថា បើមានការវ៉ៃគ្នានោះនឹងធ្វើឲ្យបាត់បង់សាច់ឈាមជាច្រើននាក់ជាមិនខាន។ សម្តេចថា កម្ពុជាមិនដកថយនោះទេ ហើយមានតែយន្តការដោះស្រាយសន្តិវិធី ៕
ចែករំលែកព័តមាននេះ