រាជធានីភ្នំពេញ ៖ ពលករខ្មែរអាចចាកចេញមកកម្ពុជា មុនថៃបណ្តេញចេញ ដែលពេលនេះ កំពុងទទួលការមើលងាយ និងប្រមា.ថ ។ នេះបើតាមការលើកឡើងរបស់សម្តេចតេជោ ហ៊ុន…
រាជធានីភ្នំពេញ ៖ ពលករខ្មែរអាចចាកចេញមកកម្ពុជា មុនថៃបណ្តេញចេញ ដែលពេលនេះ កំពុងទទួលការមើលងាយ និងប្រមា.ថ ។ នេះបើតាមការលើកឡើងរបស់សម្តេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា ។
ក្នុងចំណុចសំខាន់ចំនួន៦ ដែលសម្តេចតេជោ ដាក់ទៅកាន់រាជរដ្ឋាភិបាលសម្តេចតេជោ បានបញ្ជាក់ថា ៖ ត្រៀមទទួលយក និងដោះស្រាយការងារជូនពលករដែលនឹងវិលត្រឡប់ពីប្រទេសថៃ ។
កម្ពុជាកំពុងខ្វះកម្លាំងពលកម្មទាំងក្នុងវិស័យឧស្សាហកម្ម ទាំងក្នុងវិស័យកសិកម្ម និងសំណង់រាប់សិបម៉ឺនកន្លែង ។ សម្តេចតេជោ បានបញ្ជាក់បន្ថែមថា៖«បងប្អូនពលករអាចចាកចេញមកកម្ពុជា មុនថៃបណ្តេញចេញដែលពេលនេះ កំពុងទទួលការមើលងាយ និងប្រមា.ថយ៉ាងធ្ងន់ធ្ងរនៅតំបន់មួយចំនួន» ។
សម្តេចបានលើកឡើងទៀតថា បើថៃមិនធ្វើការដោះស្រាយច្រកព្រំដែនឲ្យវិលមករកភាពប្រក្រតីវិញ យើងគ្មានជម្រើសក្រៅពីធ្វើការទាំងអស់នេះទេ ។
ជាមួយគ្នានោះដែរ សម្តេចតេជោ ក៏សូមអំពាវបងប្អូនជនរួមជាតិ សូមកុំធ្វើអំពើជ្រុលនិយមដូចជា បាតុកម្មប្រឆាំងស្ថានទូតថៃ ក្រុមហ៊ុនថៃ និងជនជាតិថៃនៅកម្ពុជា និងសូមកុំស្អ.ប់ខ្ពើ.មប្រកាន់ពូជសាសន៍ចំពោះជនជាតិថៃដែលភាគច្រើនលើសលប់ជាមនុស្សល្អ ។ មានតែក្រុមជ្រុលនិយម និងយោធាមួយចំនួនប៉ុណ្ណោះដែលបង្ករឿងជាមួយកម្ពុជា ព្រោះជាទម្លាប់រដ្ឋាភិបាលថៃ មិនអាចគ្រប់គ្រងកងទ័ពបានដូចប្រទេសយើងនោះទេ៕
ចែករំលែកព័តមាននេះ