ADផ្ទាំងផ្សព្វផ្សាយពាណិជ្ជកម្ម

Picture

អាមេរិក​ត្រៀម​ជម្លៀស​បុគ្គលិក​ទូត​ពី​មជ្ឈិម​បូព៌ា​ព្រោះ​ជិត​ផ្ទុះ​សង្គ្រាម​ជា​មួយ​អ៊ីរ៉ង់​ហើយ

3 អាទិត្យ មុន

ទី​ក្រុង​វ៉ាស៊ីនតោន៖ ​ស្ថាន​ទូត​អាមេរិក​ប្រចាំ​ទី​ក្រុង​បាក់​ដាត​ ប្រទេស​អ៊ីរ៉ាក់​​ ត្រៀម​​ជម្លៀស​បុគ្គលិក​​ជា​បន្ទាន់​ទៅ​កាន់​ទី​កន្លែង​សុវត្ថិ​ភាព​ព្រោះ​មាន​សញ្ញា​ថា​អាច​នឹង​​ផ្ទុះ​សង្គ្រាម​​រវាង​អាមេរិក និង​អ៊ីរ៉ង់​។ មិន​តែ​ប៉ុណ្ណោះ​ ​​កូន​ចៅ​របស់​អ៊ីរ៉ង់​​ក៏​អាច​នឹង​ចូល​រួម​លេង​ល្បែង​សង្គ្រាម​នេះ​ផង​ដែរ​។ ឥឡូវ​នេះ​គេ​ឮ​ថា​ក្រុម​ហ៊ូទី​នៅ​ប្រទេស​យេម៉ែន​ប្រកាស​ថា​បើ​សង្គ្រាម​នេះ​ផ្ទុះ​ឡើង​មែន ខ្លួន​​អាច​​​​ចូល​រួម​កំដរ​បាន​។​ ស្ថាន​ការណ៍​វិវត្ត​ថ្មី​ៗ​នេះ​កើត​ឡើង​​នៅ​ពេល​អាមេរិក​…

ទី​ក្រុង​វ៉ាស៊ីនតោន៖ ​ស្ថាន​ទូត​អាមេរិក​ប្រចាំ​ទី​ក្រុង​បាក់​ដាត​ ប្រទេស​អ៊ីរ៉ាក់​​ ត្រៀម​​ជម្លៀស​បុគ្គលិក​​ជា​បន្ទាន់​ទៅ​កាន់​ទី​កន្លែង​សុវត្ថិ​ភាព​ព្រោះ​មាន​សញ្ញា​ថា​អាច​នឹង​​ផ្ទុះ​សង្គ្រាម​​រវាង​អាមេរិក និង​អ៊ីរ៉ង់​។ មិន​តែ​ប៉ុណ្ណោះ​ ​​កូន​ចៅ​របស់​អ៊ីរ៉ង់​​ក៏​អាច​នឹង​ចូល​រួម​លេង​ល្បែង​សង្គ្រាម​នេះ​ផង​ដែរ​។ ឥឡូវ​នេះ​គេ​ឮ​ថា​ក្រុម​ហ៊ូទី​នៅ​ប្រទេស​យេម៉ែន​ប្រកាស​ថា​បើ​សង្គ្រាម​នេះ​ផ្ទុះ​ឡើង​មែន ខ្លួន​​អាច​​​​ចូល​រួម​កំដរ​បាន​។​

ស្ថាន​ការណ៍​វិវត្ត​ថ្មី​ៗ​នេះ​កើត​ឡើង​​នៅ​ពេល​អាមេរិក​ និង​អ៊ីរ៉ង់​ត្រៀម​ចរ​ចា​គ្នា​ជាថ្មី​។ ប៉ុន្តែ​គេ​មិន​ទាន់​ដឹង​ថា​តើ​ការ​ចរ​ចា​គ្នា​​អាច​នឹង​ទទួល​បាន​ជោគ​ជ័យ​ឬ​យ៉ាង​ណា​ទេ​។ ​អ៊ីរ៉ង់​ព្រមាន​ថា​បើ​​​ការ​ចរ​ចា​គ្នា​បរាជ័យ ហើយ​ខ្លួន​ទទួល​រង​ការ​វាយ​ប្រហារ​ ខ្លួន​នឹង​ចាត់​ការ​វាយ​បក​វិញ​ទៅ​លើ​មូល​ដ្ឋាន​កង​ទ័ព​អាមេរិក​នៅ​មជ្ឈិម​បូព៌ា​។​ ទី​ភ្នាក់​ងារ​ព័ត៌​មាន​អេ​ភី​ផ្សាយ​ថា​ស្ថាន​ទូត​អាមេរិក​នៅ​អ៊ីរ៉ាក់​ចេញ​បញ្ជា​ឱ្យ​ជម្លៀស​បុគ្គ​លិក​ធម្មតា​​​។​​ មាន​ន័យ​ថា​ទុក​តែ​អ្នក​ដែល​សំខាន់​ខ្លាំង​មែន​ទែន​ដែល​ត្រូវ​តែ​ប្រចាំ​ការ​ដោយ​ខាន​មិន​បាន​។

អាមេរិក​ក៏​ផ្ដល់​សិទ្ធិ​ឱ្យ​ទាហាន​ដែល​ប្រចាំ​ការ​នៅ​ទូទាំង​តំបន់​មជ្ឈិម​បូព៌ា​អាច​ចាក​ចេញ​បាន​បើ​ពួក​គេ​ចង់​ចាក​ចេញ​​​។ សភាព​ការណ៍​កាន់​តែ​ឡើង​កម្ដៅ​នា​រយៈ​ពេល​ប៉ុន្មានថ្ងៃ​ចុង​ក្រោយ​នេះ​នៅ​ពេល​​ការ​ចរ​ចា​គ្នា​ហាក់​ដូច​ជាមិន​​រីក​ចម្រើន​ទៅ​មុខ​សោះ​​។ ក្រសួង​ការ​បរទេស​អាមេរិក​ប្រកាស​ឱ្យ​ត្រៀម​ជម្លៀស​បុគ្គ​លិក​ទូត​​​បន្ទាប់​ពី​រដ្ឋ​មន្ត្រី​ការ​ពារ​ជាតិ​អ៊ីរ៉ង់​ប្រកាស​​ថា​បើ​ការ​ចរចា​នុយ​ក្លេអ៊ែរ​បរាជ័យ​ពេល​ណា​ អ៊ីរ៉ង់​នឹង​វាយ​ប្រ​ហារ​ពេល​នោះ​​។​

តាម​ពិត​ អាមេរិក​កាត់​បន្ថយ​បុគ្គ​លិក​ស្ថាន​ទូត​របស់​ខ្លួន​នៅ​បាក់​ដាត​តាំង​ពី​យូរ​មក​ហើយ​។ មាន​ន័យ​ថា​គ្មាន​មនុស្ស​ប៉ុន្មាន​នាក់​នៅ​ក្នុង​នោះ​ទេ​។ ដូច្នេះ​បើ​មាន​ការណ៍​អ្វី​មិន​ស្រួល​ ​អាមេរិក​មិន​ពិបាក​ជម្លៀស​មនុស្ស​ចេញ​ច្រើន​ពេក​ទេ​។ ក្រៅ​ពីនេះ ក្រសួង​ការ​បរទេស​អាមេរិក​ក៏​បាន​ផ្ដល់​សិទ្ធិ​ឱ្យ​បុគ្គ​លិក​ទូត​នៅ​ប្រ​ទេស​បារ៉េន​ និង​គូវែត​​គួរ​ត្រៀម​ជម្លៀស​ខ្លួន​ឱ្យ​ហើយ​​ទៅ​។ មាន​ន័យ​ថា​ពួក​គេ​អាច​ចាក​ចេញ​ពី​ប្រទេស​ទាំង​នោះ​តែ​ម្ដង​ មិន​មែន​ត្រឹម​តែ​ជម្លៀស​ខ្លួន​ធម្មតា​​ៗ​នោះ​ទេ​។​

មន្ទីរ​បញ្ចកោណ​ថ្លែង​ថា​ខ្លួន​កំពុង​ត្រៀម​លក្ខ​ណៈ​សម្បត្តិ​២៤​ម៉ោង​លើ​២៤​ម៉ោង​ដើម្បី​ជួយ​សម្រួល​ការ​ជម្លៀស​ជន​ជាតិ​អា​មេ​រិក​នៅ​បាក់​ដាត​។ នេះ​បើ​តាម​មន្ត្រី​ជាន់​ខ្ពស់​ម្នាក់​និយាយ​ប្រាប់​ទី​ភ្នាក់​ងារ​ព័ត៌​មាន​អេភី​។ តាម​មើល​ទៅ, ការ​ចរ​ចា​​គ្នា​មិន​សង្ឃឹ​ម​ថា​មាន​កិច្ច​ព្រម​ព្រៀង​ទេ​។ សូម្បី​តែ​លោក​ត្រាំ​ខ្លួន​ឯង​ក៏​មិន​ទាន់​ដឹង​ច្បាស់​ថា​តើ​​កិច្ច​ព្រមព្រៀង​នេះ​អាច​នឹង​ទៅ​រួច​ឬ​អត់​។​​

កាសែត​ញូយ៉ក​ប៉ុស្តិ៍​បាន​សាក​សួរ​លោកត្រាំ​​​ថា​​តើ​លោក​មាន​ជំនឿ​ថា​អ៊ីរ៉ង់​​យល់​ព្រម​បញ្ឈប់​ការ​ចម្រាញ់​សារ​ធាតុ​វិទ្យុ​សកម្ម​ (អ៊ុយ​រ៉ា​ញ៉ូម) ដែរ​ឬ​ទេ​? លោក​ឆ្លើយ​តប​ថា​ប្រហែល​ជា​មិន​អាច​ទេ​។ លោក​កាន់​តែ​អស់​សង្ឃឹម​ទៅ​​អស់​ទៅ​ហើយ​នៅ​ក្នុង​រឿង​នេះ​។ ​ប៉ុន្តែ​ត្រាំ​បញ្ជាក់​ម្ដង​ហើយ​ម្ដង​ទៀត​ថា​គាត់​​មិន​អាច​បណ្ដោយ​ឱ្យ​អ៊ីរ៉ង់​ផលិតអាវុធ​នុយ​ក្លេអ៊ែរ​ជា​ដាច់​ខាត​ទោះ​នៅ​ក្នុង​តម្លៃ​ណា​ក៏​ដោយ​។ មាន​ន័យ​ថា​នៅ​ក្នុង​ករណី​ចាំ​បាច់​ អាមេរិក​មុខ​តែ​វាយ​ប្រហារ​ទី​តាំង​នុយ​ក្លេអ៊ែរ​របស់​អ៊ីរ៉ង់​ជា​មិន​ខាន​។

មិន​មែន​តែ​អាមេរិក​ទេ​ អ៊ីស្រាអែល​ក៏​អាច​នឹង​ចូល​រួម​វាយ​​ប្រហារ​ផង​ដែរ​។ ប៉ុន្តែ​ត្រាំ​ថ្លែង​​​ថា​បើ​អាច​ជៀស​វាង​បាន​ វាយ​ប្រ​ហារ​អ៊ីរ៉ង់​​ល្មម​ៗ​បាន​ហើយ​ដើម្បី​កុំ​ឱ្យ​ធ្លាក់​ចូល​ទៅ​ក្នុង​សង្គ្រាម​ទ្រង់​​ទ្រាយ​ធំ​។ មិន​និយាយ​លេង​សើច​ទេ​ គណ​បក្ស​សា​ធារ​ណរដ្ឋ​​បើ​ហ៊ាន​និយាយ​ត្រូវ​តែ​ហ៊ាន​ធ្វើ​។ ឥឡូវ​នេះ មន្ទីរ​បញ្ច​កោណ (ក្រសួង​ការ​ពារ​ជាតិ​អាមេរិក​) ត្រៀម​គ្រប់​សេណារីយោ​ទាំង​អស់​។ ឧត្ដម​សេនីយ៍​ម៉ៃ​ឃើល ឃូរីឡា​ (Michael Kurilla) ប្រាប់​អ្នក​តំណាង​រាស្ត្រ​អាមេរិក​ថា​ក្រសួង​បាន​ដាក់​ជូន​ផែន​ការ​វាយ​ប្រហារ​អ៊ីរ៉ង់​ទៅ​សេត​វិមាន​រួច​ហើយ​​៕

អត្ថបទសរសេរ ដោយ

កែសម្រួលដោយ