រាជធានីភ្នំពេញ ៖ ឯកឧត្តម លោក ម៉ុង ឫទ្ធី សមាជិព្រឹទ្ធសភាបានស្នើឲ្យរាជរដ្ឋាភិបាលត្រួតពិនិត្យគុណភាពការនាំចូលជីគីមី ពូជផ្លែឈើ និងពូជកូនពីប្រទេសជិតខាង ។…
រាជធានីភ្នំពេញ ៖ ឯកឧត្តម លោក ម៉ុង ឫទ្ធី សមាជិព្រឹទ្ធសភាបានស្នើឲ្យរាជរដ្ឋាភិបាលត្រួតពិនិត្យគុណភាពការនាំចូលជីគីមី ពូជផ្លែឈើ និងពូជកូនពីប្រទេសជិតខាង ។
លោក ម៉ុង ឫទ្ធី សមាជិកព្រឹទ្ធសភា នៅក្នុងកិច្ចប្រជុំសមាជរដ្ឋសភា និងព្រឹទ្ធសភា នាព្រឹកថ្ងៃទី៣ ខែមិថុនា ឆ្នាំ២០២៥ ។ លោកបានបញ្ជាក់យ៉ាងដូច្នេះថា ៖«ចំពោះខ្ញុំគិតថា ការងារ ធ្វើកសិកម្មដាំដុះ ត្រូវការលក្ខខណ្ឌចំពោះមុខ គឺជី , ទឹក , ដី ដែលមានជីវជាតិ តែដីដែលគ្មានជីវជាតិ យើងត្រូវកែប្រែដីទើបអាចដាំដុះបាន បើយើងគិតយកតែដីល្អ យើងយកពីណាបាន ដូច្នេះយើងត្រូវកែប្រែដី ។
លោក ក៏បានអរគុណដល់រាជរដ្ឋាភិបាល ដែលបានខិតខំពុះពារតាំងពីបាតដៃទទេ គ្មានអង្ករច្រកឆ្នាំង រហូតដល់នាំអង្ករទៅក្រៅប្រទេស ។ លើសពីនេះ ពិបាករកទីផ្សារលក់អង្ក ដែលមិនអាចនឹកស្មានដល់ ដែលចំណុចនេះយើងត្រូវដោះស្រាយ ។ លោកបញ្ជាក់ថា៖«ខ្ញុំសំណូមពរដល់រាជរដ្ឋាភិបាលថា សុំមេត្តាត្រួតពិនិត្យការនាំចូលជី សំខាន់គុណភាព កុំគេយកជីគ្មានគុណភាពលក់ឲ្យកសិករ ជីកសិករយកមកដាក់ស្រែចម្ការទៅទទួលបានផលតិច ហើយតម្លៃជីខ្ពស់ ។
ជាងនេះ ការនាំចូលពូជសត្វក៏ដូចគ្នាដែរ ហើយស្មើសុំឲ្យរដ្ឋាភិបាលបង្កើនយកចិត្តទុកដាក់ ផលិតពូជឈើហូបផ្លែ ដែលប្រទេសជិតខាងគេឈប់ប្រើបានគេលក់ឲ្យយើង ដោយគេ មិនចង់ឲ្យយើងទទួលបានផលច្រើនទេ» ។
ជាមួយគ្នានោះដែរ ឯកឧត្តមក៏បានឲ្យដឹងថា ក្រោយឆ្នាំ១៩៧៩ កម្ពុជាបាននាំសត្វជ្រូកចូលពីប្រទេសជិតខាងរហូត តែបច្ចុប្បន្ននេះរយៈពេល៣ឆ្នាំហើយ ការផលិតជ្រូកបានលើសការហូប ។ លើសពីនេះ លោក ក៏បានស្នើឲ្យមានការប្រុងប្រយ័ត្នចំពោះការនាំជ្រូកចូលពីប្រទេសជិតខាង ព្រោះថា សូម្បីតែសត្វជ្រូករស់ក៏គេអាចដាក់គីមីដែរ ។ លោកបានគូសបញ្ជាក់ថា៖«គេចាក់ថ្នាំតែមួយម្ជុល ១៥ថ្ងៃក្រោយមក គេហ៊ានតម្លៃមួយកាក់នៃតម្លៃទិញធម្មតា ។
អ៊ីញ្ចឹងយើងប្រាកដជាមានបញ្ហា ! សាច់ជ្រូកដែលយកទៅព្យួរលក់នោះមានបញ្ហា ពិសេសនោះសាច់ជ្រូក ដែលព្យួរលក់គ្មានរុយរោម គឺមានគីមីហើយ មានព័ណ៌ក្រហមនឹងហើយ…» ។ លោកក៏បានស្នើឲ្យប្រជាពលរដ្ឋងាកមកធ្វើការកែច្នៃសាច់ត្រី ដូចផ្អក ប្រហុក ឬសាច់គោក៏អាចធ្វើជាផ្អកបានដែរ ៕
ចែករំលែកព័តមាននេះ