សង្គ្រាមអីុស្រាអែលនិងហាម៉ាស់ ៖ អ្នកនាំពាក្យសេតវិមានលោកស្រីការ៉ូលីនលីវីតថ្លែងក្នុងសន្និសីទសារព័ត៌មានមួយថា បេសកជនពិសេសអាមេរិកលោកSTEVE WITKOFFនិងប្រធានាធិបតី បានដាក់ឲ្យក្រុមហាម៉ាស់នូវសំណើឈប់បាញ់គ្នាមួយ ដែលអីុស្រាអែលបានទទួលយករួចហើយ ។ អីុស្រាអែលបានចុះហត្ថលេខាលើសំណើនោះតាំងពីមុនពេលបញ្ជូនឲ្យក្រុមហាម៉ាស់មកម្លេ៉ះ។ លោកស្រីបន្តថាការពិភាក្សាគ្នានៅបន្តធ្វើទៀត។…
សង្គ្រាមអីុស្រាអែលនិងហាម៉ាស់ ៖ អ្នកនាំពាក្យសេតវិមានលោកស្រីការ៉ូលីនលីវីតថ្លែងក្នុងសន្និសីទសារព័ត៌មានមួយថា បេសកជនពិសេសអាមេរិកលោកSTEVE WITKOFFនិងប្រធានាធិបតី បានដាក់ឲ្យក្រុមហាម៉ាស់នូវសំណើឈប់បាញ់គ្នាមួយ ដែលអីុស្រាអែលបានទទួលយករួចហើយ ។ អីុស្រាអែលបានចុះហត្ថលេខាលើសំណើនោះតាំងពីមុនពេលបញ្ជូនឲ្យក្រុមហាម៉ាស់មកម្លេ៉ះ។ លោកស្រីបន្តថាការពិភាក្សាគ្នានៅបន្តធ្វើទៀត។
មុននេះសារព័ត៌មានអីុស្រាអែលអះអាងថា នាយករដ្ឋមន្ត្រីអីុស្រាអែលលោកបេនចាមីននេតាន់យ៉ាហ៊ូ បានទាក់ទងជាមួយគ្រួសារបណ្ដាចំណាប់ខ្មាំង ដែលកំពុងស្ថិតក្នុងដៃពួកហាម៉ាស់ដើម្បីប្រាប់ថា លោកទទួលយកសំណើឈប់បាញ់នោះ។ រួចនាេសៀលថ្ងៃទី២៩ឧសភាក្រុមហាម៉ាស់លើកឡើងក្នុងសេចក្ដីប្រកាសមួយថា បានទទួលតាមរយៈពួកអ្នកអាជ្ញាកណ្ដាល សំណើថ្មីរបស់បេសកជនពិសេសអាមេរិក សម្រាប់មជ្ឈឹមបូព៌៌ា លោកSTEVE WITKOFF។ សេចក្ដីប្រកាសបន្តថា ថ្នាក់ដឹកនាំហាម៉ាស់សិក្សាសំណើនោះដោយការទទួលខុសត្រូវ។ ក្រុមហាម៉ាស់មិនទាន់អះអាងពីការទទួលយកសំណើនេះនៅឡើយទេ។
កាលពីយប់ថ្ងៃទី២៩ឧសភាលោកបាស់សែមណៃអីុមអ្នកទទួលខុសត្រូវម្នាក់របស់ហាម៉ាស់រស់នៅនិរទេសថ្លែងថា សំណើឈប់បាញ់គ្នាដែលអាមេរិកបានស្នើនោះ មិនឆ្លើយតបចំពោះសំណើទាំងឡាយរបស់ប្រជាជនយើងឡើយ ។ ចម្លើយរបស់អីុស្រាអែលទទួលយកសំណើនោះ មានន័យសំខាន់ថា ជាការកាន់កាប់ដែនដីយើងដោយអីុស្រាអែលជាប់រហូត និងជាការបន្តសម្លាប់និងផ្ដាច់ស្បៀងរបស់អីុស្រាអែល ទោះក្នុងដំណាក់កាលនៃបទឈប់បាញ់គ្នាបណ្ដោះអាសន្ន និងមិនឆ្លើយតបសំណើណាមួយរបស់ប្រជាជនយើងឡើយ ពិសេសការបញ្ឈប់សង្គ្រាមនិងគ្រោះអត់ឃ្លាន៕
ចែករំលែកព័តមាននេះ