ADផ្ទាំងផ្សព្វផ្សាយពាណិជ្ជកម្ម

Picture

ធ្លា.ក់​យន្ត​ហោះ​យោធា​កូរ៉េ​ខាង​ត្បូង១​គ្រឿង​ស្លា.ប់​មនុស្ស​ទាំង​៤​នាក់​ដែល​ជិះ​នៅ​ក្នុង​នោះ

6 ថ្ងៃ មុន

ទី​ក្រុង​សេអ៊ូល៖ សោក​ស្ដាយ​ចំពោះ​ប្រទេស​កូរ៉េ​ខាង​ត្បូង។​ ថ្ងៃ​នេះ​ទន្ទឹម​នឹង​មាន​ព្រឹត្តិការណ៍​បោះ​ឆ្នោត​មុន​កាល​កំណត់​​ក៏​មាន​ព្រឹត្តិ​ការណ៍​អកុសល​ធ្លាក់​​យន្ត​ហោះ​ល្បាត​​​យោធា​មួយ​គ្រឿង​បណ្ដាល​ឱ្យ​ស្លាប់​មនុស្ស​សរុប​​​៤​នាក់​នៅ​ទី​ក្រុង​ផូហាង​ (Pohang)។ យន្ត​ហោះ​ម៉ាក​ភី​បី (P-3) បាន​ចូលរួម​នៅ​ក្នុង​បេសក​កម្ម​ហ្វឹក​ហ្វឺន​យោធា​នៃ​មូល​ដ្ឋាន​ទ័ព​អាកាស​មួយ​កន្លែង​។​ បន្ទាប់​ពី​ចាក​ចេញ​ពីមូល​ដ្ឋាន​​នោះ​​នៅ​ម៉ោង​១:៤៣​បាន​ប្រហែល​៦នាទី​ យន្ត​ហោះ​​​​ក៏​ធ្លាក់​​​​ទៅ​លើ​ដី​តែ​ម្ដ​ង​។ វីឌីអូ​ឃ្លីប​ដែល​​ថត​បាន​នៅ​នឹង​កន្លែង​កើត​ហេតុ​…

ទី​ក្រុង​សេអ៊ូល៖ សោក​ស្ដាយ​ចំពោះ​ប្រទេស​កូរ៉េ​ខាង​ត្បូង។​ ថ្ងៃ​នេះ​ទន្ទឹម​នឹង​មាន​ព្រឹត្តិការណ៍​បោះ​ឆ្នោត​មុន​កាល​កំណត់​​ក៏​មាន​ព្រឹត្តិ​ការណ៍​អកុសល​ធ្លាក់​​យន្ត​ហោះ​ល្បាត​​​យោធា​មួយ​គ្រឿង​បណ្ដាល​ឱ្យ​ស្លាប់​មនុស្ស​សរុប​​​៤​នាក់​នៅ​ទី​ក្រុង​ផូហាង​ (Pohang)។ យន្ត​ហោះ​ម៉ាក​ភី​បី (P-3) បាន​ចូលរួម​នៅ​ក្នុង​បេសក​កម្ម​ហ្វឹក​ហ្វឺន​យោធា​នៃ​មូល​ដ្ឋាន​ទ័ព​អាកាស​មួយ​កន្លែង​។​

បន្ទាប់​ពី​ចាក​ចេញ​ពីមូល​ដ្ឋាន​​នោះ​​នៅ​ម៉ោង​១:៤៣​បាន​ប្រហែល​៦នាទី​ យន្ត​ហោះ​​​​ក៏​ធ្លាក់​​​​ទៅ​លើ​ដី​តែ​ម្ដ​ង​។ វីឌីអូ​ឃ្លីប​ដែល​​ថត​បាន​នៅ​នឹង​កន្លែង​កើត​ហេតុ​ និង​​ចាក់​ផ្សាយ​នៅ​លើ​ទូរ​ទស្សន៍​វ៉ាយ​ធី​អឹន (YTN) បង្ហាញ​ថា​យន្ត​ហោះ​​ចាប់​ផ្ដើម​ហោះ​ចាក់​កួ​កាន់​តែ​ទាប​ទៅ​ៗ​។ រំពេច​នោះ គេ​ឃើញ​ផ្សែង​ខ្មួល​ខ្មាញ់​ហោះ​ហើរ​ទៅ​លើ​អាកាស​ និង​ឃើញ​ភ្លើង​ឆេះ​យ៉ាង​សន្ធោ​សន្ធៅ​បន្ទាប់​ពី​​យន្ត​ហោះ​ធ្លាក់​ទៅ​លើ​ដី​បាន​ត្រឹម​តែ​បន្តិច​ប៉ុណ្ណោះ​។

កង​ទ័ព​ជើង​ទឹក​កូរ៉េ​ខាង​ត្បូង​ប្រកាស​ថា​សាក​សព​របស់​បុគ្គលិក​យោធា​ដែល​បាន​ទទួល​អនិច្ច​កម្ម​នៅ​ក្នុង​ឧបទ្ទ​វ​ហេតុ​នេះ​ត្រូវ​បាន​គេ​ប្រមូល​គ្រប់​ចំនួន​អស់​ហើយ​ ហើយ​គ្មាន​អ្នក​ស្រុក​អ្នក​ភូមិ​ណា​ម្នាក់​ដែល​រស់​នៅ​ជិត​កន្លែង​កើត​ហេតុ​នោះ​បាន​ស្លាប់​ ឬ​រង​របួស​ទេ​។ ​​បេសក​កម្ម​របស់​យន្ត​ហោះ​នេះ​​ត្រូវ​កាត់​រំសាយ​ចោល​​ខណៈ​ដែល​សមត្ថ​កិច្ច​ចាប់​ផ្ដើម​ស៊ើប​អង្កេត​សំណុំ​រឿង​នេះ​។​​

ការិយាល័យ​សង្គ្រោះ​បន្ទាន់​ប្រចាំ​​ទីក្រុង​ផូហាង​ ខេត្ត​គ្យុង​សាង​ ប្រាប់​ថា​ក្រុម​អ្នក​ជួយ​សង្គ្រោះ និង​ពន្លត់​អគ្គិ​ភ័យ​បាន​ដាក់​ពង្រាយ​នៅ​កន្លែង​កើត​ហេតុ​។ រូប​ថត​ជា​ច្រើន​សន្លឹក​បង្ហាញ​រូប​រថ​យន្ត​ជា​ច្រើន​គ្រឿង​ដែល​ប្រមូល​ផ្ដុំ​គ្នា​យ៉ាង​ពពាក់​ពពូន​នៅ​កន្លែង​កើត​ហេតុ​ដែល​ហ៊ុម​ព័ទ្ធ​ដោយ​ភ្លើង​ឆេះ និង​ឃើញ​ដើម​ឈើ​ជា​ច្រើន​ត្រូវ​ហ៊ុម​ព័ទ្ធ​ដោយ​ផ្សែង​ដ៏​ខ្មៅ​ងងឹត​៕

អត្ថបទសរសេរ ដោយ

កែសម្រួលដោយ